मुख्य समाचार
अभियान सुरु भएको दुई दिनमा ४ लाख ६४ हजार किशोरीले पाठेघरको मुखको क्यान्सरविरुद्ध एचपीभी खोप लगाए
अभियान सुरु भएको दुई दिनमा ४ लाख ६४ हजार किशोरीले पाठेघरको मुखको क्यान्सरविरुद्ध एचपीभी खोप लगाए

। अभियान सुरु भएको दुई दिनमा ४ लाख ६४ हजार किशोरीले पाठेघरको मुखको क्यान्सरविरुद्ध एचपीभी खोप लगाएको छन् । मंगलबार र बुधबार गरी ४ लाख ६४ हजार ६२ जनाले एचपीभी खोप लगाएको स्वास्थ्य सेवा विभाग खोप शाखा प्रमुख डा.अभियान गौतमले जानकारी दिए ।

मंगलबारबाट खोप अभियान सुरु भएको थियो । दुई दिनमा लक्षित किशोरीमध्ये २८ प्रतिशतले खोप लगाइसकेका छन् । सबैभन्दा बढी कोशी प्रदेशमा ४४.९ प्रतिशतले खोप लगाएका छन् भने सबैभन्दा कम कभरेज कर्णाली प्रदेशमा ९.३ प्रतिशत छ ।

गौतमका अनुसार ७७ जिल्लामध्ये ७० जिल्लामा खोप अभियान सञ्चालन भइसकेको छ । विभिन्न प्रदेशका गरी ७ जिल्लामा सुरु भइसकेको छैन । कर्णाली प्रदेशका जुम्ला, हुम्ला र डोल्पामा खोप दिन सुरु गरिएको छैन । गण्डकी प्रदेशको मुस्ताङ र मनाङ साथै कोशी प्रदेशको संखुवासभा र इलाममा खोप अभियान सुरु हुन बाँकी छ ।


जुम्ला, इलाम र संखुवासभा जिल्लामा आइतबारबाट खोप दिइँदै छ । अन्य हिमाली जिल्लाहरुका अधिकारीहरुले भने फागुन महिनाबाट मात्रै सुरु गर्ने जानकारी दिएको गौतमले बताए । ‘ती जिल्लामा जाडो भएका कारण कतिपय ठाउँमा अहिले विद्यालय छुट्टी रहेछ फागुनबाट सुरु गर्छाैँ भन्नुभएको छ’ गौतमले भने।

फागुन १६ गतेसम्म चल्ने अभियानमा विद्यालयमा कक्षा ६ देखि १० सम्म अध्ययन गर्दै गरेका र विद्यालयबाहिर रहेका १० देखि १४ वर्ष उमेरका किशोरीलाई खोप दिइँदैछ ।

अभियानमा १६ लाख ८८ हजार ७६८ जनालाई खोप दिने लक्ष्य राखिएको छ । लक्षित जनसंख्याको कम्तिमा पनि ९० प्रतिशतलसम्म खोप पुर्‍याउने लक्ष्य राखिएको खोप शाखा प्रमुख गौतमले बताए ।

प्रतिक्रिया दिनुहोस्
अन्य समाचारहरु
भाटभटेनीले साढे ९ करोडमा बनाएर दियो त्रिवि शिक्षण अस्पताललाई नयाँ भवन
। सामान्य प्रशासन मन्त्री राजकुमार गुप्ताको घुस अडियो दुई दिनअघि सार्वजनिक भयो । कास्कीस्थित मालपोत कार्यालयका प्रमुखको थमौतीको विषयमा मन्त्री गुप्तामाथि ५३ लाख रुपैयाँ घुस लिएको आरोप छ । भूमि व्यवस्था तथा अभिलेख विभाग सम्वद्ध स्रोतका अनुसार, पोखरामा करिव १३५ रोपनी जग्गा व्यक्तिको नाममा दर्ता गर्न केही वर्षदेखि प्रयास भइरहेको छ । यसअघि दर्ता गर्न छुटेको ...
। त्रिवि शिक्षण अस्पतालमा इमर्जेन्सी ग्रीन एरिया वार्डमा १५ शय्या थपिएको छ । साथै आधुनिक थ्री टेस्ला एमआरआई सेवा समेत सुरु भएको छ । यसका लागि स्वास्थ्य तथा जनसंख्या मन्त्रालयले २० करोड रुपैयाँ बजेट दिएको थियो । सेवा शुरुआत गर्दै स्वास्थमन्त्री प्रदीप पौडेलले टिचिङ अस्पतालप्रति नागरिकको भरोसा रहेको बताए । अस्पतालमा थपिएको सेवाले धेरै नागरिकलाई सहज हुने ...
लियोनेल मेस्सीले मेजर लिग सकर (एमएलएस)मा लगातार पाँच खेलसम्म दोहोरो गोल गर्ने कीर्तिमान
: अब क्यान्सर उपचारमा प्रयोग हुने दुर्लभ र अत्यावश्यक औषधि निःशुल्क उपलब्ध हुने स्वास्थ्य तथा जनसंख्या मन्त्री प्रदीप पौडेलले जानकारी दिएका छन् । नेपालमा उपलब्ध नभएका कारण उपचारका लागि विदेश जानुपर्ने समस्या कम गर्न मन्त्री पौडेलको विशेष पहलमा अन्तर्राष्ट्रिय च्यारिटी डाइरेक्ट रिलिफले ३७ प्रकारका औषधि सहयोग गर्ने प्रतिबद्धता जनाएअनुसार पहिलो भाग नेपाल आइपुगेको हो । यसअघि ...