। सन् २००४ मा रिलिज भएको शाहरुख खानको फिल्म ‘मै हूँ ना’ उनको सफल फिल्म मध्ये एक हो । फिल्ममा शाहरुखसँग फराह खानले काम गर्ने मौका पाएकी थिइन् । हुन त, दर्शकले फराहसँग शाहरुखका सबै फिल्मलाई रुचाएका छन् । अहिले ‘मै हूँ ना २’ को चर्चा छ र यो फिल्मको स्क्रिप्टमा काम सुरु भएको बताइएको छ ।
पिंकभिल्लाको रिपोर्टका अनुसार फराह खान एक स्क्रिप्टमा काम गरिरहेकी छिन् जुन ‘मै हुँ ना’को परफेक्ट सिक्वेल बन्न सक्छ ।
स्रोतका अनुसार शाहरुखको प्रोडक्सन हाउस ‘रेड चिलीज’मा यो फिल्मको काम भइरहेको बताइएको छ । शाहरुख र पत्नी गौरीको उक्त कम्पनीको ब्यानरमा बनेको ‘मै हुँ ना’ पहिलो फिल्म हो । अहिले सोही कम्पनीमा यसको सिक्वेलको तयारी पनि सुरु भएको छ । यो खबरलाई लिएर सामाजिक सञ्जालमा दर्शकको उत्साह छाएको छ ।
रिपोर्टका अनुसार शाहरुखलाई फराहले ‘मै हुँ ना २’लाई लिएर बनाएको योजना मन परेको छ । उनी आफ्नो लेखकको टोली र रेड चिलीजसँग काम गर्ने लेखकसँग पटकथामा काम गरिरहेकी छिन् ।
शाहरुखले इन-हाउस टीमलाई स्क्रिप्टमा इमानदारीपूर्वक काम गर्न र पहिलो फिल्मभन्दा पनि धेरै बलियो बनाउन आग्रह गरेका छन् । रिपोर्ट अनुसार सन् २०२५ को मध्यमा पहिलो ड्राफ्ट तयार भई त्यसबारे निर्णय हुने अपेक्षा गरिएको छ । स्क्रिप्ट अहिले विकासको चरणमा रहेको बताइएको छ ।
शाहरुख र फराहले यसअघि ‘मै हूँ ना’, ‘ओम शान्ति ओम’ र ‘ह्याप्पी न्यू इयर’मा सँगै काम गरिसकेका छन् । यदि यो सिक्वेल बन्यो भने यो उनीहरुको सँगै चौथो फिल्म हुनेछ । शाहरुखको अर्को फिल्म सिद्धार्थ आनन्द निर्देशित ‘किंग’ हो जुन सन् २०२६ मा रिलिज हुँदैछ । यसबाहेक उनी यशराजको स्पाई युनिभर्स फिल्म ‘पठान २’ मा पनि देखिनेछन्, जसको कथा अहिले काम भइरहेको छ ।
