ट्रान्सजेन्डर एथलीटलाई महिला खेलकुदमा भाग लिन प्रतिबन्ध लगाउने कार्यकारी आदेशमा हस्ताक्षर

: अमेरिकी राष्ट्रपति डोनाल्ड ट्रम्पले बुधबार ट्रान्सजेन्डर एथलीटलाई महिला खेलकुदमा भाग लिन प्रतिबन्ध लगाउने कार्यकारी आदेशमा हस्ताक्षर गरेका छन्।

ट्रम्पले दर्जनौं बालबालिका र महिला खेलाडीहरूले घेरिएको ह्वाइट हाउसमा उक्त आदेशमा हस्ताक्षर गरेका हुन्।

उनले हस्ताक्षर गर्नुअघि भने, 'अबदेखि महिला खेलकुद महिलाहरूको लागि मात्र हुनेछ। यो कार्यकारी आदेशसँगै महिला खेलकुदमाथिको युद्ध समाप्त भएको छ।'

ट्रम्पले महिला एथलीटहरूको गौरवशाली परम्पराको रक्षा गर्ने बताए। पुरुषहरूलाई महिला र केटीहरूलाई कुटपिट गर्न, घाइते बनाउनका साथै धोका दिन अनुमति नदिने उल्लेख गरे।
ट्रम्पको अमेरिकी सरकारी एजेन्सीहरूलाई महिला टोलीहरूमा ट्रान्सजेन्डर खेलाडीलाई प्रतिस्पर्धा गर्न अनुमति दिने विद्यालयहरूलाई अनुदान नदिन आदेश दिएका छन्।

ट्रम्पले २०२८ को लस एन्जलस खेल अघि ट्रान्सजेन्डर खेलाडीहरू सम्बन्धी नियमहरू परिवर्तन गर्न अन्तर्राष्ट्रिय ओलम्पिक समिति (IOC) लाई दबाब दिने पनि बताए।

ट्रम्पले होमल्याण्ड सेक्युरिटी प्रमुख क्रिस्टी नोएमलाई महिला खेलाडी बनेर संयुक्त राज्य अमेरिकामा छलकपटपूर्वक प्रवेश गर्ने प्रयास गर्ने पुरुषहरूले गरेको भिसा आवेदनहरू अस्वीकार गर्न निर्देशन दिएका छन्।

ट्रम्पले आफ्नो दोस्रो कार्यकालको सुरुबाटै बारम्बार तेस्रो लिंगीलाई लक्षित गरेर विभिन्न निर्णय गरेका छन्।

आफ्नो उद्घाटन भाषणमा ट्रम्पले अमेरिकी सरकारको नीतिले केवल दुई लिङ्ग, पुरुष र महिलालाई मात्र मान्यता दिने बताएका थिए।

यसअघि ट्रम्पले सेनामा ट्रान्सजेन्डर नराख्ने पनि निर्णय गरेका थिए।

प्रतिक्रिया दिनुहोस्

अन्य समाचारहरु

पाकिस्तानमा पेट्रोलको भाउ: अब प्रतिलिटर ४५८ रुपैयाँ

: छिमेकी देश पाकिस्तानमा पेट्रोलियम पदार्थको मूल्यमा पुनः भारी वृद्धि भएको छ। बिहीबार र शुक्रबारको मध्यरातदेखि लागू हुने गरी सरकारले पेट्रोल र डिजेलको मूल्यमा अहिलेसम्मकै ठूलो वृद्धि गरेको हो। बीबीसीका अनुसार बिहीबार राति आयोजित पत्रकार सम्मेलनमा पेट्रोलियम मन्त्री अली परवेज मलिक र अर्थमन्त्री मोहम्मद औरंगजेबले नयाँ मूल्य सूची सार्वजनिक गरेका हुन्। सरकारको पछिल्लो निर्णयअनुसार ...

इरानद्वारा खसालिएको अमेरिकी एफ-१५ लडाकु विमानका 'बेपत्ता पाइलट'को खोजी कार्य

: इरानको दक्षिणी प्रान्त कोहगिलुयेह-बोयेरअहमदका डेपुटी गभर्नरले इरानद्वारा खसालिएको अमेरिकी एफ-१५ लडाकु विमानका 'बेपत्ता पाइलट'को खोजी कार्य तीव्र रुपमा भइरहेको जनाएका छन् । यस्तै अर्कोतर्फ अमेरिकाले पनि आफ्ना लडाकु विमान र हेलिकप्टर प्रयोग गरेर पाइलटको खोजीमा 'व्यापक प्रयास' गरिरहेको छ। इरानको सरकारी समाचार एजेन्सी 'फार्स'का अनुसार, डेपुटी गभर्नरले प्रहरी, सुरक्षा बल र स्थानीय बासिन्दाहरू पाइलटको ...

इरानको 'बी-१' पुलमा अमेरिकी हमला

: इरानको कराज सहरलाई राजधानी तेहरानसँग जोड्ने नवनिर्मित ‘बी-१’ पुल मा अमेरिकाले गरेको भीषण आक्रमणपछि इरानी नागरिकहरूमा गहिरो त्रास र आक्रोश देखिएको छ। अमेरिकी राष्ट्रपति डोनाल्ड ट्रम्पले बिहीबार यस आक्रमणको पुष्टि गरेपछि इरानभित्रको वातावरण थप तनावपूर्ण बनेको छ। इरानमा इन्टरनेटमाथि कडा प्रतिबन्ध लगाइएको भए पनि केही नागरिकहरूले ज्यानको जोखिम मोलेर स्टारलिंक मार्फत विश्व समुदायसँग आफ्नो पीडा ...

अमेरिकामा फैलियो घातक ‘राइनो ट्रयाङ्क’, फेन्टानिलसँगको मिसावटले निम्त्याउँदै मृत्युको जोखिम

अमेरिकी स्वास्थ्य अधिकारीहरू र ह्वाइट हाउसले अवैध लागुऔषध आपूर्तिमा एउटा नयाँ र अत्यन्तै घातक पदार्थ भेटिएको भन्दै उच्च सतर्कता जारी गरेका छन्। पशु चिकित्सकहरूले ठूला जनावरलाई बेहोस बनाउन प्रयोग गर्ने ‘मेडेटोमिडाइन’ नामक औषधि अहिले घातक लागुऔषध ‘फेन्टानिल’ सँग मिसाएर बेच्न थालिएको पाइएको हो। यसलाई सडकमा ‘राइनो ट्रयाङ्क’, ‘मेडे’ वा ‘डेक्स’ नामले चिनिन्छ। अमेरिकी रोग नियन्त्रण तथा रोकथाम ...

पृथ्वीको कक्ष छाडेर ‘ओरियोन’ चन्द्रमातर्फ : जेरेमी बने चन्द्रमाको यात्रा गर्ने पहिलो गैरअमेरिकी

मानव जातिलाई पुनः चन्द्रमाको सतहमा अवतरण गराउने उद्देश्यका साथ सुरु भएको आर्टेमिस-२ मिसनले आज एउटा ठूलो सफलता प्राप्त गरेको छ। पृथ्वीको कक्षमा एक दिन बिताएपछि चार अन्तरिक्ष यात्री सवार ‘ओरियोन’ क्याप्सुलले आफ्नो मुख्य इन्जिन सफलतापूर्वक प्रज्वलन गरी चन्द्रमातर्फको यात्रा सुरु गरेको छ। सन् १९७२ को ‘अपोलो’ मिसनपछि मानिस पृथ्वीको कक्षभन्दा बाहिर निस्किएको यो पहिलो पटक हो । ...