मुख्य समाचार
चीनले अमेरिकाबाट आयात गरिने सामानहरूमा १० प्रतिशत नै शुल्क लगाउने निर्णय
चीनले अमेरिकाबाट आयात गरिने सामानहरूमा १० प्रतिशत नै शुल्क लगाउने निर्णय

। चिनियाँ सामानमा १० प्रतिशत शुल्क लगाउने अमेरिकी निर्णयमा चीनले पनि जवाफ फर्काएको छ ।

चीनले अमेरिकाबाट आयात गरिने सामानहरूमा १० प्रतिशत नै शुल्क लगाउने निर्णय गरेको हो ।


यो निर्णयसँगै चीनमा अमेरिकाबाट आयात हुने ठूला इञ्जिन भएका कारहरू, पिकअप ट्रक, एलएनजी (तरल प्राकृतिक ग्यास), कच्चा तेल र कृषि उपकरणहरूको आयातमा असर पर्नेछ।

अमेरिकाले चीनविरुद्ध शुल्क लगाउने अन्तिम म्याद आज सकिएको थियो।


योसँगै चीनविरुद्ध अमेरिकाको १० प्रतिशत शुल्क नीति लागू भएको छ। यसको जवाफमा तत्काल चीनले पनि जवाफी शुल्क घोषणा गरेको हो ।

यसबीचमा अमेरिकाले मेक्सिको र क्यानडाविरुद्ध लगाएको २५/२५ प्रतिशत शुल्कर ३० दिनको लागि स्थगित गरेको छ ।

क्यानडा र मेक्सिकोले सीमाको सुरक्षामा सुधार गर्न र लागू औषध तस्करीविरुद्ध कडा कदम चाल्ने वाचा गरेपछि अमेरिकाले यो निर्णय लिएको हो।

क्यानाडा र मेक्सिको अमेरिकासँग सबैभन्दा धेरै व्यापार गर्ने देशहरू हुन्। ट्रम्पले शुल्क लगाउने घोषणा गरेपछि दुवै देशले जवाफी कारबाही गर्ने बताएका थिए।

क्यानडाले सीमाबाट फेन्टानिल लागू औषध तस्करी रोक्नका लागि अनुगमन गर्न विशेष अधिकारी नियुक्त गर्ने बताएको छ।

त्यस्तै, मेक्सिको ट्रम्पसँग भएको सम्झौताअनुसार सीमामा १० हजार सैनिक पठाउन सहमत भएको छ।

यसअघि ट्रम्पले चीनका राष्ट्रपति सी जिनपिङसँग कुराकानी गर्ने समाचार सार्वजनिक भएको थियो । बीबीसीका अनुसार यो कुराकानी आगामी २४ घण्टाभित्र हुनसक्नेछ ।

ह्वाइट हाउसकी प्रेस सचिव केरोलाइन लेविटले फक्स न्यूजमार्फत यो जानकारी दिएकी हुन्।

ट्रम्पले चीनमाथि लगाइएका भन्सार शुल्क बारे सी जिनपिङसँग छलफल गर्न सक्ने अनुमान गरिएको हो ।

चीनले अमेरिकाको यो कदमविरुद्ध विश्व व्यापार संगठनमा मुद्दा दर्ता गर्नसक्ने बताएको छ।

प्रतिक्रिया दिनुहोस्
अन्य समाचारहरु
: अमेरिकी राष्ट्रपति डोनाल्ड ट्रम्पले भारत र पाकिस्तानबीच आणविक युद्ध रोकेको दावी गरेका छन्। नेटो महासचिव मार्क रटसँगको भेटमा ट्रम्पले आफूले युद्ध नरोकेको भए भारत-पाकिस्तानबिच आणविक युद्ध हुनसक्ने खतरा रहेको बताएका छन्। उनले भनेका छन्,' मैले भारत र पाकिस्तानलाई भनेको थिएँ कि जबसम्म तपाईंहरू यो मुद्दा समाधान गर्नुहुन्न । तबसम्म हामी तपाईंहरूसँग व्यापारको बारेमा कुरा ...
। उत्तर एटलान्टिक सन्धि संगठन (नाटो)का साझेदार देश र युक्रेनबीच अमेरिकाबाट हतियार आपूर्तिका लागि नयाँ सम्झौता भएको छ । मिडिया रिपोर्टअनुसार, यस सम्झौता अनुसार अमेरिकाले युक्रेनलाई अत्याधुनिक हतियारसहित ३० करोड डलर बराबरको सहायता प्याकेज पठाउने छ । यो सहायता प्याकेजमा प्याट्रियट मिसाइल प्रणाली र मध्यम दूरीका रकेटहरू समावेश हुनेछन् । यद्यपि यी हतियारबारे अन्तिम निर्णय भने ...
: राष्ट्रपति डोनाल्ड ट्रम्पले अमेरिकाले युक्रेनलाई थप आधुनिक सैन्य उपकरण दिने बताएका छन्। डोनाल्ड ट्रम्पले युक्रेनमा पठाइने हतियारको संख्या खुलाएका छैनन्। उनले भने,‘हामी युक्रेनलाई आवश्यक पर्ने हतियार पठाउनेछौं।’ डोनाल्ड ट्रम्पले रुसी राष्ट्रपति भ्लादिमिर पुटिनसँगको हालैको छलफलप्रति निराशा व्यक्त गरेका छन्। त्यसपछि ट्रम्पले युक्रेनलाई थप हतियार दिने घोषणा गरेका हुन्। ट्रम्पले भने,‘पुटिनले धेरै मानिसलाई साँच्चै चकित पारेका छन्। ...
। अमेरिकी राष्ट्रपति डोनाल्ड ट्रम्पले युक्रेन-रूस युद्धबारे ‘कडा वक्तव्य’ दिएपछि सोमबार वासिङ्टनमा नेटो प्रमुखलाई स्वागत गर्दै छन् । तीन वर्षदेखि जारी युद्ध अन्त्यका लागि रूससँग वार्ता गर्न खोजेका ट्रम्पले रूसी नेता पुटिनसँग अधीरता व्यक्त गर्दै सप्ताहन्तमा युक्रेनका लागि नयाँ हतियार भण्डारको घोषणा गरेका छन् । ‘हामी उनीहरूलाई प्याट्रियट्स पठाउनेछौं, यो उनीहरूका लागि अति आवश्यक छ,’ ट्रम्पले आइतबार ...
। बेलायतको लन्डनस्थित साउथएन्ड विमानस्थलमा एउटा सानो विमान दुर्घटना भएको छ । विमान उडेलगत्तै खसेर आगो लागेको थियो । विमान दुर्घटनामा भएको मानवीय क्षतिको विवरण भने आइसकेको छैन । यो दुर्घष्टना पछि अनिश्चितकालका लागि विमानस्थल बन्द गरिएको छ । यात्राका लागि टिकट काटेका यात्रुहरूलाई सम्बन्धित विमान कम्पनीहरुलाई सम्पर्क गर्न भनिएको छ । श्रीमती र छोराछोरीसँग विमानको गतिविधि ...