। सन् २००१ को हिट टिभी श्रृंखला ‘मिटियर गार्डेन’मा अभिनय गरेर चर्चित भएकी ताइवानी अभिनेत्री बार्बी सुको ४८ वर्षको उमेरमा निमोनियाका कारण निधन भएको स्थानीय सञ्चारमाध्यमले जनाएका छन् ।
मन्डारिन भाषा बोल्ने मुलुकका भाषामा उक्त श्रृृंखलालाई स्वरांकन गरिएपछि उनी फिलिपिन्स, इन्डोनेसिया र थाइल्याण्डमा पनि परिचित अनुहार बनेकी थिइन् ।
‘म यो विश्वास गर्न सक्दिन’ चिनियाँ सामाजिक मिडिया प्लेटफर्म वेइबोमा लाखौं प्रशंसकले यस्तो टिप्पणी गर्दै अभिनेत्री सुलाई श्रद्धाञ्जली दिइरहेका छन् । जापान भ्रमणका क्रममा उनी बिरामी परेको विश्वास गरिएको छ । उनकी बहिनी, डी सुले सोमबार ताइवानको टिभिबीएस न्यूजसँग मृत्युको पुष्टि गरिन् ।
‘चन्द्र नयाँ वर्षको क्रममा हाम्रो परिवार छुट्टीको लागि जापान आएको थियो । मेरी सबैभन्दा प्यारी बहिनी बार्बीले दुर्भाग्यवश निमोनिया, इन्फ्लुएन्जाको कारणले गर्दा हामीलाई छाडेर गइन्’ उनका प्रबन्धकले सेयर गरेको विज्ञप्तिमा उल्लेख छ । मिर्गी र मुटुको रोगले यसअघि पनि पीडित अभिनेत्री सुलाई यसअघि चोटपटकका कारण अस्पताल भर्ना गरिएको थियो ।
उनका श्रीमान् जो दक्षिण कोरियाली गायक डीजे कु समेत थिए । पहिलेको विवाहबाट दुई छोराछोरी थिए । उनी र उनको पूर्व पति, चिनियाँ व्यवसायी वाङ सियाओफेईले सन् २०२१ मा सम्बन्धविच्छेद गरेका थिए ।
अभिनेत्री सुले १७ वर्षको उमेरमा आफ्नी बहिनी डीसँग पप जोडीको रूपमा आफ्नो करियर सुरु गरेकी थिइन् । तिनीहरू टिभी होस्टको रूपमा प्रसिद्ध भए । हास्य शैली र हास्यको भावनाको लागि उनीहरू परिचित छन् ।
तर सन् २९९० को जापानी कमिक श्रृंखला ‘मिटियर गार्डेन’ले उनलाई स्टारमा परिणत गर्यो । यो श्रृंखलाको प्रसिद्धी चिनियाँ मनोरञ्जन क्षेत्रभन्दा बाहिर पनि फैलिएको थियो । यो श्रृंखलामा सुले एक मध्यमवर्गीय परिवारको किशोरी शान्काईको भूमिका निर्वाह गरेकी छन्, जो एक उच्च निजी विद्यालयमा पढ्छिन् र धनी परिवारका एक उत्तराधिकारीसँगको प्रेममा छिन् ।
-रोयटर्स
