मुख्य समाचार
इलन मस्कले आफू र राष्ट्रपति डोनाल्ड ट्रम्पले अमेरिकी अन्तर्राष्ट्रिय विकास नियोग (यूएसएआईडी) बन्द गर्न लागेको घोषणा
इलन मस्कले आफू र राष्ट्रपति डोनाल्ड ट्रम्पले अमेरिकी अन्तर्राष्ट्रिय विकास नियोग (यूएसएआईडी) बन्द गर्न लागेको घोषणा

— अमेरिकी 'सरकारी दक्षता विभाग'का निर्देशकसमेत रहेका टेक खर्बपति इलन मस्कले आफू र राष्ट्रपति डोनाल्ड ट्रम्पले अमेरिकी अन्तर्राष्ट्रिय विकास नियोग (यूएसएआईडी) बन्द गर्न लागेको घोषणा छन् ।


आफ्नै सामाजिक सञ्जाल एक्समा सोमबार एक अडियो पोस्ट गर्दै मस्कले यूएसएआईडी बन्द गर्ने प्रक्रिया थालिएको बताएका छन् ।


‘यो सुधार्नै नसक्ने अवस्थामा छ,’ मस्कले भनेका छन्, ‘हामी यसलाई बन्द गर्दै छौँ । यूएसएआईडी बन्द गर्ने प्रक्रियामा छौँ ।’ ट्रम्पले बन्द गर्ने निर्णयमा समर्थन जनाएको उनको भनाइ छ । एनबीसी न्युजका अनुसार यस कदमले संघीय प्रशासनविरुद्ध ट्रम्प र मस्कको संघर्षलाई सघन बनाएको छ । साथै, बजेट कहाँ र कसरी प्रयोग गर्ने भन्ने संसद्को संवैधानिक अधिकारलाई पनि चुनौती दिएको छ ।

संसदीय स्विकृतिबेगर संघीय निकाय बन्द गर्ने कानुनी अधिकार के हो भन्नेबारे मस्कले आफ्नो पोस्टमा केही पनि उल्लेख गरेका छैनन् । यो प्रक्रिया कहिलेदेखि शुरु गर्ने भन्ने पनि खुलाएका छैनन् । यस विषयमा ट्रम्पसँगै धेरैपटक छलफल भएको र यसमा राष्ट्रपतिको पूर्ण समर्थन रहेको मस्कको दाबी छ ।

ह्वाइट हाउसले यस विषयमा कुनै प्रतिकृया दिएको छैन । ट्रम्पले भने आइतबार मात्रै मस्कले ‘राम्रो काम गरिरहेको’ बताएका थिए । उनले यूएसएआईडी चाहिँ ‘केही उग्र मूर्खहरूको समूहले चलाएको’ भनेर आलोचना गरेका थिए । तथापी ट्रम्पले सदनको समर्थनबेगर नियोग बन्द गर्ने कुनै योजना सुनाएका थिएनन् ।

अमेरिकाले यूएसएआईडीमार्फत नेपालमा पनि उल्लेख्य आर्थिक सहयोग प्रदान गर्दै आएको छ । सन् २०२३ मा १ सय ७६ देशलाई ६८ अर्ब अमेरिकी डलर बराबरको आर्थिक सहयोग प्रदान गरेको थियो । अमेरिकाले अनुदान दिने मुलुकहरूको सूचीमा नेपाल १६ औं स्थानमा छ । अर्थ मन्त्रालय र यूएसएआईडीबीच सन् २०२२ मा भएको पाँचवर्षे रणनीति सम्झौतामा ६५ करोड ९० लाख अमेरिकी डलर (७९ अर्ब ७१ करोड रुपैयाँ) अनुदान प्राप्त हुने उल्लेख छ । यो अनुदानअन्तर्गत विभिन्न कार्यक्रम सञ्चालनमा छन् ।

यूएसएआईडीले एनजीओ/ आईएनजीओ, गैरनाफामूलक कम्पनी लगायतमार्फत पनि अनुदान परिचालन गर्दै आएको छ । केही दिनयता नेपालमा यूएसएआईडीको वेबसाइट बन्द छ । नेपालका लागि नियोगको डोमेन ब्राउज गर्दा ‘दिस साइट कान्ट बि रिच्ड’ भन्ने नोटिस देखिन्छ ।

प्रतिक्रिया दिनुहोस्
अन्य समाचारहरु
: अमेरिकाले प्यालेस्टाइनी विद्रोही समूह हमासले गाजामा सर्वसाधारणमाथि आक्रमणको योजना बनाइरहेको दावी गरेको छ। अमेरिकी विदेश मन्त्रालयले शनिबार हमासले गाजामा सर्वसाधारणमाथि आक्रमण गर्ने योजना बनाइरहेको संकेत गर्ने विश्वसनीय रिपोर्ट प्राप्त भएको बताएको छ। गाजामा फेरि आक्रमण भए युद्धविराम सम्झौताको गम्भीर उल्लङ्घन मात्रै नभइ मध्यस्ततामार्फत् अहिलेसम्म प्राप्त प्रगतिलाई कमजोर बनाउने मन्त्रालयको भनाइ छ। अमेरिकाले इजिप्ट, कतार र ...
: अमेरिकी राष्ट्रपति डोनाल्ड ट्रम्पको नीतिको विरोधमा अमेरिकाका धेरै शहरहरूमा विरोध प्रदर्शन सुरू भएको छ। राजधानी वाशिंगटन डीसी, न्यूयोर्क, शिकागो, मियामी र लस एन्जलसजस्ता शहरहरूमा प्रदर्शन सुरू भएको हो। शनिबार बिहान न्यूयोर्क शहरको प्रतिष्ठित टाइम्स स्क्वायरमा सुरू भएको र्‍यालीमा हजारौं मानिसहरू सामेल भएका थिए। सडक र सबवेहरू 'राजतन्त्र होइन लोकतन्त्र' र 'संविधान वैकल्पिक होइन' ...
: पाकिस्तानका विदेशमन्त्री इशाक दारले दोहामा जारी वार्तामा पाकिस्तान र अफगानिस्तानबीच भएको सम्झौतालाई सही दिशामा पहिलो कदमको रूपमा वर्णन गरेका छन्। केही समयअघि सामाजिक सञ्जालमा एक पोस्ट गर्दै इशाक दरले यस प्रक्रियामा सकारात्मक भूमिका खेलेकोमा कतार र टर्कीलाई धन्यवाद दिएका हुन्। उनले अफगान भूमिबाट पाकिस्तानतर्फ सर्ने आतंकवादको खतरालाई सम्बोधन गर्न ठोस प्रक्रियाको अपेक्षा गरेको बताए। उनले ...
: आइतबार बिहान चोरी भएपछि पेरिसको लुभ्र संग्रहालय बन्द गरिएको छ। बीबीसी पेरिस संवाददाता ह्यु स्कोफिल्डका अनुसार फ्रान्सेली मिडियाले बिहान संग्रहालय खोल्ने बित्तिकै तीन नकाबधारी पुरुषले चोरी गरेका हुन्। चोरहरू सामान लिफ्टमार्फत अपोलो ग्यालरीमा प्रवेश गरेको विश्वास गरिएको छ। यहाँ फ्रान्सको रत्नजडित मुकुट राखिएको छ। नौ वटा गरगहना चोरेर चोरहरू मोटर–स्कुटरमा भागेको उल्लेख छ। चोरी भएका ...
। राज्य-समर्थित चाइना ईस्टर्न एयरलाइन्सले पाँच वर्षको अन्तरालपछि नोभेम्बर ९ बाट शाङ्घाई-दिल्ली उडान पुनः सुरु गर्ने भएको छ । एयरलाइनको वेबसाइटमा अद्यावधिक सूचनाअनुसार, चीन र भारतबीच कूटनीतिक सम्बन्धमा आएको सुधारसँगै प्रत्यक्ष हवाई सम्पर्क पुनः सुरु भएको हो । विश्लेषकहरूले अमेरिकाको आक्रामक व्यापार नीतिहरूले पनि दुई देशबीचको सम्बन्ध सहज बनाउन प्रेरित गरिरहेको बताएका छन् । एयरलाइन्सको अनलाइन टिकट ...