क्यानडाले पनि अमेरिकालाई २५ प्रतिशत नै कर लगाउने

अमेरिकी राष्ट्रपति डोनाल्ड ट्रम्पले शनिबार क्यानडाबाट आयात हुने सामानमा २५ प्रतिशत कर लगाउने निर्णयलाई अनुमोदन गरेका छन्। क्यानडाका प्रधानमन्त्री जस्टिन ट्रुडोले यसको प्रतिक्रिया दिएका छन्।

क्यानडाका प्रधानमन्त्री जस्टिन ट्रुडोले आइतबार एक पत्रकार सम्मेलनमा डोनाल्ड ट्रम्पले लगाएको करको जवाफमा क्यानडाले पनि आफ्नै कर लगाउने बताए।

ट्रुडोले यो निर्णयको प्रत्यक्ष असर मूल्य र अमेरिकी अर्थतन्त्रमा पर्ने बताए। ट्रुडोले सामाजिक सञ्जालमा क्यानडाले यस्तो कार्य गर्न नचाहे पनि ट्रम्पको ट्यारिफ घोषणाको प्रतिक्रिया दिन भने तयार रहेको बताएका थिए।

ट्रुडोले आफ्नो सरकारले १५५ अर्ब डलर बराबरको अमेरिकी उत्पादनहरूमा २५ प्रतिशत भन्सार लगाउने बताएका छन्।

उनले क्यानाडाली कम्पनीहरूलाई समय दिनको लागि, यो भन्सार मंगलबारदेखि ३० अर्ब डलर मूल्यका उत्पादनहरूमा लागू हुने बताएका छन् भने बाँकी १२५ अर्ब डलर मूल्यका उत्पादनहरूमा आगामी २१ दिनमा लागू गरिने बताएका छन्।

शनिबार ट्रम्पले क्यानडा र मेक्सिकोका सामानमा २५% र चीनकोमा १०% कर लगाउने निर्णयमा अनुमोदन गरेका थिए।

प्रतिक्रिया दिनुहोस्

अन्य समाचारहरु

ब्राजिलको भालेममा जारी संयुक्त राष्ट्र जलवायु सम्मेलन कोप ३० का क्रममा आगलागी

: ब्राजिलको भालेममा जारी संयुक्त राष्ट्र जलवायु सम्मेलन कोप ३० का क्रममा आगलागी भएको छ। एक्कासी आगलागी भएपछि तत्काल स्थल खाली गर्नु परेको छ। यद्यपि, आगो चाँडै नियन्त्रणमा ल्याइएको छ। आगो एउटा मण्डपमा लागेको थियो। लगभग छ मिनेटभित्र आगो नियन्त्रणमा ल्याइएको बताइएको छ। आगो लाग्ने वित्तिकै मानिसहरूलाई तुरुन्तै बाहिर निकालिएको थियो। संयुक्त राष्ट्रसंघले ...

अमेरिकी अन्तरिक्ष अध्ययन एजेन्सी (नासा) ले भर्खरै मात्र हाम्रो सौर्य मण्डलमा यात्रा गरिरहेको धुमकेतुका नयाँ तस्विर सार्वजनिक

— अमेरिकी अन्तरिक्ष अध्ययन एजेन्सी (नासा) ले भर्खरै मात्र हाम्रो सौर्य मण्डलमा यात्रा गरिरहेको धुमकेतुका नयाँ तस्विर सार्वजनिक गरेको छ । यसलाई ‘३आई/एट्लास’ नाम दिइएको छ । केही समयपछि फेरि अर्को सौर्य मण्डलमा जानेछ र कहिल्यै आउने छैन । अंग्रेजीमा यसलाई ‘कोमेट’ भनिन्छ । नासाका अनुसार चिसिएर बनेको ग्याँसको ढिक्का, चट्टान र धुलो मिलेर धुमकेतु बन्छ । ...

मध्य बङ्गलादेशमा ५.५ म्याग्निच्युडको भूकम्प

: मध्य बङ्गलादेशमा ५.५ म्याग्निच्युडको भूकम्प गएको छ। भूकम्पमा परी कम्तीमा छ जनाको ज्यान गएको र दर्जनौं व्यक्ति घाइते भएको अधिकारीहरूले बताएका छन् । राजधानी ढाकाका धेरै भवनहरू भूकम्पको कम्पनले हल्लिएपछि त्रसित बासिन्दाहरू घरबाट बाहिर निस्केर सडकतर्फ दौडिएका थिए । भूकम्प स्थानीय समयानुसार बिहान १०:३८ बजे ढाकाबाट करिब २५ किलोमिटर टाढा रहेको नरसिङ्गडी जिल्लाको घोरसाल ...

युक्रेनी राष्ट्रपति भोलोडिमिर जेलेन्स्कीले रुससँगको युद्ध अन्त्य गर्न शान्ति योजनाको मस्यौदामा इमानदारीपूर्वक काम गर्न तयार रहेको

: युक्रेनी राष्ट्रपति भोलोडिमिर जेलेन्स्कीले रुससँगको युद्ध अन्त्य गर्न शान्ति योजनाको मस्यौदामा इमानदारीपूर्वक काम गर्न तयार रहेको बताएका छन्। केही अमेरिकी मिडिया रिपोर्टका अनुसार योजनाले युक्रेनलाई पूर्वी युक्रेनको डोनबासका ती भाग त्याग्न, आफ्नो सैन्य बल घटाउन र नेटोमा सामेल नहुने वाचा गर्न आवश्यक छ। यो योजना विकास गर्न युक्रेन कति हदसम्म संलग्न थियो भन्ने कुरा ...

पाकिस्तानको पञ्जाब प्रान्तको फैसलाबाद शहरमा रहेको एक कारखानामा भएको विस्फोटमा कम्तीमा १५ जनाको मृत्यु

: पाकिस्तानको पञ्जाब प्रान्तको फैसलाबाद शहरमा रहेको एक कारखानामा भएको विस्फोटमा कम्तीमा १५ जनाको मृत्यु भएको उद्धार कार्यमा संलग्न अधिकारीहरूले पुष्टि गरेका छन्। आपतकालीन सेवाका प्रवक्ता फारुक अहमदले भने,'प्रारम्भिक अनुसन्धानले ग्यास चुहावटका कारण विस्फोट भएको देखाएको छ।' उनले विस्फोटबाट कारखाना नजिकैका नौ घर प्रभावित भएको बताए। मृत्यु हुनेमध्ये तीन जना कामदार थिए भने बाँकी स्थानीय बासिन्दा भएको ...