क्यानडाले पनि अमेरिकालाई २५ प्रतिशत नै कर लगाउने

अमेरिकी राष्ट्रपति डोनाल्ड ट्रम्पले शनिबार क्यानडाबाट आयात हुने सामानमा २५ प्रतिशत कर लगाउने निर्णयलाई अनुमोदन गरेका छन्। क्यानडाका प्रधानमन्त्री जस्टिन ट्रुडोले यसको प्रतिक्रिया दिएका छन्।

क्यानडाका प्रधानमन्त्री जस्टिन ट्रुडोले आइतबार एक पत्रकार सम्मेलनमा डोनाल्ड ट्रम्पले लगाएको करको जवाफमा क्यानडाले पनि आफ्नै कर लगाउने बताए।

ट्रुडोले यो निर्णयको प्रत्यक्ष असर मूल्य र अमेरिकी अर्थतन्त्रमा पर्ने बताए। ट्रुडोले सामाजिक सञ्जालमा क्यानडाले यस्तो कार्य गर्न नचाहे पनि ट्रम्पको ट्यारिफ घोषणाको प्रतिक्रिया दिन भने तयार रहेको बताएका थिए।

ट्रुडोले आफ्नो सरकारले १५५ अर्ब डलर बराबरको अमेरिकी उत्पादनहरूमा २५ प्रतिशत भन्सार लगाउने बताएका छन्।

उनले क्यानाडाली कम्पनीहरूलाई समय दिनको लागि, यो भन्सार मंगलबारदेखि ३० अर्ब डलर मूल्यका उत्पादनहरूमा लागू हुने बताएका छन् भने बाँकी १२५ अर्ब डलर मूल्यका उत्पादनहरूमा आगामी २१ दिनमा लागू गरिने बताएका छन्।

शनिबार ट्रम्पले क्यानडा र मेक्सिकोका सामानमा २५% र चीनकोमा १०% कर लगाउने निर्णयमा अनुमोदन गरेका थिए।

प्रतिक्रिया दिनुहोस्

अन्य समाचारहरु

युनिफिकेसन चर्चबाट घुस लिएको आरोपमा दक्षिण कोरियाकी पूर्व प्रथम महिलालाई २० महिनाको जेल सजाय

— दक्षिण कोरियाका पूर्वराष्ट्रपति युन सुक योलकी पत्नी किम केओन हीलाई २० महिनाको जेल सजाय भएको छ। विवादास्पद युनिफिकेसन चर्चबाट घुस लिएको अभियोगमा पूर्वप्रथम महिला समेत रहेकी उनलाई बुधबार सियोल केन्द्रीय जिल्ला अदालतले सजाय फैसला सुनाएको बीबीसीले जनाएको छ। ५२ वर्षीया किमले युनिफिकेसन चर्चबाट करिब ५६ हजार अमेरिकी डलर बराबरका उपहार प्राप्त गरेकी थिइन्। उनले लिएको उपहारमा ...

रुसले युक्रेनको उत्तरीपूर्वी खार्किभ क्षेत्रमा यात्रुवाहक रेलमा ड्रोन आक्रमण

— रुसले युक्रेनको उत्तरीपूर्वी खार्किभ क्षेत्रमा मंगलबार यात्रुवाहक रेलमा ड्रोन आक्रमण गर्दा कम्तीमा ५ जना मारिएका छन् । त्यस्तै केही व्यक्ति घाइते भएका छन् । स्थानीय अधिकारीहरूका अनुसार २०० भन्दा बढी यात्रु यस रेलमा सवार थिए । रेलको एउटा डिब्बामा ड्रोन आक्रमण भएको थियो भने अन्य दुई ड्रोन रेल नजिकै पड्किएका थिए । उक्त डिब्बामा १८ ...

अमेरिकाका विभिन्न राज्यहरूमा आएको भीषण आँधीका कारण कम्तीमा ३० जनाको मृत्यु

— अमेरिकाका विभिन्न राज्यहरूमा आएको भीषण आँधीका कारण कम्तीमा ३० जनाको मृत्यु भएको छ भने पाँच लाखभन्दा बढी मानिस विद्युत् सेवाबाट वञ्चित भएका छन् । न्यु मेक्सिकोदेखि मेन राज्यसम्म फैलिएको आँधीले भारी हिमपात, चिसो वर्षा, असिना र तेज हावासहित जनजीवन अस्तव्यस्त बनाएको छ । अत्यधिक चिसो आर्कटिक हावाका कारण उद्धार तथा पुनःस्थापना कार्यमा कठिनाइ उत्पन्न भएको ...

साउदी अरबको प्रिमियम रेसिडेन्सी केन्द्रले दक्ष जनशक्ति भित्र्याउन निजी क्षेत्रका ३ हजार ४ सय ८४ रोजगारदाता संस्थालाई स्वीकृति

— साउदी अरबको प्रिमियम रेसिडेन्सी केन्द्रले दक्ष जनशक्ति भित्र्याउन निजी क्षेत्रका ३ हजार ४ सय ८४ रोजगारदाता संस्थालाई स्वीकृति दिएको छ। ती संस्थामा कार्यरत कर्मचारीहरू आवश्यक मापदण्ड पूरा गरेमा विशेष प्रतिभा प्रिमियम रेसिडेन्सी प्राप्त गर्न योग्य हुनेछन्। ओकाज पत्रिकाका अनुसार यो निर्णय साउदी अरबको दक्ष जनशक्ति भित्र्याउने रणनीतिअन्तर्गत लिइएको हो। विशेष प्रतिभा प्रिमियम रेसिडेन्सी कार्यक्रम वैज्ञानिक, प्रशासनिक ...

मेक्सिकोको फुटबल मैदानमा भएको आक्रमणमा ११ जनाको मृत्यु, १२ घाइते

— मेक्सिकोको सालामांका नगरपालिकामा सोमबार एक फुटबल मैदानमा भएको गोलीकाण्ड (आक्रमण) मा कम्तीमा ११ जनाको मृत्यु भएको छ भने १२ जना घाइते भएका छन् । घटना फुटबल खेलपछि भएको थियो, जहाँ स्थानीय समुदाय र खेलप्रेमीहरू जम्मा भएका थिए । आक्रमणपछि मैदानमा बियरका क्यान, मैनबत्ती र रगतले लतपत कपडा फेला परेको थियो । गुआनाजुआटो राज्यकी राज्यपाल ...