: अमेरिकी राष्ट्रपति डोनाल्ड ट्रम्पले कार्यभार सम्हालेलगत्तै धरपडक सुरु गरेपछि त्यहाँ रहेका आप्रवासीहरू आतंकित बनेका छन् । राष्ट्रपति ट्रम्पले अवैधरुपमा बस्दै आएकालाई निष्काशन गर्न सुरु गरेसँगै आप्रवासीहरू आतंकित बनेका हुन् ।
राष्ट्रपति ट्रम्पले अमेरिकाका हरेक प्रान्तमा अवैध आप्रवासीलाई लक्षित गरी अप्रेसन सुरू गर्न त्यहाँका सुरक्षा निकायलाई निर्देशन दिइसकेका छन् । त्यस्तो निर्देशनलगत्तै अमेरिकी अध्यागमनले पक्राउ परेका आप्रवासीलाई सैनिक जहाजबाट सम्बन्धित मुलुक पठाउन सुरू गरिसकेको छ । योसँगै आप्रवासीका परिवारमा मानसिक तनाव र भय बढेको छ ।
आप्रवासीमाथिको धरपकडपछि कतिपयका परिवार र बालबालिकाहरूमा डर र चिन्ता बढन थालेको छ । कतिपयका बालकालिकाहरू स्कुल जान छाडेका छन् भने कतिपय काम गर्न समेत जान सकेका छैनन् । समाचार संस्था सीएनएनका अनुसार,शिकागोकोमा बसोबास गर्ने एक आप्रवासी परिवारका दिदीबहिनीहरूले राष्ट्रपति ट्रम्पले पदभार सम्हालेदेखि स्कुल जान छाडेका छन् ।
उनीहरूका अभिभावक पनि पक्राउ परिने डरले काममा जाँदैनन् । उनीहरू घर सफा गर्ने काम गर्दै आएका थिए । एक गैर नाफा मुलुक संस्थाले उनीहरूको परिवारलाई खाना खुवाउँदै आएको छ । उक्त संस्थाले उनीहरूको घरको ढोकामा खानेकुरा छाडिदिन थालेको छ ।
उक्त गैरनाफामुलुक संस्थाका अनुसार,पक्राउ पर्ने डरले घरभित्रै बस्ने आप्रवासीहरूको संख्या ठूलो हुनसक्छ । 'पक्राउ पर्ने डरले बालबालिकाहरू विद्यालय जान चाहँदैनन्। उनीहरू डराउँछन्। अमेरिकी शरणार्थी र आप्रवासी समितिकी वरिष्ठ उपाध्यक्ष अन्नामारी बेनाले सीएनएनलाई भनिन्। प्राथमिक विद्यालयका बालबालिकाहरू डरले विद्यालय जान चाहँदैनन् भने आप्रवासीहरूको पछिल्लो अवस्थाकाबारे यसै घटनाले स्पष्ट पार्छ,' उनले भनिन् ।
शिकागोका आप्रवासी अधिकार समूहहरूले धरपकड गरेको भन्दै ट्रम्प प्रशासनविरुद्ध मुद्दा दायर गरेका छन्।
