मुख्य समाचार
सन्यासी बनेपछि ममता कुलकर्णी : २३ वर्षदेखिको तपस्या पुरा भयो
सन्यासी बनेपछि ममता कुलकर्णी : २३ वर्षदेखिको तपस्या पुरा भयो

। कुनैबेलाकी चर्चित बलिउड अभिनेत्री ममता कुलकर्णीले सन्यासी जीवन सुरु गरेकी छन् । उनी किन्नर अखाडाकी महामंडलेश्वर बनेकी छिन् । उनले भारतको प्रयागराजको संगम किनारमा पिण्ड दान गरिन् । अब उनलाई यमाई ममता नन्द गिरीको रुपमा चिनिनेछ ।

उनले सांसरिक जीवन त्यागेकी छन् । ५३ वर्षीया ममता शनिबार बिहानै महाकुम्भमा किन्नर अखाडा पुगेकी थिइन् । उनले किन्नर अखाडाका आचार्य महामंडलेश्वर लक्ष्मीनारायण त्रिपाठीलाई भेटेर आशीर्वाद लिइन् । दुईजनाबीच महामंडलेश्वर बन्ने विषयमा करिब एक घण्टा छलफल भएको थियो । त्यसपछि किन्नर अखाडाले उनलाई महामंडलेश्वरको उपाधि दिने घोषणा गरे ।


त्यसपछि महामंडलेश्वर लक्ष्मीनारायण त्रिपाठी ममतासँगै अखिल भारतीय अखाडाका अध्यक्ष रवीन्द्र पुरी पुगेका थिए । ममता र पुरीबीच लामो कुराकानी भयो । यस अवधिमा किन्नर अखाडाका पदाधिकारीहरू पनि उपस्थित थिए । त्यसपछि उनको महामंडलेश्वर बनाउने प्रक्रिया सुरु भयो ।

ममता महाकुम्भमा साध्वीको रुपमा सहभागी भएकी थिइन् । उनले केशरी रङ्को लुगा लगाएकी थिइन् । घाँटीमा दुईवटा ठूला रुद्राक्षको माला लगाएकी थिइन् । काँधमा केसरको झोला पनि झुण्डिएको थियो । ममताले महाकुम्भमा आउनु र त्यहाँको भव्यता हेर्नु आफ्नो लागि निकै यादगार पल भएको बताइन् ।


‘यो मेरो सौभाग्य हुनेछ कि म पनि सन्तहरूको आशीर्वाद प्राप्त महाकुम्भको यो पवित्र समयको साक्षी छु’ उनले भनिन् । ममता किन्नर अखाडा पुगेपछि उनलाई हेर्नको लागि भीड जम्मा भएको थियो । उनीसँग सेल्फी खिच्ने र फोटो खिच्ने प्रतिस्पर्धा थियो ।

सन्यासी बनेपछि भारतीय संचारमाध्यमसँग कुरा गर्दै कुलकर्णीले २३ वर्षदेखिको तपस्या बल्ल पुरा भएको बताइन् । ‘म आदिशक्ति र अर्धनारीश्वर स्वरूपद्वारा अभिषेक भएको छु । यो भन्दा ठूलो के हुन सक्छ ?’ उनले भनिन्, ‘अब मेरो बलिउडसँग कुनै सम्बन्ध छैन । मैले त्यो धेरै पहिले छोडेको छु । म बलिउडमा फर्केर आएको छैन । म २३ वर्षपछि भारत आएँ ।’

शाहरुख खान, सलमान खान, अजय देवगन, अनिल कपूरजस्ता ठूला स्टारहरूसँग स्क्रिन सेयर गरेकी ममताले सन् १९९३ मा स्टारडस्ट म्यागजिनका लागि टपलेस फोटोसुट गरेपछि विवादमा आइन् ।

ममतामाथि दुबईस्थित अन्डरवल्र्ड ड्रग माफिया विक्की गोस्वामीसँग विवाह गरेको आरोप लागेको थियो । तर, ममताले आफ्नो विवाहको खबरलाई सधैं अफवाह बताउँदै आइन् । ममताले भनिन्, ‘मैले कसैसँग बिहे गरेको छैन । यो सत्य हो कि म विक्कीलाई माया गर्छु, तर उसलाई यो पनि थाहा हुनुपर्छ कि अब मेरो पहिलो माया भगवान हो ।’

कुलकर्णीको जन्म २० अप्रिल १९७२ मा मुम्बईमा भएको थियो । ममताले आफ्नो करियर सन् १९९१ मा तमिल फिल्म ‘नानबर्गल’ बाट सुरु गरेकी थिइन् । सन् १९९१ मा नै उनको पहिलो हिन्दी फिल्म ‘मेरा दिल तेरे लिए’ रिलिज भएको थियो ।

वेबसाइट आईएमडीबीका अनुसार अभिनेत्रीले आफ्नो करियरमा जम्मा ३४ वटा फिल्म गरिसकेकी छिन् । ममताले सन् १९९३ मा फिल्म ’आशिक आवारा’का लागि सर्वश्रेष्ठ डेब्यु अभिनेत्रीको फिल्मफेयर अवार्ड प्राप्त गरेकी थिइन् । त्यसपछि उनी ‘वक्त हमारा है’, ‘क्रान्तिवीर’, ‘करण अर्जुन’, ‘बाजी’जस्ता फिल्ममा देखिइन् । उनको अन्तिम फिल्म ‘कभी तुम कभी हम’ सन् २००२ मा रिलिज भएको थियो ।

प्रतिक्रिया दिनुहोस्
अन्य समाचारहरु
। मीन बहादुर भाम निर्देशित शाम्बाला २०८२ को उत्कृष्ट चलचित्र बन्न सफल भएको छ । चलचित्र विकास बोर्डले हरेक वर्ष प्रदान गर्दै आएको राष्ट्रिय चलचित्र पुरस्कार- २०८२ मा शाम्बालाले उत्कृष्ट चलचित्रको पुरस्कार पाएको हो । सोमबार राष्ट्रपति कार्यालय शीतलनिवासमा आयोजित पुरस्कार वितरण समारोहमा राष्ट्रपति रामचन्द्र पौडेलले विभिन्न ९ विधामा पुरस्कार प्रदान गरेका हुन् । उत्कृष्ट निर्देशकतर्फको पुरस्कार ...
सन अफ सत्यमूर्ति, टेम्पर, येवादुजस्ता प्रसिद्ध फिल्ममा खलनायकको भूमिका निर्वाह गरेका लोकप्रिय दक्षिण भारतीय अभिनेता कोटा श्रीनिवासको आइतबार निधन भएको छ । उनले केही दिनअघि मात्र ८३ औं जन्मदिन मनाएका थिए । उनी लामो समयदेखि बिरामी थिए । उनले आइतबार बिहान हैदराबादको जुबली हिलस्थित आफ्नो बंगलामा अन्तिम सास फेरे । उनले तेलुगु, तमिल, कन्नड र हिन्दी भाषाका ...
। जेम्स गन निर्देशित डीसी ब्रम्हाण्डको हलिउड सुपरहिरो फिल्म ‘सुपरम्यान’को पछिल्लो श्रृंखलाले पहिलो सप्ताहन्त विश्व बक्सअफिसमा आक्रामक ओपनिङ गर्ने देखिएको छ । यो फिल्मले शुक्रबारदेखि आइतबारसम्म विश्वभर २१० देखि २१५ मिलियन डलर ओपनिङ गर्ने प्रक्षेपण छ । जसमध्ये ११५-१२२ मिलियन डलर उत्तर अमेरिका र ९०-९५ मिलियन डलर अन्तर्राष्ट्रिय बजारमा कमाइ हुने अनुमान छ । शुक्रबार मात्रै उत्तर ...
। भारतीय गायक अरिजित सिंह विश्वप्रसिद्ध म्युजिक प्लाटफर्म ‘स्पोटीफाइ’मा ‘धेरै पछ्याइने संगीतकर्मी’ बनेका छन्। उनका १५१ मिलियन भन्दा धेरै फलोअर छन् । उनले यस क्रममा चर्चित गायिका टेलर स्वीफ्टलाई पनि पछि पारेका छन् । टेलरको १३९ मिलियन फलोअर छन् । यसअघि गत वर्षको अगस्टमा पनि अरिजितले टेलरलाई उछिनेका थिए । २०२३ को अगस्टमा पनि अरिजित सिंहले स्वीफ्टलाई ...
। ‘माग्ने बुढा’को नामले चर्चित अभिनेता केदार घिमिरेले आफूले फिल्मबाट ६१ लाख रुपैयाँ पारिश्रमिक लिएको भन्ने कुराको खण्डन गरेका छन् । आइतबार राजधानीमा आयोजित मिसेस नेपाल वर्ल्ड २०२५ को पत्रकार सम्मेलनमा बोल्दै उनले फिल्मको प्रचार र फण्डाको लागि निर्माताले बोल्न भनेको र आफूले बोलेको मात्र बताए । ‘मैले त्यो रकम लिएको होइन । कति रकम लिएको भन्ने ...