। केलिएन एमबाप्पेको ह्याट्रिक मदतमा रियल मड्रिडले स्पानिस ला लिगामा रियल भाल्लाडोलिडलाई ३-० ले पराजित गरेको छ । यो जितपछि रियलले शीर्ष स्थानमा ४ अंकको अग्रता समेत बनाएको छ ।
फ्रेन्च स्टार एमबाप्पेले रियलको जर्सीमा पहिलो ह्याट्रिक गरेका हुन् ।
भाल्लाडोलिडको मैदानमा भएको खेलमा रियलका एमबाप्पेले ३०औं मिनेटमा गोल गर्दै अग्रता दिलाएका थिए । ५७औं मिनेटमा दोस्रो गोल गरेका एमबाप्पेले दोस्रो हाफको इन्जुरी टाइमको पहिलो मिनेटमा गोल गर्दै ह्याट्रिक पूरा गरेका हुन् ।
ह्याट्रिकपछि ला लिगामा एमबाप्पेले गोल संख्या १५ पुर्याएका छन् र उनी बार्सिलोनाका रोवर्ट लेवान्डोस्की (१६) भन्दा एक गोलले मात्र पछाडि छन् । यस्तै सबै खाले प्रतियोगितामा एमबाप्पेले यस सिजन २२ गोल गरेका छन् ।
जितपछि रियलले २१ खेलबाट ४९ अंक जोडेको छ । समान खेलबाट ४५ अंकसहित एट्लेटिको मड्रिड दोस्रो स्थानमा छ । एक खेल कम खेलेका बार्सिलोना र एथ्लेटिक क्लब विल्वाओको समान ३९ अंक छ ।
