: जाजरकोटको बारेकोटमा १२ वर्षीय बालकले तीन वर्षीया बालिकाको हत्या गरेका छन् । प्रहरीका अनुसार बारेकोट गाँउपालिकाकी तीन वर्षीया बालिकाको घाँटी रेटेर हत्या गरिएको हो ।
बारेकोट गाँउपालिका ६ टाँसीका सर्जन सार्कीका १२ वर्षीय छोरा विरेन्द्र नेपालीले ती बालिकाको हत्या गरेको प्रहरीले जनाएको छ । बिहीवार साँझ खेल्ने क्रममा ती बालिकाको हत्या भएको थियो । आफन्तले राती १० बजे मात्र घटनाबारे जानकारी पाएका थिए । बालकलाई शुक्रवार नै प्रहरीले नियन्त्रणमा लिएर अनुसन्धान सुरु गरिसकेको जिल्ला प्रहरी प्रमुख डिएस्पी पुरुषोत्तम प्रसाद पाण्डेले बताए । डिएस्पी पाण्डेका अनुसार बालकले बालिकालाई धारिलो हतियार प्रयोग गरेर हत्या गरेको देखिन्छ । घाँटीमा करीब ६ सेन्टीमिटर गहिरो गरि काटिएको छ ।
चार कक्षामा अध्ययनरत बालक भिनाजुको घरमा पाहुन गएका थिए । हत्या गरिएकी बालिका आफन्त नै हुन् । हत्यापछि भागेर बालक आफ्नो घर गएका थिए । प्रहरीले उनलाई नियन्त्रणमा लिएर बालनिगरानी कक्षमा राखेको छ ।
