। सन् २०२४ मा नेटफ्ल्क्सिको विश्वब्यापी सब्सक्राइबर संख्या ३० करोड १६ लाख पुगेको छ । विश्वकै सबैभन्दा ठूलो फिल्म र सिरिजको यो ओटीटी प्लाटफर्मले गतवर्षको तथ्यांक सार्वजनिक गरेको हो ।
अक्टोबर-डिसेम्बर अवधिमा ९.१८ मिलियन सशुल्क सदस्य थपिएका थिए । सन् २०२४ को तेस्रो चौंथाइमा प्लाटफर्मका ५.१ मिलियन सशुल्क ग्राहक थपिएका छन् । सो अवधिमा विश्वब्यापी २८२.७२ मिलियन सब्सक्राइबर थपिएका छन् । यो भनेको अघिल्लो वर्षको भन्दा १४ प्रतिशतले वृद्धि हो ।
वर्षको अन्त्यतिर रिलिज भएको ‘स्क्विड गेम सिजन २’ र ज्याक पौल-माइक टाइसनको लाइभ बक्सिङ इभेन्टमार्फत नेटफ्ल्क्सिले सर्वाधिक धेरै सब्सक्राइड आकर्षित गर्न सक्यो । यो जानकारी नेटफ्ल्क्सिले सेयर होल्डर्सलाई समेत पत्रमार्फत गराएको छ ।
सो वर्षमा अमेरिका र क्यानडामा ४.८२ मिलियन, युरोप-मध्यपूर्व र अफ्रिकामा ५ मिलियन, ल्याटिन अमेरिकामा ४.१५ मिलियन र एसिया प्रशान्त क्षेत्रमा ४.९४ मिलियन ग्राहक थपेको छ । नेटफ्ल्क्सिको न्यूनतम सब्सक्राइब मूल्य ४.२० डलर छ । यसरी कूल सब्सक्राइब गर्दा प्लाटफर्मले १०.११ बिलियन डलर कमाइ गरेको वालस्ट्रिट जर्नलले जनाएको छ ।
सन् २०२५ मा नेटफ्ल्क्सिले अमेरिका, क्यानडा, पोर्चुगल र अर्जेन्टिनामा शुल्कमा वृद्धि गर्दैछ । यसवर्ष नेटफ्ल्क्सिले ‘स्ट्रेन्जर थिंग्स’ र ‘स्क्विड गेम’को अन्तिम सिजन रिलिज गर्ने तयारी गरिरहेको छ । सन् २०२४ मा नेटफ्ल्क्सिका ३०० मिलियन (३० करोड) ग्राहक थपिएका छन् ।
