मुख्य समाचार
विपिनको रिहाइबारे परराष्ट्रमन्त्रीद्वारा इजिप्टका विदेशमन्त्रीसँग फोनवार्ता
विपिनको रिहाइबारे परराष्ट्रमन्त्रीद्वारा इजिप्टका विदेशमन्त्रीसँग फोनवार्ता

— हमास अतिवादी समूहको नियन्त्रणमा रहेका नेपाली युवा विपिन जोशीको रिहाइका लागि पहल गरिदिन आग्रह गर्दै परराष्ट्र मन्त्री डा आरजु राणा देउवाले इजिप्टका विदेशमन्त्री डा बदर अब्देल-अतिसँग आज फोनवार्ता गरेकी छन् ।


इजरायल सरकार र हमासबीच शान्तिवार्ता र युद्धविराम भएपछि आफ्नो नियन्त्रणमा रहेका बन्दीहरुलाई हमासले आइतबारबाट मुक्त गर्ने प्रक्रियाको थालनी गरेको छ । परराष्ट्रमन्त्री राणाले पहिलो चरणमै विपिनको रिहाइका लागि पहल गरिदिन विदेशमन्त्री डा अब्देल अतिमार्फत् इजिप्ट सरकारसँग आज सो आग्रह गरेकी हुन् ।

आफ्नो स्वास्थ्य उपचारका लागि बैंककमा रहेकी मन्त्री राणाले त्यहीँबाट इजिप्टका मन्त्रीसँग फोनवार्ता गरेकी हुन् ।

फोनवार्ताका क्रममा मन्त्री राणाले इजरायल सरकार र हमासबीचको युद्धविरामका लागि इजिप्टले निर्वाह गरेको भूमिकाका लागि इजिप्टि सरकारलाई धन्यवाद दिएकी थिइन् । त्यसैगरी इजिप्टका विदेशमन्त्री डा अब्देल अतिले विपिनको रिहाइका लागि आफूले इजिप्टका मध्यस्थकर्तालाई विशेष निर्देशन दिने बताएका थिए ।
इजरायल सरकार र हमासबीच युद्धविरामको कुराकानी भएदेखि नै मन्त्री राणाले हमाससँगको शान्तिवार्ताका लागि मध्यस्थता गरिरहेका कतार र इजिप्टसँग विपिन रिहाइका लागि विशेष पहल गरिदिन आग्रह गरिररहेकी छन् ।

केही दिनमात्र अघि मन्त्री राणाले कतारका विदेश राज्यमन्त्री डा मोहम्मद बिन अब्दुलाजिज अल‐खुलाइफीसँग पनि फोनवार्ता गरी सोही आग्रह गरेकी थिइन् । खुलाइफी शान्तिवार्ताका प्रमुख वार्ताकार एवं मध्यस्थकर्ता हुन् ।




त्यसैगरी मन्त्री डा राणाले इजरायलका विदेशमन्त्री गिडियन सारसँग पनि केही दिनअघि फोनवार्ता गरी हमासहरुले अपहरण मुक्त गर्न लागेका भनिएका व्यक्तिहरुको पहिलो चरणमै विपिन जोशीको रिहाइका लागि पहल गरिदिन विशेष आग्रह गरेकी थिइन् ।

विपिनको रिहाइका लागि नेपाल सरकारले गत वर्षदेखि नै कूटनीतिक प्रयास जारी राखेको छ । मन्त्री डा राणाले संयुक्त राष्ट्रसङ्घ, अन्तर्राष्ट्रिय एवं क्षेत्रीय मञ्चहरु र बैठकहरुमार्फत विपिनको रिहाइका लागि आग्रह गर्दै आएकी छन् ।

प्रतिक्रिया दिनुहोस्
अन्य समाचारहरु
। नौ महिनादेखि युक्रेनको जेलमा रहेका दुई नेपाली नागरिकको उद्धार भएको छ । जर्मनीको बर्लिनस्थित नेपाली दूतावासले उद्धार गरी ती दुई नागरिकलाई स्वदेश पठाएको हो । बर्लिनस्थित नेपाली राजदूतावासले जारी गरेको सूचनाअनुसार दुवैजना अध्यागमन कानुन उल्लंघनको अभियोगमा २०२४ मे महिनादेखि युक्रेनको कारागारमा थिए । नेपाली राजदूतावासको अथक र निरन्तर प्रयासमा युक्रेनको परराष्ट्र मन्त्रालय, युक्रेनको राजधानी किभस्थित इन्टरनेशनल ...
— अमेरिकाले ६ वर्षको अवधिमा आधिकारिक कागजातबिना बसोबास गरेका ३ सय ८९ नेपालीलाई नेपाल फर्काएको तथ्यांक सार्वजनिक भएको छ । अमेरिकाको इमिग्रेशन एण्ड कस्टम इन्फोर्समेन्ट (आईसीई)ले सन् २०१९ देखि २०२४ सम्ममा ३ सय ८९ नेपालीलाई नेपाल फर्काएको तथ्यांक सार्वजनिक गरेको हो । आईसीईका अनुसार सीमा पार गरेर अमेरिका प्रवेश गरेकामध्ये बसोबासका लागि कुनै पनि कागजात नभएका ...
: अमेरिकाले फेरि तीन जना नेपालीलाई निष्कासन गरेको छ। गैरकानुनी तरिकाले बसोबास गर्दै आएका उनीहरूलाई अमेरिकाले निष्कासन गरेको हो। निष्कासनमा पर्नेमा गोपाल ठकुरी, राजकुमार रोका र राहुल थापा क्षेत्री रहेका छन्। उनीहरूलाई गत साता नेपाल फर्काइएको स्रोतले बताएको छ। गोपाल र राजकुमारलाई एयर इन्डियाबाट भारत हुँदै काठमाडौं फर्काइएको हो भने राहुललाई सिंगापुर एयरलायन्सबाट फर्काइएको ...
: बेलायतले दुई जना नेपालीलाई निष्कासन गरेको छ। अध्यागमन कानुन विपरीत प्रवेश गर्ने उनीहरूलाई बेलायतले निष्कासन गरेको हो। निष्कासनमा पर्नेमा कृति बस्नेत र अशोक बाबु श्रेष्ठ रहेका छन्। गत साता कृतिलाई कतार एयरलायन्सको विमानबाट काठमाडौं पठाइएको हो भने अशोक बाबुलाई फ्लाई दुबईको विमानबाट काठमाडौं फर्काइएको हो। अध्यागमन स्रोतका अनुसार कृतिले गैरकानुनी तरिकाले बेलायत प्रवेश गरेका थिए। प्रहरीले ...
: स्कटल्यान्डका विभिन्न तीन शहरमा लन्डनस्थित नेपाली दूतावासले घुम्ती सेवा प्रदान गरेको छ। एबरडिन, एडिनबरा र ग्लास्गोमा एक-एक दिन गरी जम्मा तीन दिन चलाइएको घुम्ती डेस्कबाट करिब २ सय नेपालीले लाभ लिएका छन्। एनआरएनए स्कटल्यान्डको समन्वय र स्थानीय नेपाली संघसंस्थासमेतको सहयोगमा फेब्रुअरी १ तारिखमा एबरडिन, २ तारिखमा एडिनबरा र ३ तारिखमा ग्लास्गोमा सेवा दिइएको थियो। ...