मुख्य समाचार
माघे संक्रान्तिका अवसरमा नुवाकोटको विभिन्न स्थानमा ३० हल गोरु जुधाइयो
माघे संक्रान्तिका अवसरमा नुवाकोटको विभिन्न स्थानमा ३० हल गोरु जुधाइयो

: माघे संक्रान्तिका अवसरमा नुवाकोटको विभिन्न स्थानमा ३० हल गोरु जुधाइएको छ। माघे संक्रान्तिका अवसरमा नेपालको मुख्य स्थान तारुकाको चन्दनीमा यस पटक विशेष महोत्सवका रूपमा यस वर्षको गोरु जुधाई मेला गरिएको हो।


तारकेश्वर गाउँपालिका-३ चन्दनीमा यस वर्ष छनौट गरेर १४ हल गोरु जुधाइएको हो। गोरुपालक किसानहरूले मदनकुमार श्रेष्ठको अध्यक्षतामा तारुकामा गोरु जुधाई मेला व्यवस्थापन समिति गठन गरेर यस वर्ष गोरु जुधाई सम्पन्न गरेका हुन्।

तारुकाको चन्दनी पुगेर गोरु जुधाई महोत्सवको मंगलबार बागमती प्रदेशका मुख्यमन्त्री बहादुरसिंह लामा तामाङले उद्घाटन गरे। यसपटक चन्दनीमा १४, बेत्रावतीमा १०, पञ्चकन्यामा ६ हलका साथै शेराबगर, तादी, थानसिङ लगायतका स्थानमा समेत गोरु जुधाइएको छ।

विजेतालाई ११ हजार र उपविजेता गोरु धनीलाई १० हजार रुपैयाँ पुरस्कार प्रदान गरिएको छ। यसैगरी पञ्चकन्या गापा-३ पिपलडाँडामा समेत गोरु जुधाइएको छ। सो स्थानमा ६ हल गोरु जुधाइएको आयोजक समितिका अध्यक्ष शिवहरि विष्टले बताए। पञ्चकन्याका निखिल थापाको नाममा दर्ता भएको गोरु प्रथम भएको छ। थापाले नगद २० हजार रुपैयाँ पुरस्कार थापेका छन्।

जीवन थापाको गोरु दोस्रो भएर नगद १५ हजार, केशव थापाको गोरु तेस्रो भएर नगद १० हजार रुपैयाँ पुरस्कार थापेका छन्। सहभागी अन्य गोरुका धनीले सान्त्वना भएर नगद ३/३ हजार रुपैयाँ पुरस्कार थापेका छन्।

नुवाकोटको विदुर नगरपालिका-१० बेत्रावतीमा यस वर्ष १० हल गोरु जुधाइएको छ। विजेता तथा उपविजेता गोरु धनीलाई नगद पुरस्कार प्रदान गरिएको छ। क र ख वर्ग गरेर गरिएको जुधाइमा जित्ने गोरु धनी किसानलाई १५ हजार रुपैयाँ र दोस्रो भएको गोरुको धनी कृषकलाई १३ हजार रुपैयाँ पुरस्कार प्रदान गरिएको छ।

माघे संक्रान्तिका दिन गोरु जुधाई हेर्नका लागि नुवाकोटको तारुका र बेत्रावतीसम्म पुग्नका लागि सहज सडकका कारण यातायात सजिलो भएपछि पनि दर्शकहरूको उपस्थिति बर्सेनि बढ्दै गइरहेको आयोजकहरूको भनाई रहेको छ। गोरु जुधाई हेर्न नुवाकोट, रसुवा, धादिङ, काठमाडौं, चितवन, मकवानपुर, गोरखाबाट समेत सर्वसाधारण आउने गरेका छन्।

तारुकाको चन्दनीमा गोरु जुधाएर मनोरञ्जन लिने परम्परा २०६० सालदेखि चन्दनीको बारीको ठूलो पाटोमा गोरु जुधाउन थालिएको हो। गत २०६२ सालदेखि भने समिति गठन गरेर व्यवस्थित रूपमा गोरु जुधाउन थालिएको हो।

प्रतिक्रिया दिनुहोस्
अन्य समाचारहरु
। गायिका एलिना चौहानले आफूलाई ‘धोकेबाज’ भनेर बोलाउन थालेको बताएकी छन् । शुक्रबार ह्वाइट हाउस लिटरेचर फेस्टिभलमा प्रस्तुति दिनुअघि विद्यार्थी दर्शकले ‘धोकेबाज’ गीत गाउन अनुरोध गर्दा उनले उक्त कुरा बताएकी हुन् । ‘धोकेबाज मलाई भनेको कि ? अहिले त धोकेबाज शब्द सुन्दा पनि मलाई नै भनेको जस्तो लाग्छ,’ उनले भनिन् । दर्शकले ‘धोकेबाज’ गीतलाई ‘वान्स मोर’भन्दा धेरैको ...
। सन् २००४ मा रिलिज भएको शाहरुख खानको फिल्म ‘मै हूँ ना’ उनको सफल फिल्म मध्ये एक हो । फिल्ममा शाहरुखसँग फराह खानले काम गर्ने मौका पाएकी थिइन् । हुन त, दर्शकले फराहसँग शाहरुखका सबै फिल्मलाई रुचाएका छन् । अहिले ‘मै हूँ ना २’ को चर्चा छ र यो फिल्मको स्क्रिप्टमा काम सुरु भएको बताइएको ...
। अभिनेत्री मनीषा कोइरालाले कमाइमा इतिहास रचेको नेपाली फिल्म ‘पूर्णबहादुरको सारङ्गी’ हेर्न चाहेर पनि नपाएको बताएकी छन् । ‘दुईपटक यो फिल्म हेर्ने समय मिलाएँ तर हाउसफूलको कारण टिकट पाइँन’ ह्वाइट हाउस साहित्य महोत्सवमा उनले भनिन् । नेपाली फिल्म यसरी चलेकोप्रति आश्चर्य मान्दै उनले नेपाली फिल्मको बजार विस्तार हुँदै गएको बताइन् । फेस्टिभल अन्तर्गतको छलफल सत्र ‘आर्ट ...
: नेपाली चलचित्र क्षेत्रको अन्तरराष्ट्रियकरण, बजार प्रवर्द्धन, सम्भावना र अवसरको खोजी गर्ने उद्देश्यले प्रथम जनकपुर अन्तरराष्ट्रिय चलचित्र महोत्सव हुने भएको छ । संवाद फाउण्डेसनले चलचित्रकर्मी र सञ्चारकर्मीको उपस्थितिमा मंगलबार ललितपुरमा आयोजना गरेको एक कार्यक्रममा आगामी फागुन १६ देखि १८ सम्म प्रथम चलचित्र महोत्सव हुने जानकारी दिएको हो । कार्यक्रममा चलचित्र विकास बोर्डका अध्यक्ष दिनेश डिसीले महोत्सव ...
। सन् २००१ को हिट टिभी श्रृंखला ‘मिटियर गार्डेन’मा अभिनय गरेर चर्चित भएकी ताइवानी अभिनेत्री बार्बी सुको ४८ वर्षको उमेरमा निमोनियाका कारण निधन भएको स्थानीय सञ्चारमाध्यमले जनाएका छन् । मन्डारिन भाषा बोल्ने मुलुकका भाषामा उक्त श्रृृंखलालाई स्वरांकन गरिएपछि उनी फिलिपिन्स, इन्डोनेसिया र थाइल्याण्डमा पनि परिचित अनुहार बनेकी थिइन् । ‘म यो विश्वास गर्न सक्दिन’ चिनियाँ सामाजिक मिडिया ...