— इजरायलले हमाससँग बन्धक आदनप्रदान गर्नेसहितको युद्धविरामको सहमति नजिक भएको जनाएको छ । हमासको नियन्त्रणमा नेपाली नागरिक विपिन जोशीसहित ९४ जना रहेका छन् ।
कतारमा आइतबार रातभर भएको दुई पक्षबीचको बैठकमा दुवै पक्षले आआफ्नो नियन्त्रणमा रहेको बन्धकलाई रिहाई गर्ने गरी सहमतिमा हस्ताक्षर गर्ने चरणमा प्रवेश गरेको जनाएको हो । ‘हामीले बन्धक सम्झौता गर्ने सहमतिको नजिक पुगेका छौं । हमासको अन्तिम स्वीकृतिको पखाईमा बसिरहेका छौं,’ इजरायली अधिकारीहरूको भनाइ उद्धृत गर्दै इजरायली सञ्चारमाध्यम द इजरायल टाइम्सले उल्लेख गरेको छ ।
हमासले पनि बन्धकलाई रिहा गर्ने र युद्धविराम गर्ने सम्झौतामा प्रगति भएको पुष्टि गरेको द इजरायल टाइम्समा उल्लेख छ । ‘इजरायली जेलमा भएकाहरू हाम्रा साहसी नागरिक स्वतन्त्र हुने समय धेरै नजिक छ,’ हमासद्वारा जारी विज्ञप्तिमा भनिएको छ ।
दोहामा रातभर भएको वार्तामा सफलता प्राप्त भएपछि यो विज्ञप्ति आएको बताइएको छ । एक कतारी अधिकारीले ‘इजरायल र हमास दुवैलाई प्रस्तावको 'अन्तिम मस्यौदा हस्तान्तरण गरिएको' जनाएको छ । अक्टोबर ७ मा हमासद्वारा अपहरण गरिएका २५१ बन्धकहरूमध्ये ९४ जना गाजामा नै रहेको विश्वास गरिएको छ । जसमा इजराली सेनाले मृत्युको पुष्टि गरिएका कम्तीमा ३४ जनाको शव पनि समावेश छ ।
