— न्युकासल युनाइटेडले लिगकप फाइनल नजिक पुग्ने क्रममा आर्सनललाई पराजित गरेको छ । इमिरेट्समा भएको प्रतियोगिताको सेमीफाइनल पहिलो लेगमा उसले २–० को जित निकालेको हो ।
सन् २०१० यता न्युकासल इमिरेट्समा विजयी रहेको हो ।
त्यसमा एलेक्जानडर इसाक र एन्थोनी गोर्डनले एक एक गोल गरे । न्युकासलले अहिलेसम्म लिगकपको उपाधि जित्न सकेको छैन् र सन् १९६९ देखि उपाधिविहीन रहेको छ । अब सेमिफाइनलको दोस्रो लेग फेब्रवरी ५ मा न्युकासलको सेन्ट जेम्स पार्कमा हुनेछ ।
त्यसमा आर्सनलसामु बलियो चुनौती रहनेछ । प्रतियोगिताको अर्को सेमिफाइनल पहिलो लेलगमा बुधबार टोटनहम र लिभरपुल भिड्दैछन् । ‘यो निकै महत्त्वको जित हो र यो नतिजाले हामीलाई उत्साहित बनाएको छ । तर सेमिफाइनलमा पहिलो हाफ मात्र सकिएको छ,’ इसाकले भने ।
आर्सनलले पूरा खेल आफ्नो नियन्त्रणमा राखे पनि गोल भने निकाल्न सकेन् । ‘हाम्रो समस्या यही रह्यो,’ आर्सनलका प्रशिक्षक मिखेल आर्टेटाले प्रतिक्रिया दिए, ‘तर मलाई विश्वास छ, दोस्रो लेगको सेमिफाइनलमा हामी चाहिंदो नतिजा निकाल्न सफल हुनेछौं ।’
