। सन् २०२४ मा हामीले हलिउडमा एनिमेटेड, हृदयभित्रका संवेदना, उत्परिवर्तन, ग्लाडिएटर र बोक्सीको कथाले भरिएका फिल्म हेर्यौं । नयाँ वर्ष २०२५ मा हलिउडले नयाँ कथामा फिल्म ल्याउने अपेक्षा गरिएको छ ।
अब आउने फिल्म सिक्वेल, रिबुट र फ्रेन्चाइजीका विस्तार हुनेछन् । यो भनेको हलिउड व्यावसायिक रुपमा सफल फिल्मलाई दर्शकमाझ ल्याउन चाहन्छ भन्ने हो । यो भनेको दर्शकको सामूहिक इच्छाको प्रमाण पनि हो ।
कुनै पनि हिसाबले पूर्ण नभएपनि हलिउडमा सन् २०२५ मा केही ठूला फिल्म आउनेछन् जसलाई लिएर विश्वको नजर छ ।
ब्याक इन एक्सन
नेटफ्लिक्सको यो जासूसी फिल्ममा दुई ठूला हलिउड स्टार क्यामरन डियाज र जो फक्स देखिनेछन् । डियाज १० वर्षसम्म हलिउड कथानक फिल्मको लाइमलाइटबाट टाढा थिइन् । अस्कर विजेता फक्स स्वास्थ्य समस्यापछि निको भएर फिल्ममा फर्कंदैछन् । यो जोडी सन् २०१४ को म्युजिकल फिल्म ‘एनी’मा एक थियो । ‘ब्याक इन एक्सन’ १७ जनवरीमा स्ट्रिमिङ सुरु हुनेछ ।
द फ्यान्टास्टिक फोर : फर्स्ट स्टेप्स
सन् २०२५ मा मार्वल सिनेम्याटिक युनिभर्स (एमसीयू)का तीन फिल्म आउने तयारीमा छन् । फेब्रुअरीमा ‘क्याप्टेन अमेरिका : ब्रेभ न्यु वर्ल्ड’, मेमा ‘थन्डरबोल्ट्स’ र २५ जुलाईमा ‘द फ्यान्टास्टिक फोर : फर्स्ट स्टेप्स’ आउनेछन् । यीमध्ये पछिल्लो फिल्ममा पेड्रो पास्कल, ‘स्ट्रेनजर थिंग्स’ फेम्ड जोसेफ क्विन, ‘द बियर्स’ फेम्ड इबोन मोस–बक्रच र भेनेसा किर्बी अभिनित यो फिल्मले सुपरपावरको कथालाई सिनेमाको जीवनमा ल्याउने स्टुडियोको प्रयत्न हो ।
सुपरम्यान
निर्देशक जेम्स गन कमिक बुकमा आधारित कथालाई डीसी युनिभर्सको स्वरुपमा ठूलो पर्दामा ल्याउँदैछन् । यो फिल्ममा डेभिड कोरेनस्वेट र ‘मार्भल्स मिसेस मेसेल’ अभिनित राहेल ब्रोस्नाहानको अभिनय यसमा हुनेछ । यसैमहिना सार्वजनिक टिजरले फिल्मको संक्षिप्त कथावस्तु र मुख्य पात्र क्लार्क केन्टको कुकुरलाई दर्शाएको छ । यो फिल्म ११ जुलाईमा रिलिज हुनेछ ।
मिकी १७
दूरदर्शी दक्षिण कोरियाली निर्देशक बोङ जुन होले आफ्नो अस्कर विजेता ‘प्यारासाइट’मार्फत दर्शकलाई मोहित तुल्याएको ६ वर्ष भइसक्यो । उनको पछिल्लो फिल्म ‘मिकी १७’ धेरै ढिलाइपछि अन्ततः अप्रिलमा रिलिज हुनेछ । रोबर्ट प्याटिनसन अभिनित फिल्म यो साई–फाई कमेडीजस्तो देखिन्छ । मुख्य पात्रले अन्तरिक्षमा खतनारक मिसनको जिम्मा पाएको छ । ‘मिकी १७’ अप्रिल १८ मा रिलिज हुने जनाइएको छ ।
जुरासिक वर्ल्ड : रिबर्थ
सिक्वेलको कुरा गर्दा ‘जुरासिक पार्क’ डाइनोभर्सको पछिल्लो श्रृंखलामा ‘विक्ड’बाट हालैको विश्वव्यापी सफलता पाएका कलाकार स्कारलेट जोहानसन र जोनाथन बेलीले अभिनय गरेका छन् । ‘जुरासिक वर्ल्ड : रिबर्थ’ जुलाई २ मा प्रदर्शन हुनेछ ।
हाउ टु ट्रेन योर ड्रागन
डायनासोरदेखि ड्रागनसम्म । डिज्नीलाई पछयाउँदै युनिभर्सल र ड्रिमवर्कसले आफ्नै उत्कृष्ट प्रदर्शन गर्ने एनिमेटेड फ्रेन्चाइजीमध्ये एकलाई पुनः कल्पना गर्दै निर्माण गरेका छन् । यसअघि यो पहिलो पटक १५ वर्ष पहिले दृश्यमा आएको थियो । यो नयाँ फिल्म क्रेसिडा कोवेलको पुस्तकमा आधारित फिल्मको लाइभ एक्सन रुपान्तरण हो । ‘हाउ टु ट्रेन योर ड्रागन’ जुन १३ मा थिएटरमा रिलिज हुनेछ ।
वुल्फ म्यान
यो फिल्म पुराना फिल्मलाई सिनेम्याटिक जीवनमा फर्काउने स्टुडियोको प्रयत्न हो । भ्रममा नपर्नुहोला, ‘वुल्फ म्यान’, बेनिसियो डेल टोरो अभिनित सन् २०१० को ‘द वुल्फम्यान’को सिक्वेल होइन । बरु, यो सन् १९४१ बाट युनिभर्सलको क्लासिक मोन्स्टर फिल्मको नयाँ संस्करण हो । यसपटक ‘गर्ल्स’ र ‘पुअर थिंग्स’ स्टार क्रिस्टोफर एबट हर्सुट शीर्ष भूमिकामा छन् । ‘वुल्फ म्यान’ जनवरी १७ मा हलमा रिलिज हुनेछ ।
कराते किड : लिजेन्ड्स
क्लासिक कराते फिल्म ‘कोब्रा काई’को सफलतापछि अभिनेता राल्फ म्याचियोले ४० वर्षभन्दा धेरै समयपछि फर्किन लागेको यो ठूलो पर्दाको फिल्म हो । यसमा ज्याकी च्यान मिस्टर हानको गुरुजस्तो भूमिकामा फर्किएका छन्, जुन भूमिका उनले पहिलो पटक सन् २०१० को रिबुटमा जेडेन स्मिथसँगै निर्वाह गरेका थिए । शीर्ष भूमिका किडको भूमिकामा यसपटक बेन वाङले अभिनय गरेका छन् । यो फिल्म ३० मेमा रिलिज हुनेछ ।
प्याडिङ्टन इन पेरु
सन् २०१७ को ‘प्याडिङ्टन २’ जसले रटन टम्याटोजमा ९९ प्रतिशत रेटिङ पाएको थियो । यो एक बच्चाको कथा समेटिएको दुर्लभ र प्रभावशाली फिल्म हो । यो एक प्याडिङ्टन नामक भालुको कथा हो । दर्शकलाई यो रुचिकर हुनसक्छ । ह्यु बोनभिल, बेन ह्विस र इमेल्डा स्टनटनले यसमा अभिनय गरेका छन् । यो फिल्म १४ फेब्रुअरीमा रिलिज हुनेछ ।
माइकल
धेरै प्रचार र अनुमानपछि पपसंगीतका राजा मानिने माइकल ज्याक्सनको बायोपिक नयाँ वर्षमा थिएटरमा आउनेछ । यसमा माइकलका भतिजा जाफर ज्याक्सनले स्वर्गीय सुपरस्टारको रूपमा चित्रण गर्नेछन् । अन्य कलाकारमा कोलम्यान डोमिङ्गो, माइल्स टेलर, निया लङ र लारेन्ज टेट पनि छन् । ‘माइकल’ अक्टोबर ३ मा थिएटरमा प्रिमियर हुनेछ ।
विक्ड : फर गुड
पहिलो भाग रिलिज भएको ठीक एक वर्षपछि यस वर्षको सबैभन्दा ठूलो म्युजिकल फिल्मले दर्शकलाई आकर्षित गर्ने पक्का छ । ‘हिट ब्रोड वे’ म्युजिकलको दोस्रो श्रृंखला हो, जसलाई जुन १९९५ मा ग्रेगरी म्यागुइरले लेखेको उपन्यासबाट रूपान्तरण गरिएको थियो । जुन उपन्यासको मौलिक गीतमध्ये एकको नाममा ‘फर गुड’ नाम तय गरिएको छ । आजको भयानक र दुष्ट संसारमा आफ्नो ठाउँ खोज्नका लागि संघर्ष गर्दा एल्फाबा र ग्लिन्डासँग भेट हुनेछ । ‘विक्ड : फर गुड’ २१ नोभेम्बर २०२५ मा हलमा लाग्नेछ ।
