— आक्रामक लिभरपुलले इंग्लिस प्रिमियर लिगमा आइतबार वेस्ट ह्यामलाई ५-० ले पराजित गरेको छ र लिग तालिकाको शीर्षमा आफ्नो अग्रतालाई आठ अंक बनाएको छ । खराब लयबाट गुज्रिरहेको म्यानचेस्टर सिटीले भने फेरि संघर्षपूर्ण जित हात पार्औयो । सिटीले रेलिगेसन बच्न संघर्षर लेस्टर सिटीलाई २-० ले हराएको हो ।
यस्तै, लगातार पाँचौं जित निकाल्दै नटिङघम फरेस्ट अंक दोस्रो स्थानमा उक्लिन सफल रह्यो । उसले एभरटनलाई २-० ले हरायो । टोटनहमले भने उल्भ्ससँग २-२ को बराबरी खेल्यो । पूरा दिनको सबैभन्दा ठूलो विजेता भने लिभरपुल नै रह्यो । कीर्तिमान २० औं लिग उपाधि जित्ने क्रममा रहेको आर्ने स्लटका लिभरपुललाई अहिले तत्काल रोक्न नसकिने देखिएको छ ।
उसले सबै प्रतियोगिता गरेर २७ खेलमा २३ औं जित आत्मसात् गरेको छ । वेस्ट ह्यामविरुद्ध लुइस डियाजले लिभरपुलका लागि पहिलो गोल गरेपछि कोडी गाक्पो, मोहमद सलाह, ट्रेन्ट एलेक्जान्डर आर्नोल्ड र डिएगो जोटाले गोल थपे । यसैक्रममा इजिप्टका सलाहले भने यस सिजनको आफ्नो २० औं गोल पूरा गरेका छन् ।
‘आजको खेलबाट खुबै मज्जा आयो, किनभने सधैं यस्तो जित सम्भव हुन्न,’ स्लटले जितपछि भने । दिनको पहिलो खेलमा डिफेन्डिङ च्याम्पियन सिटीले अक्टोबरको अन्त्ययता पहिलो जित निकालेको हो । पछिल्लो दुई महिनाका १३ खेलमा पेप ग्वार्डिओलाको सिटी नौ पल्ट पराजित रहेको थियो ।
