— इन्टर मिलानले कोमोलाई २–० ले हराएको छ र यससँगै इटालीको सिरी ए को शीर्षमा रहेको एटलान्टसँगको दुरी तीन अंकको अन्तरमा रह्यो । लिगमा इन्टरको लगातार अपराजित यात्रा ११ खेल पनि पुगेको छ ।
डिफेन्डर कार्लोस एगुस्टोले हेडबाट दोस्रो हाफको सुरुमै पहिलो गोल गरे । त्यसपछि मार्कस थुरामले दोस्रो गोल थपे र यससँगै इन्टर लिगमा लगातार चौथो जित पूरा भएको थियो । इन्टरका लागि गोलरक्षक यान सोमरले केही उत्कृष्ट बचाउ पनि गरे ।
थुरामको व्यक्तिगत गोल संख्या भने यो सिज लिगमा १२ पुगेको छ र उनी एटलान्टाका माटेओ रेटेगुइसँगै सर्वाधिक गोलकर्ता सूचीको शीर्षमा छन् । एटलान्टा १७ खेलबाट ४० अंकमा पहिलो स्थानमा छ भने इन्टरको १६ खेलबा ३७ अंक छ र तेस्रो स्थानमा छ ।
जितपछि इन्टरका प्रशिक्षक सिमोनी इन्जाघीले थुरामको प्रशंसा गर्दै भने, ‘उनी विश्वस्तरीय खेलाडी हुन् र प्रशिक्षणमा निकै लगनले सहभागी हुन्छन् । खेलमा पनि परिस्थिति अनुसार आफूलाई अभ्यस्त गर्न माहिर छन् ।’
