— सब्टिच्युट एलेक्जान्डर सोरलोथले इन्ज्युरी समयमा गरेको गोलको मद्दतले एटलेटिको म्याड्रिडले स्पेनी ला लिगामा बार्सिलानालाई २–१ ले पराजित गरेको छ । यो जितपछि एथलेटिको बार्लिलोनालाई उछिनेर अंक तालिकाको शीर्षमा पनि उक्लेको छ ।
एटलेटिकोको १८ खेलबाट ४१ अंक भएको छ । बार्सिलोनाले एक खेल बढी खेलेको छ र उसको ३८ अंक मात्रै छ । अब एटलेटिकोले सन् २०२४ को अन्त्य लिग तालिकाको शीर्षमै रहेर टुंग्याउने छ ।
स्टाडि ओलम्पिकमा भएको खेलमा बार्सिलोनाले ३० औं मिनेटमा पेड्रिको गोलले अग्रता लिएको थियो । रोड्रिगो डे पउलले ६० औं मिनेटमा एटलेटिकोका लागि बराबरी गोल गरे । त्यसपछि इन्ज्युरी समयको छैटौं मिनेटमा सोरलोथले निर्णायक गोल गरेका हुन् ।
बार्सिलोना घरमा भएको लिगका पछिल्ला तीन खेलमा लगातार पराजित भएको छ । शनिबारका अन्य खेलमा एथलेटिको बिलबाओले ओसासुनालाई २–१, सेल्टा भिगोले रियल सोसिडाडलाई २–० र रियल मार्लोकाले गेटाफेलाई १–० ले हरायो ।
