— नेपाल प्रिमियर लिग (एनपीएल) क्रिकेटको उपाधि जनकपुर बोल्ट्स जितेकामा जनकपुरमा खुसियाली मनाइँदै छ ।
खेलप्रेमीहरूले जनकपुरमा मोटरसाइकल र्याली र रथयात्रा निकाल्दै अबिर दलेर एकअर्कामा खुसी साटासाट गरिरहेका हुन् ।
समूह–समूहमा जम्मा भएका युवाले जनकपुरका विभिन्न चोकमा जनकपुर बोल्ट्सको गीत गाएर बाजागाजाका साथ नाचगान गर्दै खुसियाली साटासाट गरिरहेका छन् । युवाहरूले पटाका पड्काउँदै आतिसबाजीसमेत गरेका छन् ।
लाहिरु मिलान्थाको सानदार ब्याटिङमा जनकपुर बोल्ट्सले एनपीएल क्रिकेटको उपाधि जितेको हो । मिलान्थाको ८७ रनमा जनकपुरले शनिबार त्रिवि क्रिकेट मैदान कीर्तिपुरमा भएको फाइनलमा प्रमुख दाबेदार सुदूरपश्चिम रोयल्सलाई ५ विकेटले स्तब्ध पारेको थियाे ।
