— इटालीको सिरी ए मा एटलान्टाले शनिबार कागलिरीलाई १–० ले हरायो र अंक तालिकाको शीर्षमा कायम रह्यो । उसका लागि निकोलो जानिओलोले ६६ औं मिनेटमा निर्णायक गोल गरे । एटलान्टनाको १६ खेलबाट ३७ अंक छ ।
यो दोस्रोमा रहेको नेपोलीमाथि दुई अंकको अग्रता हो । उपाधि होडमा रहेको नेपोलीले अर्को खेलमा युडिनेजीमाथि ३–१ को महत्त्वपूर्ण जित निकाल्यो । यससँगै नेपोली १६ खेलबाट ३५ अंक भएको छ ।
युडिनेजीले फ्लोरिन थाउभिनको गोलले पहिलो हाफमा अग्रता लिएको थियो । त्यसपछि नेपोलीका लागि रामेलु लुकाकु र आन्द्रे फ्रान्कले गोल गरे । अर्को एक गोल आत्मघाती रह्यो । इन्टर मिलान भने १४ खेलबाट ३१ अंकमा तेस्रो स्थानमा छ ।
अर्को खेलमा युभेन्ट्सले भेनेजियासँग २–२ को बराबरी खेल्यो । यसपल्ट युभेन्ट्स उपाधि होडबाट बाहिर छ । उसको २८ अंक छ र छैटौं स्थानमा छ ।
