— लाजियोले युरोपा लिगमा आयाक्सलाई सजिलै ३–१ ले हराएको छ । यस जितसँगै लाजियो छ खेलबाट १६ अंक बटुल्दै लिग तालिकाको शीर्ष स्थानमा रह्यो । एथलेटिको बिलबाओ समान १६ अंकमा दोस्रो स्थानमा छ ।
लाजियो गोल अन्तरले अगाडि रह्यो । आयाक्समा लाजियोका लागि लोम टी चाउना, फिसायो डेले बासिरु र पेड्रोले गोल गरे । युरोपेली क्लब फुटबलको दोस्रो ठूलो प्रतियोगिताको अंक तालिकाको तेस्रो स्थानमा रहेको एन्डरलेटले भने स्लाभिया प्रागमाथि २–१ को जित रच्यो ।
अन्य प्रमुख खेलमा म्यानचेस्टर युनाइटेडले भिक्टोरिया प्लाजेनलाई २–१ ले हरायो । यस्तै अर्को इंग्लिस प्रिमियर लिग क्लब टोटनहमले भने रेन्जर्ससँग निराशाजनक १–१ को बराबरी खेल्यो ।
युरोपका तेस्रो ठूलो प्रतियोगिता युरोपा कन्फ्रेन्स लिगको बिहीबार नै भएको खेलमा चेल्सीले भने लगातार पाँचौं जितका लागि एफसी एस्टानालाई ३–१ हरायो । चेल्सीको पाँच खेलबाट अधिक्तम १५ अंक भएको छ ।
