: नेपाल प्रिमियर लिग(एनपीएल)को एघारौं दिनको पहिलो खेलमा विराटनगर किंग्सलाई सुपर ओभरमा हराउँदै पोखराले प्ले अफ सम्भावना कायमै राखेको छ। पोखराले सुपर ओभरमा विराटनगरलाई १३ रनले हराउँदै प्लेअफ सम्भावना कायमै राखेको हो।
सुपर ओभरमा पोखराका लागि एन्ड्रिस गोउस र रेमोन रिफर आएका थिए। सुपर ओभरको पहिलो खेलमा रेमोन रिफरले अगाडिको २ बलमा छक्का प्रहार गर्दा तेस्रो बल डट भयो चौथो बलमा चौका, पाँचौं बलमा १ रन र अन्तिम बलमा १ रन प्रहार गर्दै सुपर ओभरमा १८ रन बनायो।
सुपर ओभरका लागि विराटनगरका कप्तान सन्दीप लामिछानेले बलिङ गरेका थिए। पोखराले सुपर ओभरमा दिएको १९ रनको लक्ष्य पछ्याउन विराटनगरले मार्टिन गप्टिल र निकोलस क्रिटोन आए। पोखराका लागि रेमोन रिफरले सुपर ओभर बलिङ गरे।
पहिलो बलमा १ रन गप्टिलले लिए। दोस्रो बलमा क्रिटोनले १ रन लिए, तेस्रो बलमा मार्टिनले १ रन र चौथो बलमा डट बल, पाँचौं बलमा निकोलस क्रिटोनले १ रन लिए। अन्तिम बल फाल्ने बेला रेफरले वाइड फाले। अन्तिम बल डट फाल्दै विराटनगरलाई सुपर ओभरमा १३ रनले हराएको हो। किर्तिपुरस्थित त्रिवि क्रिकेट मैदानमा विराटनगर किंग्सले दिएको १४० रनको लक्ष्य पछ्याएको पोखराले २० ओभरमा ६ विकेट गुमाउँदै १३९ रन बनाउँदा खेल बराबरीमा पुगेको हो। त्यसपछि खेल सुपर ओभर भएको हो।
कीर्तिपुरस्थित त्रिवि क्रिकेट मैदानमा विराटनगर किंग्सले दिएको १४० रनको लक्ष्य पछ्याएको पोखराले २० ओभरमा ६ विकेट गुमाउँदै १३९ रन बनायो।
विराटनगरका लागि अन्तिम ओभरमा १३ रन जोगाउने जिम्मेवारी वसिर अहमदले पाएका थिए तर उनले पहिलो बल डट खाँदा दोस्रो बलमा १ रन तेस्रो बलमा छक्का र अन्तिम बलमा छक्का खाँदा खेल सुपर ओभरमा गएको हो।
निर्धारित खेलमा भने पोखराका लागि एन्ड्रिस गोउसले सर्वाधिक ३९ रन बनाए। उनले २७ बलमा ७ चौका प्रहार गरे। पोखराले पावरप्लेमा १ विकेटको क्षति ५९ रन बनाएको थियो।
पोखराका दुई ओपनर दिनेश खरेल र एन्ड्रिस गोउसको उत्कृष्ट ४७ रनको साझेदारी गरे। ओपनर दिनेश खरेल ४.३ ओभरमा प्रतिश जिसीको बलमा अनिल खरेलको हातमा क्याच भए। उनले ११ बलमा १ छक्कासहित ११ रन बनाए।
१० ओभरमा १ विकेटको क्षतिमा ७८ रन बनाएको थियो। दोस्रो विकेटका रुपमा १०.३ ओभरमा पोखराले एन्ड्रिस गोउसलाई गुमायो। तेस्रो विकेट जेन मलिक, चौथो विकेटका रुपमा कुशल भुर्तेल ३१ रन बनाउँदै पेभेलियन फर्किए। १४.२ मा कुशलको विकेट जाँदा १४.३ मा पाँचौं विकेट तिर्थ राज दासको गयो।
विराटनगरका लागि प्रतिश जिसीले सर्वाधिक ४ विकेट लिए। क्रिस सोलले २ विकेट लिए।
त्यसअघि, ब्याटिङ गरेको विराटनगर किंग्सले पोखरा एभेन्जर्सविरुद्ध निर्धारित २० ओभरमा ७ विकेट गुमाउँदै १३९ रन बनाएको हो। विराटनगरका लागि स्कट इड्वार्डले सर्वाधिक ४५ रन बनाए। उनले ३५ बलमा ५चौका प्रहार गरे।
विराटनगरले पावरप्लेमा २ विकेट गुमाउँदै ३४ रन बनाएको छ। विराटनगरले पहिलो विकेटका रुपमा ओपनर मार्टिन गप्टिललाई ५ रनमा गुमायो। उनलाई पोखराका बायाँ हाते अर्थोडक्स सागर ढकालले ४.३ ओभरमा आउट गरे।
अर्का ओपनर लोकेश बमलाई रेमोन रेफरलाई कट एण्ड बोल्ड गरे। उनी पावर प्लेकोअन्तिम बलमा आउट भएका हुन्। उनले १६ बलमा २ चौका र २ छक्का सहित २६ रन बनाए। ७.१ ओभरमा नरेन भट्ट ४ रन बनाउँदै दिनेश खरेलको बलमा सागर ढकालबाट क्याच भए। विराटनगरले १० ओभरमा ३ विकेट गुमाउँदै ६१ रन बनाएको हो।
चौथो विकेट विराटनगरका निकोलस क्रिटोनको विकेट गयो। उनले १६ बलमा १ छक्कासहित १९ रन बनाए। उनले चौथो विकेटका लागि स्कट इड्वार्डसँग ४३ रनको साझेदारी गरे। क्रिस सोल ७ रन र दिपक बोहोरा ४ रनमा आउट भए। वसिर अहमद २० बलमा १ चौकासहित २१ रन र प्रतिश जिसी १ बलमा १ चौकासहित ४ रनमा अविजित रहे।
पोखरा एभेन्जर्सका लागि सागर ढकाल र रेमोन रेफरले २/२ विकेट लिए। दिनेश खरेलले १ विकेट लिए।
