। एनपीएल टिम सुदूरपश्चिम रोयल्सका मेन्टर तथा अस्ट्रेलियाका लिजेन्ड ब्राड हजले सुदूरका कप्तान दीपेन्द्रको खेल म्याक्सवेलको जस्तो लाग्ने बताएका छन् ।
आइतबारको खेलपछि पत्रकार सम्मेलनमा कुरा गर्दै उनले यस्तो बताएका हुन् । ‘दीपेन्द्र एकदम राम्रो खेलाडी हुन्, उनको ब्याटिङ बलिङ र फिल्डिङ सबै उत्तिकै राम्रो छ । कहिलेकाहीँ उनको शटहरू देख्दा ग्लेन म्याक्सवेलको जस्तै लाग्छ’ उनले भनेका हुन् ।
दीपेन्द्रको प्रदर्शनले उनले आइपीएल, बीबीएलजस्ता विश्वचर्चित लिग खेल्ने कुरामा पनि आफूहरू विश्वस्त रहेको उनले बताए । साथै उनले नेपालमा धेरै युवा प्रतिभाहरू भएको र यसले नेपाली क्रिकेटको भविष्य राम्रो बनाउने कुरा पनि उल्लेख गरे ।
नेपाली क्रिकेटले नयाँ उचाइ हासिल गर्दै गरेको कुरा निकै राम्रो रहेको भन्दै उनले नेपालले आगामी वर्षहरूमा पनि टी२० विश्वकपजस्ता प्रतियोगिताहरू खेल्ने विश्वास व्यक्त गरे ।
उनले सुदूरपश्चिमले एनपीएलको उपाधि जित्न सक्ने पनि बताए । सुदूरपश्चिम आजको खेलमा भने पराजित भएको थियो । ब्राड हज सोमबार स्वदेश फर्कँदै छन् ।
