— क्रिस्टियानो रोनाल्डोको दुई गोलको मद्दतले पोर्चुगलले शुक्रबार राति पोल्यान्डलाई ५–१ ले हराएको छ । यस जितसँगै पोर्चुगल नेसन्स लिगको क्वाटरफाइनल पनि पुगेको छ । खेलका सबै छ गोल दोस्रो हाफमा भएको थियो ।
त्यसक्रममा पोर्चुगलले उत्कृष्ट आक्रमण खेल प्रदर्शन गरेको थियो । रोनाल्डोले ७२ औं मिनेटमा पेनाल्टीबाट गोल गरेपछि ८७ औं मिनेटमा दोस्रो थपे । उनले उत्कृष्ट ‘बाइसाइकल किक’ को मद्दतले दोस्रो गोल गरेका हुन् ।
नेसन्स लिगमा रोनाल्डो लयमा फर्केका छन् र पाँच गोल गरिसकेका छन् । यो नतिजाले पोर्चुगल लिग–ए ग्रुप–वानको शीर्षमा रहने निश्चित भएकोछ । यसै समूहको अर्को खेलमा स्कटल्यान्डले क्रोएसियालाई १–० ले पराजित गर्यो ।
लिग–ए ग्रुप–फोरमा युरोपेली च्याम्पियन्स स्पेनले डेनमार्कलाई २–१ ले हरायो भने स्विटजरल्यान्ड र सर्बियाले १–१ को बराबरी खेले । स्पेन यसअघि नै यस समूहबबाट क्वाटरफाइनल पुगिसकेको छ ।
