लेबनानको स्वास्थ्य मन्त्रालयले मध्य लेबनानको दुई घरमा इजरायली आक्रमणमा परी २३ जनाको मृत्यु भएको जनाएको छ। लेबनानका अनुसार इजरायलले आक्रमण गरेको ठाउँमा विस्थापित परिवारहरू बस्दै आएका थिए।
यी आक्रमणमा मारिनेमा अधिकांश महिला र बालबालिका रहेका छन् ।
इजरायली आक्रमणहरू भएका दुईवटा गाउँहरू माउन्ट लेबनान क्षेत्रमा पर्छ। यी गाउँ हिजबुल्लाहका आधारहरू क्षेत्रहरुमा नपर्ने जनाइएको छ।
इजरायली सेनाले हिजबुल्लाह लक्ष्यहरूमा भएको आक्रमणपछि बेरुतको दक्षिणी उपनगरहरूमा भएको आक्रमणहरूको विषयमा अनुसन्धान गरिरहेको बताएको छ।
त्यस्तै उत्तरी इजरायलको नाहरिया सहरमा हिजबुल्लाहले गरेको रकेट आक्रमणमा परी दुई जनाको मृत्यु भएको छ । बीबीसी
