— पश्चिम नवलपरासीको सुनवलमा देउसी-भैलो खेल्नेक्रममा विवाद हुँदा खुकुरी प्रहार गर्ने तीन जना युवालाई प्रहरीले पक्राउ गरेको छ । पक्राउ पर्नेमा सुनवल-३ किर्तिपुर बस्ने २३ वर्षीय अभिषेक गुरुङ, २६ वर्षीय बिसन गुरुङ र २८ वर्षीय अमित गुरुङ रहेका छ्न् ।
सुनवल नगरपालिका-१२ भुमहीमा देउसी-भैलो खेलिरहेको स्थानमा विवाद हुँदा खुकुरी प्रहार गरी केही व्यक्ति घाइते बनाएर फरार भएका उनीहरुलाई प्रहरीले पक्राउ गरेको हो । घटना गराएर बुटवलतर्फ भागेको सूचनाको आधारमा इलाका प्रहरी कार्यालय बुटवलसँग समन्वय गरेर रुपन्देहीबाट पक्राउ उनीहरुलाई गरिएको प्रहरीले जनाएको छ ।
पक्राउ परेकाहरुमाथि ज्यान मार्ने उद्योगमा म्याद थप गरेर अनुसन्धान भैरहेको प्रहरीले जनाएको छ ।
