— इंग्लिस च्याम्पियन म्यानचेस्टर सिटीका लागि पछिल्ला केही दिन राम्रो रहेको छैन । त्यसैले त पेप ग्वार्डिओलाको टिमले अविश्वसनीय रूपमा लगातार तीन खेल गुमाएको छ । च्याम्पियन्स लिगमै पनि सिटी स्पोर्टिङ लिस्बनको हातबाट ४–१ ले पराजित रह्यो ।
अरू बेला भए यो खेलको धेरै अर्थ हुने थिएन, तर यसपल्ट भने छ । लिस्बनले त्यस्ता प्रशिक्षकको नेतृत्वमा खेलेको थियो, जसले केही दिनपछि सिटीको छिमेकी प्रतिद्वन्द्वी म्यानचेस्टर युनाइटेड सम्हाल्दै छ ।
‘यो सिजन हामीलाई गाह्रो हुने नै छ भन्ने थियो,’ ग्वार्डिओलाले भने, ‘मैले अहिले हार पनि स्वीकारेको छु, किनभने यसमै टिकेर मैले हाम्रा खेलाडीलाई प्रेरित राख्न सक्नेछु । मलाई यस्तै चुनौती मनपर्छ । सबैलाई थाहा छ, हामी हार मान्नेमा पर्दैनौं ।’
तर सिटीका कप्तान बर्नार्डो सिल्भा भने क्लबको लयमा खासै चिन्तित छैनन् । उनी मान्छन्, अहिले सिटी अँध्यारो स्थानमा थुनिएको स्थितिमा छ । भलै यसमा ग्वार्डिओला सहमत भने छैनन् ।
