मुख्य समाचार
दशैं र तिहारको अवसरमा बेलायती संसद भवन परिसरमा नेपाली समुदायले विशेष सांस्कृतिक कार्यक्रम
दशैं र तिहारको अवसरमा बेलायती संसद भवन परिसरमा नेपाली समुदायले विशेष सांस्कृतिक कार्यक्रम

। दशैं र तिहारको अवसरमा बेलायती संसद भवन परिसरमा नेपाली समुदायले विशेष सांस्कृतिक कार्यक्रमको आयोजना गरिएको छ । वेष्टमिनिस्टरस्थित जुब्ली रुममा मंगलबार साँझ आयोजित ‘दशैंतिहार मिट एन्ड ग्रीट’ कार्यक्रममा नेपाली समुदायका प्रतिनिधिहरूसँगै बेलायती सांसदहरूको सहभागिता थियो ।

कार्यक्रममा शुभकामना आदानप्रदानसँगै देउसी-भैलो, गीत, नृत्यजस्ता मौलिक नेपाली सांस्कृतिक प्रस्तुति समेत प्रस्तुत गरिएको थियो । लन्डन ग्रीनबीच बरोका मेयर जीत रानाभाटको कमनवेल्थ एन्ड गोर्खा गार्डेन तथा बावेल क्यान्सरसम्बन्धी च्यारिटीको पहलमा कार्यक्रम आयोजना गरिएको थियो ।


कार्यक्रममा लन्डनकी सांसद एबिना अपोङ असारे असारेले बेलायती संसदमा नेपाली पर्वको खुशी बाँड्न पाउँदा गर्व महसुस भएको बताइन् । अर्की सांसद सेरा ओवेनले पनि नेपाली संस्कृतिबारे जान्न पाउँदा खुशी लागेको प्रतिक्रिया दिइन्।

हाउस अफ लर्ड्सकी सदस्य ब्यारोनेस हिलारी आर्मस्ट्रोङले गोर्खाहरुको योगदान र बेलायत-नेपालको ऐतिहासिक सम्बन्धलाई सम्झिइन्। कार्यक्रममा कार्यवहाक नेपाली राजदूत विपिन दुवाडीले यस्ता कार्यक्रमले दुई देशबीचको सम्बन्ध अझ प्रगाढ हुने विश्वास व्यक्त गरे।


कार्यक्रममा नेपाली परम्परागत देउसी-भैलो, गीत-नृत्यसहित सांस्कृतिक प्रस्तुति तथा नेपाली भोजनसमेतको व्यवस्था गरिएको थियो।

प्रतिक्रिया दिनुहोस्
अन्य समाचारहरु
। भ्रष्टाचार र सामाजिक सञ्जालमा प्रतिबन्धविरुद्ध सडकमा उत्रेका युवा–विद्यार्थीको हत्याको विरोधमा अमेरिकाका विभिन्न शहरहरुमा विशाल प्रदर्शन भएका छन्। हत्या गरिएका १९ जना विद्यार्थीको श्रद्धाञ्जलीका लागि अमेरिकाको टेक्सास राज्यको डालसमा करिब ५ हजार नेपाली जम्मा भएको पत्रकार विकासराज न्यौपानेले अनलाइनखबरलाई जानकारी दिए । डालसको पशुपतिनाथ मन्दिर तथा बौद्धविहारमा सोमबार दिउँसोदेखि रातीसम्म नेपालीहरु जम्मा भएर सरकारी दमनको विरोध तथा ...
: गत शनिबार कतारमा मृत्यु भएका गोरखा सिरानचोक गाउँपालिका–५ छोप्राक कटहरबारीका मनोज बरामको शव अहिलेसम्म नेपाल ल्याउन सकिएको छैन। ४२ वर्षका बरामको शव ६ दिन बितिसक्दा पनि नेपाल ल्याउन नसकिएको वडा सदस्य गोलबहादुर बरामले जानकारी दिए। वैदेशिक रोजगारीका क्रममा विगत १२ वर्षदेखि कतारमा रहेका बरामको गत शनिबार राति सुतिरहेको अवस्थामा शव भेटिएको बरामले बताए। ४२ वर्षीय ...
: अमेरिकाले थप ३७ जना नेपालीलाई निष्कासन गरेको छ। अवैध ढंगले अमेरिका पुगेका र त्यहाँको अध्यागमनको कानुन उल्लंघन गरेका ३७ जना नेपालीलाई अमेरिकाले निष्काशन गरेको हो। उनीहरू बुधबार चार्टर्ड जहाजबाट काठमाडौं आइपुग्दैछन्। ३७ जना नेपालीलाई निष्कासन गरिएको बारे अमेरिकाले नेपाल सरकारलाई जानकारी गराइसकेको छ। अध्यागमन स्रोतका अनुसार भोलि साढे २ बजेतिर ३७ जना निष्काशित नेपालीलाई ...
दक्षिण कोरियामा अन्तर्राष्ट्रिय शिक्षाको अभिलाषा बोकेर पुगेका हजारौं नेपाली विद्यार्थीको अहिले बिल्लीबाठ भएको छ । मेधावी विद्यार्थीहरूसमेत अवैध कामदारका रूपमा लुकेर बस्न विवश छन् । यो समस्या केही ठग कन्सल्टेन्सीहरूबाट उत्पन्न भएको हो । नेपालमा शैक्षिक परामर्श व्यवसाय एउटा अनियन्त्रित र नाफामुखी धन्दामा परिणत भएको छ । त्यसैको परिणाम आज विद्यार्थी बनेर गएका विद्यार्थी कोरियामा बिचल्लीमा परिरहेका छन् । ‘लाखौं कमाइ’ ...
— भारत उत्तराखण्डको उत्तरकाशी जिल्लाको हर्षिल क्षेत्रको धरालीमा दुई साताअघि आएको बाढीमा बेपत्ता भएका नेपालीहरूका आफन्त घर फर्किन थालेका छन् । दुई सातासम्म खोजी गर्दा पनि बेपत्ता भएकाहरू नभेटिएपछि आफन्त घर फर्किन थालेका हुन् । आफन्तहरू धरालीबाट एक दिन पैदल हिँडेरै उत्तरकाशीसम्म र त्यहाँबाट बसमा आउने तयारीसहित हिँडेका हुन् । ‘दुई सातासम्म बगरमा डुल्दा–डुल्दा केही भेटिएन, ...