। हलिउडको प्रतीक्षित फिल्म ‘ग्लाडिएटर २’ को कथा सुन्न तयार हुनुस् । फिल्मको पछिल्लो ट्रेलरले रहस्यमयी कथा र प्रविधिको बेजोड संयोजनले दर्शकलाई नयाँ स्वाद दिएको छ । नयाँ ट्रेलरमा पल मेस्कल, पेड्रो पास्कल जस्ता स्टार स्वतन्त्रता र शक्ति हासिल गर्न भिडिरहेका देखिन्छन् ।
धेरै कुरा थाहा पाउन बाँकी नै छ, जसलाई हामीले हलमै हेर्न पाउनेछौं । नयाँ ट्रेलरमा सबैलाई अचम्म पार्ने कुरा के छ भने यसमा मौलिक फिल्ममा जोआकिन फिनिक्सका भान्जाको भूमिकामा देखिएका म्याक्सिमसका छोरा लुसियसलाई यो ट्रेलरमा देख्न सकिन्छ ।
पल मेस्कलले ठूला र वयस्क लुसियसको भूमिका निर्वाह गरिरहेका छन् । जसको आमा कोनी निल्सेनले लुसिलाको रूपमा आफ्नो चरित्रमार्फत फर्किएकी छिन् । ट्रेलरमा हामी ठूला युद्ध पनि लडिरहेको देख्छौं ।
जब हामी युद्ध र रगत बगाउने रणनीति ट्रेलरमा देखिरहेका छौं । यो क्रममा लुसिलाले लुसियसलाई भन्छिन्, ‘तिम्रो बुवा जस्तै बलशाली बन । उसको नाम म्याक्सिमस थियो र म उसलाई तिमीमा देख्छु ।’
यो शृंखलामा यसपटक ग्लाडिएटरका लागि एकभन्दा बढी युद्धभूमि हुनेछन् । नयाँ फिल्म अघिल्लो भन्दा थप रोचक हुने अपेक्षा छ, जहाँ युद्धबन्दीले जंगली बबुन र गैंडाहरुको सामना गर्नुपर्नेछ । विपक्षीसँग लड्न र सार्कले भरिएको ट्यांकीमा डुंगा खसाउन पंक्तिबद्ध हुनुपर्नेछ ।
राइड्ली स्कट निर्देशित यो फिल्मलाई हलिउडको प्यारामाउण्ट पिक्चर्सले निर्माण गरेको हो । यो फिल्म नोभेम्बर २२ (मंसिर ७ गते) मा प्रदर्शन तयारीमा छ ।
