मुख्य समाचार
नेपाल नेसनल हस्पिटलको फोहोर व्यवस्थापन अवस्था खराब
नेपाल नेसनल हस्पिटलको फोहोर व्यवस्थापन अवस्था खराब

। कलंकीस्थित नेपाल नेसनल हस्पिटलको फोहोर व्यवस्थापन अवस्था खराब देखिएको छ ।

काठमाडौं महानगरपालिकाको वातावरण व्यवस्थापन विभागले सोमबारदेखि सुरु गरेको अनुगमनमा उत्पादित फोहोर व्यवस्थापनमा चरम लापरबाही देखिएको वरिष्ठ शाखा अधिकृत सानुमैया महर्जनले जानकारी दिइन् ।

‘वार्डहरूबाट उत्पादन भएको फोहोर राख्न भवनको पछाडिपट्टि जस्ताले बारेको टहरा छ । टहरामा चार कोठा छन् । तीमध्ये पहिलो कोठामा सिरिन्ज र बोतल छरपष्ट थिए । दोस्रो कोठाको कुनामा कालो प्लास्टिकमा पोको पारेर फोहोरहरू राखिएका थिए,’ महर्जनले भनिन् ।

उनका अनुसार फोहोर छुट्याउन पूर्ण असुरक्षित भएर काम गरिरहेको देखिएको छ । यसअघि फागुन २०८० मा जोखिमपूर्ण फोहोर निर्मलीकरण गरेर व्यवस्थापन गर्छु भनेर अस्पतालले प्रतिबद्धता जनाएको थियो ।

१० चैत २०८० मा महानगरले गरेको अनुगमनमा पनि सुधार नहुँदा अस्पतालले पुनः प्रतिबद्धता दोहोर्‍याएपछि अनुगमन टोलीले सुधारको मौका दिएको थियो । यसपछि १६ चैतमा अस्पतालबाट एक जना व्यवस्थापक र एक जना फोहर व्यवस्थापनका फोकल पर्सनलाई बोलाएर स्वास्थ्य संस्थाजन्य फोहर व्यवस्थापन सम्बन्धी एकदिने तालिम महानगरले दिएको थियो ।

अनुगमन क्रममा वातावरण निरीक्षक सृष्टि श्रेष्ठले हस्पिटलले संक्रमित फोहर व्यवस्थापनमा चरम लापरबाही गरेको बताइन् । फोहोर संकलन गर्ने ठाउँ नजिकै हस्पिटलमा पार्किङ स्पेस बनाएको उनले बताइन् ।

अस्पताललाई के कारबाही गर्ने भन्ने महानगरले निर्णय गरिसकेको छैन । गत वर्ष महानगरभित्र ५० अस्पतालको फोहोर व्यवस्थापन अनुगमन भएकोमा व्यवस्थापनको गलत अभ्यास भएका २० को फोहर संकलनमा रोक लगाइएको थियो ।

प्रतिक्रिया दिनुहोस्
अन्य समाचारहरु
स्रोतको चाप देखाउँदै सरकारले उखु किसानलाई दिँदै आएको प्रोत्साहन अनुदान आधा घटाएको छ
— पूर्वराष्ट्रपति विद्यादेवी भण्डारी, माओवादी अध्यक्ष पुष्पकमल दाहालसँगको भेटघाटपछि कांग्रेस नेता शेखर कोइरालाले आइतबार पार्टीभित्र आफू निकटका मन्त्री र सांसदहरुसँग चरणबद्ध छलफल गरेका छन् । कांग्रेस नेतृत्वमा वैकल्पिक गठबन्धन बनाउन प्रयासरत कोइरालाको पछिल्लो गतिविधिलाई अर्थपूर्ण रुपमा हेरिएको छ । कोइरालाले बिहान अनुपम फुडल्याण्ड पार्टी प्यालेस र दिउँसो याक एण्ड यतिमा सांसदहरुसँग छलफल गरेका थिए । कोइराला ...
युट्युबको सिको गर्दै फेसबुक, अब अरुका सिर्जना नक्कल गर्नेको आम्दानी बन्द हुने
। स्वास्थ्य बीमाको प्रथम सेवा बिन्दु नजिकै नहुँदा समस्या परेका स्थानका केन्द्रीय सरकारी अस्पतालहरुमा प्रथम बिन्दु कायमै रहने स्वास्थ्य तथा जनसंख्यामन्त्री प्रदीप पौडेलले जानकारी दिएका छन् । सामाजिक सञ्जालमा यससम्बन्धमा जानकारी दिँदै मन्त्री पौडेलले लेखेका छन्,‘स्वास्थ्य बीमाको प्रथम सेवा बिन्दु हट्दा नागरिकलाई परेको कठिनाई सम्बोधन गर्दै नजिक प्रथम सेवा बिन्दु नभएर सेवा लिन अप्ठ्यारा पर्ने स्थानहरुका ...
प्रधानमन्त्री केपी शर्मा ओलीको नेतृत्वमा सरकार गठन भएको एक वर्ष पूरा