लेबनानको राजधानी बेरुतको दक्षिणी क्षेत्रमा भएको आक्रमणमा चरमपन्थी संगठन हिजबुल्लाहका शीर्ष कमाण्डर मारिएको इजरायलले जनाएको छ ।
लेबनानी सशस्त्र बलको गढ रहेको दहियाहमा भएको आक्रमणमा परी कम्तीमा एक जनाको मृत्यु भएको तथा अन्य कैयौं घाइते भएका बीबीसी समाचारमा उल्लेख छ।
इजरायली सेनाले गुप्तचर सूचनाको आधारमा हिजबुल्लाहका शीर्ष कमाण्डर फौद शुक्रलाई लडाकु विमानबाट निशाना बनाएर आक्रमण गरेको बताएको छ ।
इजरायली नियन्त्रित गोलान हाइट्समा शनिबार भएको आक्रमणको कारण फाउद शुक्र नै भएको इजरायली अधिकारीहरूले बताएका छन्।
शनिबार भएको आक्रमणमा १२ जनाको मृत्यु भएको थियो । मृत्यु हुनेमा अधिकांश बालबालिका थिए । हिजबुल्लाहले आक्रमणको आफूले नगरेको बताएको थियो ।
इजरायलले गरेको उक्त आक्रमणको निन्दा लेबनानी प्रधानमन्त्री नजिब मिकातीले गरेका छन् ।
उनले इजरायलद्वारा अन्तर्राष्ट्रिय कानुनको स्पष्ट उल्लङ्घन भएको बताउँदै यसलाई आपराधिक कार्यको आरोप लगाएका छन् ।
आक्रमणपछि इजरायलका रक्षामन्त्री योभ गालान्टले सामाजिक सञ्जालमा हिजबुल्लाहले सम्पूर्ण सीमा नाघेको बताएका छन् ।
आक्रमणमा परी फाउद शुक्रको मृत्यु भएको हो/होइन भन्ने आधिकारित पुष्टि भने अझै भएको छैन । आक्रमणको समयमा फाउद शुक्र उक्त भवनमा उपस्थित नभएका बेरुतका सुरक्षा स्रोतहरूले जनाएका छन्। यसबारे हिजबुल्लाहले भने हालसम्म कुनै वक्तव्य जारी गरेको छैन ।
