मुख्य समाचार
पाकिस्तानमा जमिनको विषयमा विवाद, ४३ जनाको मृत्यु
पाकिस्तानमा जमिनको विषयमा विवाद, ४३ जनाको मृत्यु

: पाकिस्तानको खैबर पख्तुनख्वाको कुर्रम जिल्लामा जग्गा विवादमा चर्किएको द्वन्द्वमा परी ४३ जनाको मृत्यु भएको बीबीसी समाचारमा उल्लेख छ । पाकिस्तानको कुर्रमको पारा चिनारको उपनगर बुशेहरामा उक्त घटना भएको हो।


पाकिस्तानमा आन्तरिक द्वन्द्व चलिरहेको अवस्थामा खैबर पख्तुनख्वाको पहाडी उत्तरपश्चिमी क्षेत्रको द्वन्द्व लामो र हिंसात्मक हुन सक्ने अधिकारीहरुले बताएका छन्।

यो विवाद बुसेहराका दुई गाउँमा बसोबास गर्ने आदिवासीबीचको हो । अधिकारीहरुका अनुसार ७ दिनअघि सुरु भएको लडाई कुर्रम जिल्लाका विभिन्न क्षेत्रमा फैलिएको छ ।



मारिनेहरु मध्ये ३५ शिया र आठ सुन्नी मुसलमान छन् ।

अधिकारीका अनुसार सुन्नी मुस्लिम मदागी र शिया माली खेल जनजातिहरू यस क्षेत्रमा बुधबारदेखि लडिरहेका छन् । बन्दुकधारीले कृषि भूमिको विवादमा गोली हानेको स्थानीय प्रहरी अधिकारी मुर्तजा हुसेनले जानकारी दिए।

आक्रमणको जानकारी दिँदै अफगानिस्तानको सिमावर्ती जिल्ला कुर्रम छेउछाउका बासिन्दाबीच लामो समयदेखि धार्मिक तनाव बढिरेको जनाएका छन्।

सरकारले कुर्रम आदिवासी जिल्लामा युद्धविराम गरेपछि पनि गोलीबारी पुनः भएको खैबर पख्तुनख्वाको प्रान्तीय आन्तरिक मन्त्रालयका एक वरिष्ठ अधिकारीले नाम नबताउने सर्तमा जानकारी गराए ।

स्थानीय प्रहरीका अनुसार बुधबारदेखिको द्वन्द्वमा ४३ जनाको मृत्यु हुनुका साथै १८३ जना घाइते भएका छन् । पाकिस्तानको मानव अधिकार आयोगले द्वन्द्वले सर्वसाधारणमा क्षति पुर्‍याउनुका साथै आवागमन अवरुद्ध भएको जनाएको छ ।

पाकिस्तानमा लामो समयदेखि सुन्नी र सिया समुदायबीच विवाद रहेको छ। कुर्रम पूर्व आदिवासी क्षेत्रको हिस्सा हो। यसलाई सन् २०१८ मा खैबर पख्तुनख्वा प्रान्तमा गाबिएको थियो ।

प्रतिक्रिया दिनुहोस्
अन्य समाचारहरु
। अमेरिकी राष्ट्रपति डोनाल्ड ट्रम्पले नेदरल्यान्डको हेगस्थित अन्तर्राष्ट्रिय फौजदारी अदालतमाथि प्रतिबन्ध लगाउने कार्यकारी आदेशमा हस्ताक्षर गरेका छन् । इजरायली प्रधानमन्त्री बेन्जामिन नेतन्याहु वाशिङ्टन भ्रमणमा रहेका बेला ट्रम्पले सो अदालतलाई प्रतिबन्ध लगाउने निर्णय गरेको बीबीसीले जनाएको छ । गाजा क्षेत्रमा बर्बर आक्रमण गरेर युद्ध अपराध गरेको भन्दै अन्तर्राष्ट्रिय अदालतले सन् २०२१ को नोभेम्बरमा इजरायलका प्रधानमन्त्री नेतन्याहू र पूर्वरक्षामन्त्री ...
अमेरिकी राष्ट्रपति डोनाल्ड ट्रम्पले एक पत्रकार सम्मेलनमा गाजा पट्टीलाई अमेरिकी नियन्त्रणमा लिने बताएका थिए। ट्रम्पले अमेरिकाले गाजा पट्टी कब्जा गर्ने र त्यहाँ पुनर्निर्माण उल्लेख गरेका थिए। यसलाई पश्चिमी एसियाको लागि रोजगारी र पर्यटनको केन्द्र बनाउने उनको भनाइ थियो। ट्रम्पको यो भनाइको मध्यपूर्वका धेरै देशहरूले विरोध जनाएका छन्। साउदी अरेबियाले उक्त कुराको विरोध गर्दै आफूहरु प्यालेस्टाइनी जनताको ...
— अमेरिकाले एच-वानबी (रोजगारमूलक अस्थायी गैरआप्रवासी) भिसामार्फत एकैपटक ८५ हजार कामदार ल्याउने भएको छ । लटरीका रूपमा खुलाइने एच-वानबीमार्फत विश्वभरबाट कामदार ल्याउँदै आएको अमेरिकाले २०२६ मा एकैपटक ८५ हजार कामदारलाई भिसा दिने योजना अघि बढाएको हो । यो भिसा प्राप्तका लागि जोसुकैले पनि अनलाइनमार्फत फारम भर्न पाउने छैनन । अमेरिकामा रहेको कुनै एक कम्पनीले रोजगारीका लागि ...
— बंगलादेशमा फेरि हिंसा सुरु भएको छ । पूर्वप्रधानमन्त्री शेख हसिनाका विरोधीले बुधबार राति उनका पिता शेख मुजीबुर्रहमानको ढाकास्थित घर धानमण्डी–३२ मा आगो लगाएर ध्वस्त पारेका छन् । प्रदर्शनकारीले बुधबार मध्यरात र बिहीबार देशभर शेख हसिनाको पार्टी अवामी लिगका नेताहरुका घरमा तोडफोड गर्दै मुजीबुर्रहमानको भित्तेचित्र विकृतसमेत गरेका छन् । भारतमा रहेकी हसिनाको एक अनलाइन कार्यक्रम सुरु हुनुअघि ...
: अमेरिकी राष्ट्रपति डोनाल्ड ट्रम्पले बुधबार ट्रान्सजेन्डर एथलीटलाई महिला खेलकुदमा भाग लिन प्रतिबन्ध लगाउने कार्यकारी आदेशमा हस्ताक्षर गरेका छन्। ट्रम्पले दर्जनौं बालबालिका र महिला खेलाडीहरूले घेरिएको ह्वाइट हाउसमा उक्त आदेशमा हस्ताक्षर गरेका हुन्। उनले हस्ताक्षर गर्नुअघि भने, 'अबदेखि महिला खेलकुद महिलाहरूको लागि मात्र हुनेछ। यो कार्यकारी आदेशसँगै महिला खेलकुदमाथिको युद्ध समाप्त भएको छ।' ट्रम्पले महिला एथलीटहरूको ...