। पेरिस ओलम्पिक २०२४ अन्तर्गत पुरुष फुटबलमा लगातार दोस्रो जित निकाल्दै स्पेन नकआउट चरणमा प्रवेश गरेको छ । समूह सी अन्तर्गत स्पेनले गएराति डोमिनिक रिपब्लिकलाई ३-१ ले पराजित गर्दै अन्तिम आठमा स्थान पक्का गरेको हो ।
स्पेनले पहिलो खेलमा उज्वेकिस्तानलाई २-१ ले पराजित गरेको थियो ।
बोर्डेमा भएको खेलमा स्पेनलाई जित दिलाउन फर्मिन लोपेजले २४औं, एलेक्स बाएनाले ५५औं र मिगुएल गुटिएरेजले ७०औं मिनेटमा गोल गरे । डोमिनिका लागि मोन्तेस डे ओकाले ३८औं मिनेटमा एक गोल गरे ।
दोस्रो जितपछि स्पेन ६ अंक जोडेर समूह सी को शीर्ष स्थानमा छ । स्पेनले अब इजिप्टसँग समूहको अन्तिम खेल खेल्नेछ ।
इजिप्टले उज्वेकिस्तानलाई १-० ले हराएर पहिलो जित हात पारेको छ । दुई खेलबाट ४ अंकसहित इजिप्ट समूह्य सी को दोस्रो स्थानमा छ । डोमिनिकको एक अंक मात्र छ भने दुवै खेल हारेको उज्वेकिस्तान अंकविहिन छ ।
