पेरिस ओलम्पिक महिला फुटबलमा कुनकुन देश सहभागी हुँदैछन् ?
पेरिस ओलम्पिक महिला फुटबलमा कुनकुन देश सहभागी हुँदैछन् ?

। फ्रान्सको पेरिसमा हुन लागेको ३३ औं गृष्मकालीन ओलम्पिकको उद्घाटनभन्दा २ दिन अगाडि नै महिला फुटबल प्रतियोगिता आजदेखि हुँदैछ । पहिलो दिन आज ४ खेल हुनेछन् ।

पहिलो दिन आज समूह एबाट क्यानडा र न्युजिल्यान्ड भिड्नेछन् । समूह बीबाट जर्मनी र अष्ट्रेलियाले खेल्नेछन् भने समूह सीबाट आज २ खेल हुनेछ । जसमा पहिलोमा स्पेन र जापानबीच खेल हुनेछ । दोस्रोमा नाइजेरिया र ब्राजिल भिड्नेछन् ।




सन् १९९६ बाट गृष्मकालीन ओलम्पिकमा महिला फुटबल पनि समावेश गरिएको हो । पुरुषको भन्दा केही फरक तरिकाले ओलम्पिकमा महिला फुटबलको लागि नियम बनाइएको छ ।

पुरुषमा यू–२३ का खेलाडी भनिए तापनि महिलामा भने सिनियर खेलाडीले नै ओलम्पिक खेल्नेछन् । यो एक पूर्णता अन्तर्राष्ट्रिय प्रतियोगिता हो । जसमा विश्वकका उत्कृष्ट महिला फुटबलको खेल हेर्न पाइनेछ ।


महिला फुटबल ओलम्पिकमा कुनकुन टिम सहभागी छन् ?

महिला फुटबलका लागि १२ वटा टिमले पेरिस ओलम्पिक २०२४ खेल्नेछन् । १२ टिमलाई ३ समुहमा बाँडी खेल खेलिनेछ ।

समूह ए : फ्रान्स, कोलम्बिया, क्यानडा, न्युजिल्यान्ड
समूह बी : अमेरिका, जाम्बिया, जर्मनी, अष्ट्रेलिया
समूह सी : स्पेन, जापान, नाइजेरिया, ब्राजिल

महिला फुटबलको फर्म्याट :

हरेक समूहका शीर्ष २ टिम क्वाटरफाइनलमा पुग्नेछन् । त्यसबाहेक ३ समूहको शीर्ष ३ मा आएकामध्ये २ टिमले पनि क्वाटरफाइनल खेल्न पाउनेछन् । यही ८ टिमबाट ४ टिमले सेमिफाइनल र २ टिमले स्वर्णको लागि फाइनल खेल्नेछन् भने सेमिफाइनलमा हारेका २ टिमले कास्यको लागि प्रतिस्पर्धा गर्नेछन् ।

हरेक टिममा १८ जना खेलाडी राख्न पाइने प्रावधान रहेको छ । जसमा ४ जना रिजर्भ खेलाडी छुट्टै राख्न पाइनेछ ।

कुनै पनि खेलको निर्धारित ९० मिनेटको समयमा खेल बराबरीमा रोकिएमा १५÷१५ मिनेटको २ हाफ खेल खेलाइनेछ । त्यसमा पनि खेल बराबरी भएमा पेनाल्टीबाट खेलको विजेता छानिनेछ ।

स्पेन डेब्युमै उपाधिको दाबेदार :

स्पेन हाल ओलम्पिकका लागि पनि सबैभन्दा बलियो महिला फुटबल टिम हो । पहिलो पटक ओलम्पिकमा छनोट भएको स्पेनको महिला टिम डेब्युमा नै स्वर्ण जित्ने क्षमता राख्छ ।

अर्को प्रबल दाबेदार टिम अमेरिका हो । अमेरिका हाल नयाँ प्रशिक्षक इम्मा हायसको प्रशिक्षणमा ओलम्पिक खेल्नेछ । यो दौडमा जमर्नी र घरेलु टिम फ्रान्स पनि निकै बलियो उपाधि दाबेदार हुन् ।

कुन कुन प्रख्यात खेलाडीले खेल्दैछन् ?

पेरिस ओलम्पिकमा भाग लिने प्रख्यात महिला खेलाडीमा स्पेनकी बालोन डी’ओर विजेता ऐताना बोनमाटी पनि हुन् । ब्राजिलकी अनुभवी फरवाड मार्टा, कोलम्बियाकी लिन्डा केसेडो, फ्रान्सकी अनुभवी डिफेन्डर वेन्डी रेनार्ड र अमेरिकाको लागि उत्कृष्ट स्ट्राइकर सोफिया स्मिथ हुन् ।

खेलको तालिका :

समूह चरण : जुलाई २५–३१ (साउन १० देखि १६)
क्वाटर फाइनल : अगष्ट ३ (साउन १९)
सेमिफाइनल : अगष्ट ६ (साउन२२)
कांस्यको लागि : अगस्ट ९ (साउन२५)
स्वर्ण/फाइनल : अगष्ट १०(साउन २६)

खेल हुने रंगशालाहरु :

महिला फुटबल खेलहरु फ्रान्सका ७ वटा स्टेडियममा हुनेछन् ।

बोर्डो स्टेडियम, बोर्डो
जियोफ्रोय–गुइचार्ड स्टेडियम, सेन्ट इटिएन
ला ब्यूजोर स्टेडियम, नान्टेस
ल्योन स्टेडियम (ल्योन नजिक डेसिनेस चारपियू)
मार्सेल स्टेडियम, मार्सेल
नाइस स्टेडियम, नाइस
पार्क डेस प्रिन्सेस, पेरिस

सबैभन्दा बढी उपाधि जित्ने टिम

हालसम्म ओलम्पिकमा महिला फुटबलमा सबैभन्दा बढी स्वर्ण जित्ने टिम अमेरिका हो । यो टिमले चार पटक ओलम्पिकमा स्वर्ण जितेको छ ।

अमेरिकाले पछिल्लो पटक २०१२ मा लन्डनमा भएको ओलम्पिकमा स्वर्ण जितेको थियो । टोकियो ओलम्पिकमा भने अमेरिका कांस्यमा सीमित भएको हो । जर्मनी, क्यानडा र नर्वेले हालसम्म १/१ पटक ओलम्पिकमा स्वर्ण जितेका छन् ।

क्यानडा डिफेन्डिङ च्याम्पियन हो । २०२० ओलम्पिकमा क्यानडाले स्विडेनलाई पेनाल्टीमा हराउँदै स्वर्ण जितेको थियो ।

प्रतिक्रिया दिनुहोस्
अन्य समाचारहरु
— नेपाली युवा क्रिकेट टोलीले मलेसियामा जारी एसीसी यू–१६ इस्टजोन कप क्रिकेट प्रतियोगिताको उपाधिका लागि फाइनल खेल सिंगापुरसँग खेल्ने भएको छ । बिहीबार सेमिफाइनलमा मलेसियालाई ९ विकेटले हराउँदै नेपालले फाइनल पक्का गरेको छ । अर्को सेमिफाइनलबाट हङहङलाई हराउँदै सिंगापुर फाइनल पुगेपछि नेपालको उपाधि भिडन्त सिंगापुरसँग पक्का भएको हो । दुवै टोलीबीच उपाधिका लागि फाइनल खेल आइतबार हुनेछ ...
। इंग्लिस क्लब लिभरपुलले कार दुर्घटनामा परी ज्यान गुमाएका पोर्चुगिज फरवार्ड डियोगो जोटाको सम्मानमा उनको नम्बर २० जर्सीलाई अवकाश दिने घोषणा गरेको छ। अब लिभरपुलमा जर्सी नं २० कहिले पनि प्रयोग हुने छैन । क्लबले भनेको छ, ‘२०२४-२५ सिजनमा क्लबको २०औं प्रिमियर लिग उपाधि जिताउने टोलीका सदस्यको रूपमा जोटाले दिएको योगदानको सम्झनामा यो निर्णय गरिएको हो।’ गत ...
। लिभरपुलले गत सिजनको प्रिमियर लिग उपाधि जित्नु अहिले हेर्दा भाग्यमै लेखिएको जस्तो लाग्न सक्छ । तर प्रिमियर लिगका सुरुवाती तीन महिनापछिको अवस्था अर्थात् डिसेम्बरमा फर्किएर हेर्दा भने अवस्था अलि फरक देखिन्थ्यो । डिसेम्बर १४ को दिन लिभरपुलले फुलहामसँग खेलिरहँदा एन्डी रोबर्टसनले रातो कार्ड पाएपछि लिभरपुल १० खेलाडीमा सीमित भयो र १–० ले पछि परेको अवस्थामा ...
। राष्ट्रिय यू–२३ फुटबल टोलीको छनोट प्रक्रिया सुरू गर्नका लागि खेलाडीहरूको नामावली सार्वजनिक गरिएको छ। अखिल नेपाल फुटबल संघ (एन्फा)ले ८९ खेलाडीहरूलाई छनोटमा बोलाएको हो । सबै खेलाडीहरूलाई आगामी सोमबार बिहान ६ बजे सातदोबाटोस्थित एन्फा कम्प्लेक्समा रिपोर्ट गर्न अनुरोध गरिएको छ। खेलाडीहरूले पूरा खेल सामग्री (किट) सहित उपस्थित हुनुपर्नेछ। छनोट प्रक्रिया त्यहीँबाट औपचारिक रूपमा सुरू हुनेछ। यसअघि नेपाली ...
। नेपाल प्रिमियर लिग (एनपीएल) क्रिकेट २०२५ का लागि साविक विजेता जनकपुर बोल्ट्सले रिटेन गरिएका खेलाडीहरूको सूची सार्वजनिक गरेको छ । जनकपुरले बिहीबार मार्की खेलाडी आसिफ शेखसहित ७ खेलाडीलाई रिटेन गरेको छ । रिटेन गरिएका खेलाडीहरूमा अघिल्लो सिजनका कप्तान अनिल साह, शुभ कंसाकार, किशोर महतो, ललित राजवंशी, तुलबहादुर थापामगर र रुपेश सिंह छन् । गत सिजन रुपेश ...