। विश्वप्रसिद्ध गायिका एडेलले अहिले भैरहेको सांगीतिक टूरपछि आफूले ‘सांगीतिक विश्राम’ लिने खुलासा गरेकी छन् । ‘मेरो ट्यांकी यो समय रित्तो छ’ जर्मनीको म्युनिखमा जेडडीएफ मिडियासँग उनले भनिन्, ‘मसँग यो समय नयाँ संगीतको लागि कुनै योजना छैन ।’
उनले भनिन्, ‘म यो सबैपछि ठूलो ब्रेक चाहन्छु र मलाई लाग्छ कि म केहि समयको लागि अन्य रचनात्मक चीजहरू गर्न चाहन्छु । यतिसम्मकी म घरमा समेत गीत गाउँदिन । यो कति अचम्मको कुरा हो ?’
पपस्टारको पछिल्लो एल्बम सन् २०२१ मा रिलिज भएको थियो । उनले पछिल्ला दुई वर्ष अमेरिकाको लस–भेगासमा बिताएकी थिइन् । उनले हालै ४ हजार सिट क्षमताको सिजर प्यालेसमा ९० औं शो पुरा गरिन् ।
उनको शो नोभेम्बरमा सकिनेछ । उनले यो दौरान आफू भावनात्मक रुपमा खस्किएको अनुभव गरिन् । ‘हुन त दर्शकको यो भीड व्यवस्थित गर्न सकिने आकारकै हो । वास्तवमै यसमा भावनात्मक आदानप्रदान पनि भएको छ’ उनले भनिन् ।
‘म पक्का छु कि म्युनिखमा शो पछि हरेक रात त्योे कुरालाई अझ बढी महसुस गर्नेछु । तर यो एक सकारात्मक कुरा हो । यो केवल ऊर्जाको यस्तो आदानप्रदान हो ।’
तर, प्रत्येक भेगास कन्सर्टहरु योजनाअनुसार भएका छैनन् ।
उनको म्युनिखको शो लस–भेगास रेसिडेन्सीभन्दा पूर्णतः भिन्न हुनेछ । यो शोमा उनलाई ७४ हजार दर्शकले हेर्ने अपेक्षा गरिएको छ । ३६ वर्षिया बेलायती गायिका एडेलले १६ पटक ग्रामी अवार्ड जितेकी छन् ।
