मुख्य समाचार
सरकारले नै संसदीय गरिमा र मर्यादा भंग गर्ने काम गर्‍यो : नेपाली कांग्रेस
सरकारले नै संसदीय गरिमा र मर्यादा भंग गर्ने काम गर्‍यो : नेपाली कांग्रेस

: नेपाली कांग्रेसले वर्तमान सरकारले संसदीय गरिमा र मर्यादा जोगाउन नसकेको भन्दै सरकारको कामप्रति खेद प्रकट गरेको छ। शुक्रबार प्रतिनिधिसभा बैठकमा विशेष समय माग गर्दै प्रमुख प्रतिपक्षी दल नेपाली कांग्रेसका सांसद रमेश लेखकले सरकारले नै संसदीय गरिमा र मर्यादा भंग गरेको आरोप लगाए।


उनले भारत भ्रमणमा गएका प्रधानमन्त्री पुष्पकमल दाहाल 'प्रचण्ड'ले आफ्नो भ्रमणबारे सदनमा जानकारी नगराएको भन्दै आपत्ती जनाए। देशको कार्यकारी प्रमुख विदेश भ्रमणमा जाँदा संसद अनविज्ञ हुनुपर्ने स्थिति आउनु लाजमर्दो भएको तर्क गरे।

'मित्रराष्ट्र भारतमा लोकसभाको निर्वाचन सम्पन्न भएको छ। लोकसभाको निर्वाच सम्पन्न भएलगत्तै महामहिम नरेन्द्र मोदी भारतको प्रधानमन्त्री बन्नु भएको छ। हाम्रो पार्टीका सभापति शेरबहादर देउवाजीले महामहिम मोदीजीलाई बधाइ दिनु भएको छ। कार्याकालको पूर्ण सफलताको कामना गर्नु भएको छ। अरु तमाम पार्टीका नेताहरूले बधाइ दिनु भएको छ। कार्यकालको सफलताको कामना गर्नु भएको छ। यसै सन्दर्भमा प्रधानमन्त्री पुष्पकमल दाहाल 'प्रचण्ड'ज्यू भारत भ्रमणमा जानुभयो। भारतको लोकसभाको राम्रोसँग सम्पन्न भएको निर्वाचन सम्मान व्यक्त गर्न र मोदीजीलाई शुभकामना दिन जानु भयो। उहाँले राम्रो काम गर्नुभयो। यसका लागि कांग्रेस हार्किद धन्यवाद दिन चाहन्छ,'उनले भने,' यो सबै कुरा गर्दा प्रधानमन्त्रीज्यूले संघीय संसदलाई बिर्सनु भयो। हाम्रो परम्परा छ। संसदीय अध्यास छ। देशको कार्यकारी प्रमुख प्रधानमन्त्री कुनै पनि मित्र राष्ट्रको भ्रमणमा जाँदा भ्रमणमा जानुभन्दा अघि उहाँको कार्यक्रमबारे जानकारी गराउने वाध्यात्मक रुपमा स्थापित भएको अभ्यास छ। आजभन्दा १ हप्ता पहिला जानु भएको हो। फर्फेर आउनु भएको पाँच दिन भइसक्यो। कांग्रेस धैर्यतापूर्वक कुरेर बसेका छ। प्रधानमन्त्री संसदमा उभिएर भारत भ्रमणका बारेमा जानकारी दिनुहोला भनेर । तर, उहाँ पाँच दिनसम्म यहाँ आउनसक्नु भएन।'




कांग्रेस प्रमुख सचेतक लेखकले राष्ट्रपति रामचन्द्रको विदेश भ्रमणबारे पनि संसद्अ नविज्ञ भएको बताए। उनले भने,'आजभन्दा केहीदिन पहिला राष्ट्रपति रामचन्द्र पौडेल मुलुक बाहिर जानुभयो। मलाई अचम्म लागेको छ, कार्यकारी प्रमुख प्रधानमन्त्री बाहिर जानुहुन्छ,राष्ट्रपति बाहिर जानु भएको । उहाँहरू मुलुक बाहिर गएको कुरा अखबर पढेर थाहा पाउनु परेको छ। म सरकारलाई स्मरण गराउन चाहन्छु। सरकारका कारणले संसदको न्यूनतम गरिमा र मर्यादा कायम हुन सकेको छैन। यसप्रति खेद प्रकट गर्न चाहन्छौं। ' उनले कांग्रेसले उठाएका विषयमा सरकारका तर्फबाट जानकारी गराउनका लागि रुलिङ गर्न माग गरे।

नेता लेखकले केही दिनयता प्रधानमन्त्री सदनमा नदेखेको भन्दै प्रधानमन्त्री अनुउपस्थितबार‍े सभामुखमार्फत जानकारी मागे।

संसदमा उपप्रधानमन्त्री एवं गृहमन्त्री रवि लामिछानेले प्रतिपक्षीका सांसदमाथि दिएको अभिव्यक्तिको जवाफ प्रधानमन्त्रीले दिन नचाहेको बताए। उनले त्यसको जवाफ दिनुपर्छ भनेर प्रधानमन्त्री सदनबाट भाग्न खोजेको हो कि भन्ने आफूलाई लागेको बताए।

'प्रधानमन्त्रीज्यू सदनमा देखिनु भएको छैन। केही कारणले नआउनु भएको हो। केही समयअघि उपप्रधानमन्त्री एवं गृहमन्त्री रवि लामिछानेज्यूले संसदमै रहेका केही नेताहरुमाथि अत्यन्त लाञ्छनापूर्णले अभिव्यक्ति दिनुभयो। सो अभिव्यक्तिको जवाफ दिन हामीले प्रधानमन्त्रीसँग माग गरेका छौं। हामीले माग गरेका कुराको जवाफ दिन प्रधानमन्त्री तयारीमा जुट्नु भएको हो,'उनले भने,' त्यसको जवाफ दिनबाट डराएर भाग्नु भएको हो कि। सभामुखमार्फत् सरकारको विशेष ध्यानाकर्षण गराउन चाहन्छु।'

प्रतिक्रिया दिनुहोस्
अन्य समाचारहरु
। न्यूरोडको फुटपाथ विस्तारको विवाद टुंगिएको छ । यो सहमतिअनुसार वडा नम्बर २४ को फुटपाथ विस्तार सम्पन्न गरिनेछ भने अरुतिर मंसिरसम्म रोकिने छ । मेयर, उपमेयर, प्रशासकीय प्रमुख र वडाध्यक्षहरूबीच सोमबार भएको वार्तामा वडा नम्बर २४ मा भएको फुटपाथ विस्तारलाई सम्पन्न गर्ने र यसले आर्थिक, समाजिक सांस्कृतिक र आवतजावतमा पार्ने प्रभावबारे अध्ययन गर्ने सहमति भएको छ ...
। नेकपा माओवादी केन्द्रका उपमहासचिव जनार्दन शर्माले रुकुमपश्चिममा दुई हजार ६ सय ९० घर अत्यन्त जोखिममा परेको बताएका छन् । सोमबार प्रतिनिधि सभामा आकस्मिक समय लिएर बोल्दै उनले यस वर्षको मनसुनले ४८ परिवार विस्थापत भइसकेको बताए । दुई हजार ६ सय ९० घर अत्यन्त जोखिममा परेको र स्थानान्ततरण गर्नुपर्ने अवस्थामा रहेको भन्दै सरकारको ध्यानाकर्षण गरे । उनका ...
। प्युठानमा गत आथिक वर्षमा ५३ वटा घरेलु हिंसाका मुद्दा दर्ता भएको जिल्ला प्रहरी कार्यालय, प्युठानले जनाएको छ । प्रहरीमा दर्ता भएका सबै मुद्दा दुवै पक्षबीच मिलापत्र गराई सल्टाइसकेको प्रमुख प्रहरी नायव उपरीक्षक ईश्वर थापाले जानकारी दिए । प्युठान प्रहरीले आफ्नो वार्षिक कार्य प्रगति विवरण प्रस्तुत गर्दै समुदाय–प्रहरी साझेदारी कार्यक्रमले पीडितहरुलाई प्रहरीमा आउन सहज वातावरण बनेको ...
। विद्युत् नियमन आयोगले डेडिकेटेड र ट्रंक लाइन विवादमा काटिएको ६ वटा उद्योगको लाइन जोडिदिन निर्देशन दिए पनि विद्युत् प्राधिकरणले लत्याएको छ । सोमबार बसेको प्राधिकरण सञ्चालक समिति बैठकमा कार्यकारी निर्देशक कुलमान घिसिङले नै आयोगले दिएको निर्देशन कार्यान्वयन गर्ने निर्णयमा असहमति जनाएको एक बोर्ड सदस्यले अनलाइनखबरलाई बताए । ‘यस विषयमा वृहत छलफल भए पनि निष्कर्ष निस्कन सकेन’ ...
। उपप्रधानमन्त्री एवं शहरी विकासमन्त्री प्रकाशमान सिंहले जनताको चाहना र देशको आवश्यक्ताअनुसार संविधान संशोधन हुनसक्ने बताएका छन् । सहिद स्मृति प्रतिष्ठानले सोमबार गरेको एक कार्यक्रममा मन्त्री सिंहले प्रक्रिया पूरा गरेर संविधान संशोधन गर्न सकिने बताएका हुन् । ‘यो संविधानको विशेषता नै प्रक्रिया पूरा गरेर संविधानमा जनताको माग र समयको आवश्यकता अनुसार संशोधन गर्न सकिने प्रावधान हो । ...