। यो साता ओटीटी प्लाटफर्ममा चर्चित फिल्म र सिरिज रिलिज हुँदैछन् । यसपटक धेरै हिट शो ओटीटीमा फर्किएका छन् भने हलमा कमजोर व्यापार गरेका फिल्म पनि दोस्रो मौका खोज्दै ओटीटीमा आएका छन् ।

यी हुन् यो साता आउन लागेका केही फिल्म र सिरिज




हाउस अफ द ड्रागन सिजन २

एचबीओको सुपरहिट काल्पनिक नाटक ‘गेम अफ थ्रोन्स’को प्रिक्वेल सन् २०२२ मा रिलिज हुँदा मूल फिल्मभन्दा पनि राम्रोसँग डब गरिएको थियो । ‘हाउस अफ द ड्रागन’को दोस्रो सिजन जुन १६ मा जियो सिनेमामा रिलिज हुनेछ । पछिल्लो सिजनमा षड्यन्त्र र बदलाका धेरै कुरा हेर्न पाइनेछ भने ड्रायगन फायर पनि प्रशस्तै समेटिएको छ ।




लेखक मार्टिनको आइस एन्ड फायर गीतबारेको पुस्तक ‘फायर एन्ड ब्लड’मा आधारित यो सिरिजले काल्पनिक महाद्वीप वेस्टेरोसमा टार्गेरियन राजवंशलाई पछ्याउँछ । यो गेम अफ थ्रोन्सको घटना हुनुभन्दा झण्डै २०० वर्षअघि र टार्गेरेन्सले सात राज्यलाई एकताबद्ध गरेको करिब १०० वर्षपछि भएको हो ।

महाराज

जुनैद खानले यो सिरिजमा जयदीप अहलावतसँगै डेब्यु गरेका छन् । यो सिरिजले सन् १८६२ को महाराज लिबेल केसमा सामाजिक मान्यता र शक्तिशाली व्यक्तित्वलाई चुनौती दिने पत्रकार करसनदास मुलजीको बारेमा कथा भन्छ । बलिउड अभिनेता आमिर खानका छोरा जुनैदले यो सिरिजबाट अभिनयमा डेब्यु गरेका हुन् । यो सिरिज जुन १४ मा नेटफ्लिक्समा रिलिज हुनेछ ।

ब्रिजरटन सिजन ३ (भाग २)

ब्जरटन सिजन ३ को भाग १ नेटफ्लिक्समा रिलिज भएको एक वर्षपछि भाग २ आउन लागेको हो । भाग १ दुई मुख्य पात्र पेनेलोप र कोलिनको सम्बन्धको वरपर घुमेको थियो । उनीहरुले मित्रतालाई तोडेर अघि बढेका थिए । भाग दुई पनि समग्रमा यी जटिलताबीच घुम्नेछ । यो सिजन झनै रोचक र कौतुहल हुने अपेक्षा छ । यो सिरिज नेटफ्लिक्समा स्ट्रिमिङ भइरहेको छ ।

द ब्वायज सिजन ४

व्यंग्यात्मक सुपरहिरो श्रृंखला ‘द ब्वाइज’ले बिहीबार प्राइम भिडियोमा सिजन चारको पहिलो तीन एपिसोड सार्वजनिक गरेको छ । फर्किने कास्ट सदस्यहरूमा कार्ल अर्बन, ज्याक क्वाइड, एन्टोनी स्टार, जेसी टी. अशर, एरिन मोरियार्टी र चेस क्रफोर्ड समावेश छन् । यो सिरिज प्राइम भिडियोमा स्ट्रिमिङ भइरहेको छ ।

लभकी एरेन्ज म्यारिज

सन्नी सिंह र अवनीत कौरले अभिनय गरेको रोमान्टिक कमेडी, जहाँ व्यवस्थित विवाहको समारोहले अप्रत्यासित रोमान्स र पारिवारिक जटिलता निम्त्याउँछ । यो फिल्ममा अन्नु कपुर र सुप्रिया पाठकले माया खोज्ने आमाबाबुको रूपमा मुख्य भूमिका निर्वाह गरेका छन् । यो फिल्म जुन १४ मा जी फाइभमा रिलिज भएको छ ।

गान्थ

दिल्लीमा सेट गरिएको ‘गान्थ’ एक मनमोहक क्राइम-ड्रामा हो, जसले अफिसर गदर सिंहको नेतृत्वमा सामूहिक आत्महत्या प्रकरणको अनुसन्धानलाई पछ्याउँछ । यसका लागि कुशल मनोचिकित्सक इन्टर्न साक्षी मुर्मुसँग सहकार्य पनि गर्छ । के यी दुईले उक्त प्रकरण हल गर्न सक्षम हुनेछन् ? सिरिजमा मानव विज, मोनिका पनवार, सलोनी बत्रा, गोपाल दत्त लगायतका कलाकारको अभिनय छ । यो फिल्म जियो सिनेमामा जुन १२ मा रिलिज हुनेछ ।