: अर्थमन्त्री वर्षमान पुनले नेपाली उत्पादन र लगानी प्रवर्द्धन गर्न आलु,प्याज र स्याउमा लागेको अभिवृद्धि कर खारेज गरेको बताएका छन्। बुधबार अर्थमन्त्रालयमा पत्रकार सम्मेलनमा बोल्दै अर्थमन्त्री पुनले आन्तरिक उत्पादनलाई प्रवर्द्धन गर्न आलु प्याज स्याउलगायत तरकारी एवं फलफूलमा लागेको अभिवृद्धि कर खारेज गरेको जानकारी गराएका हुन्।
'आलु, प्याज र स्याउमा गत वर्ष भ्याट लगाउँदा धेरै विरोध भएको थियो। हाम्रो आन्तरिक उत्पादनमाथि संरक्षण गरेन। प्रतिस्पर्धी हुन सक्दैन। हामी खरिद गरेर अथवा आयातित गरेरै खान भयौं भन्ने खालको आरोप थियो,' उनले भने,'यसपटक हटायौं। यसको राम्रो म्यासेज देखेका छौं।'
यसबाट स्वदेशी उत्पादनमा टेवा पुग्ने उनको भनाइ छ। आगामी आर्थिक वर्ष २०८१/०८२ को बजेटमा स्याउ र तरकारीमा भ्याट छुट गरेको छ। मन्त्री पुनले मदिरा,बियर ,सू्र्ती र चुरोटमा अन्तशुल्क कर बढाएको र औषधि, इन्डक्सन, काजु, बदाममा भने छुट सहुलियत दिएको बताए।
