मुख्य समाचार
युक्रेनमा ५० हजारभन्दा बढी रुसी सैनिक मारिएको पुष्टि : बीबीसी
युक्रेनमा ५० हजारभन्दा बढी रुसी सैनिक मारिएको पुष्टि : बीबीसी

— युक्रेनमा ५० हजारभन्दा बढी रुसी सैनिक मारिएको पुष्टि भएको बीबीसीले दाबी गरेको छ । बीबीसी रुसी सेवा र रुसी स्वतन्त्र सञ्चारमाध्यम मिडियाजोना र केही स्वयंसेवकहरूको तथ्यांक संकलन र विश्लेषणबाट उक्त संख्यामा रुसी सेनाको मृत्यु पुष्टि भएको दाबी गरिएको हो ।


बीबीसीका अनुसार फेब्रुअरी २०२२ देखि तथ्यांक संकलनको काम भइरहेको थियो । युद्ध सुरु भएदेखि नै बीबीसी र मिडियाजोनका लागि काम गर्ने स्वयंसेवकले ७० वटा चिहानघरमा खनिने नयाँ चिहानको संख्या गनिरहेका थिए ।



रुस-युक्रेन युद्धको पहिलो वर्षभन्दा दोस्रो वर्षमा धेरै रुसी सेना मारिएको पनि समाचारमा उल्लेख छ । चिहानघरहरूमा थपिएका नयाँ चिहानहरूबाट पनि धेरै सैनिकहरूको नाम पत्ता लगाउन सफल भएको बीबीसीको दाबी छ । बीबीसीले लेखेको छ, 'हाम्रो टिमले युद्धमा मारिने सैनिकको संख्या पत्ता लगाउन आधिकारिक रिपोर्ट, स्वतन्त्र रूपमा उपलब्ध सूचना, समाचारपत्र र समाजिक सञ्जालमा उपलब्ध सूचना अध्ययन गरेको थियो ।'

दोस्रो वर्षमा अघिल्लो वर्षमा भन्दा २५ प्रतिशत बढी रुसी सैनिक मारिएको भन्दै बीबीसीले लेखेको छ, 'हाम्रो खोजबाट युक्रेनमा युद्धको दोस्रो वर्षमा २७ हजार ३ सय रुसी सैनिकले ज्यान गुमाएको पुष्टि भएको छ । यसबाट पनि यो थाहा हुन्छ कि रुसले भौगोलिक फाइदाका लागि कति ठूलो मानवीय क्षति बेहोरिरहेको छ ।'

बीबीसीले रुसले पनि यसबारे प्रतिक्रिया दिन नचाहेको जनाएको छ । रुसले २०२२ को सेप्टेम्बरमा सार्वजनिक गरेको भन्दा ८ गुणा बढी सैनिक मारिएको पनि बीबीसीको दाबी छ । रुस-युक्रेन युद्धमा मारिने रुसी सैनिकको संख्या अझ धेरै हुनसक्ने पनि बीबीसीले जनाएको छ । बीबीसीले रुसी कब्जामा रहेको दोनेत्स्क र लुहान्स्कमा मारिएका सैनिक संख्या गणना नभएको बताएको छ ।

युक्रेनतर्फ पनि ठूलो मानवीय क्षति भए पनि आधिकारिक रूपमा भने तथ्यांक अद्यावधिक गरिँदैन । पछिल्लो समय युक्रेनी राष्ट्रपति भ्लोदोमिर जेलेन्स्कीले ३१ हजार युक्रेनी सेना युद्धभूमिमा मारिएको बताएका थिए । तर अमेरिकी गुप्तचर निकायहरूले भने उक्त संख्या धेरै ठूलो हुन सक्ने जनाएका छन् ।

बीबीसीले युद्धभूमिमा कैदीहरूलाई सिधै पठाइएको पनि बताएको छ । रुसको निजी अर्धसैनिक समूह ‘द वाग्नर ग्रुप’का प्रमुख येभगेनी प्रिगोजिनलाई जुन, २०२२ मा रुसी सरकारले जेलका कैदीहरूलाई भर्ना गर्न अनुमति दिएको थियो । करिब १५ दिनको सामान्य तालिमपछि उनीहरूलाई सिधै रणभूमिमा पठाइएको थियो । उनीहरू रुसी सरकारको तर्फबाट भाडाका सैनिकका रूपमा युक्रेनविरुद्ध युद्ध लडिरहेका छन् ।

रुसी सरकारले थुप्रै नेपाली युवाहरूलाई पनि भाडाका सैनिकका रूपमा भर्ती गरेको छ । रुसी सेनामा गैरकानुनी रूपमा भर्ती भएर युक्रेनसँगको युद्धमा मारिने नेपालीको संख्या ३२ पुगिसकेको छ । रुसी सेनामा कति संख्यामा नेपाली भर्ती भएका छन् भन्ने सरकारसँग पनि तथ्यांक छैन ।

वाग्नर समूह कठोर अनुशासनसहित लडाइँ लड्ने लडाकु समूहका रूपमा परिचित छ । वाग्नर समूहले गत फेब्रुअरीसम्म जेलका कैदीबन्दीलाई भर्ती गरिरहेको थियो । तर रुसी सरकारसँग सम्बन्ध बिग्रिएपछि भने रुसी रक्षा मन्त्रालयले वाग्नर समूहबाट सेनामा भर्ती रोकेको थियो । वाग्नर समूहले गत वर्षको जुन महिनामा रुसी सेनाविरुद्ध विद्रोहसमेत गरेको तियो । गत अगस्ट महिनामा विमान दुर्घटनामा वाग्नर प्रमुख प्रिगोजिन मारिएका थिए ।

वाग्नर समूहसँग काम गर्दा कैदीहरूसँग सामान्तया ६ महिनाका लागि सम्झौता गरिने पनि बीबीसीले जनाएको छ । उक्त समयावधिको लडाइँमा बाँचे भने उनीहरूलाई स्वतन्त्र छाडिन्थ्यो । तर गत सेप्टेम्बरमा रुसी रक्षा मन्त्रालयले कैदीहरूले कि नमरुन्जेलसम्म वा युद्ध समाप्त नहुँदासम्म लड्नुपर्ने आदेश दियो । यी दुई विकल्पमध्ये जुनसुकै पहिले आउन सक्छ । तत्काल युद्ध रोकिनेवाला पनि देखिँदैन । पछिल्लो समय रुसी सेनामा भर्ती भएका कैदीबन्दीले परिवारजनलाई सुरक्षित सैन्य पोशाक र बुटहरू किन्न लगाएको पनि बीबीसीले सूचना प्राप्त गरेको जनाएको छ । रुस र युक्रेनबीच युद्ध चलेको २ वर्ष १ महिना नाघिसकेको छ ।

प्रतिक्रिया दिनुहोस्
अन्य समाचारहरु
। अमेरिकाको टेक्सासमा बाढीका कारण मृत्यु हुनेको संख्या २४ पुगेको छ । शुक्रबार बिहानदेखि आएको विनासकारी बाढीमा २४ जनाको मृत्यु भएको र यो संख्या बढ्न सक्ने सीएनएनले उल्लेख गरेको छ । बाढीका कारण टेक्सासका कयौं क्षेत्रमा आपतकाल घोषणा गरिएको छ भने सडक सञ्जाल र टेलिफोन नेटवर्क बिच्छेद्‌ भएको छ । टेक्सासको ग्वाडालुपे नदी आसपासका क्षेत्रमा शुक्रबार विहानदेखिको ...
। युक्रेन युद्ध अन्त्यका लागि रुसी नेता भ्लादिमिर पुटिनसँग भएको फोनवार्तामा कुनै प्रगतिको महसुस आफूले नगरेको अमेरिकी राष्ट्रपति डोनाल्ड ट्रम्पले बताएका छन् । वासिङ्टनले किएभमा केही हतियार ढुवानी रोकेपछि युक्रेनमा तीन वर्षभन्दा लामो समयदेखि जारी द्वन्द्व अन्त्यका लागि अमेरिकी नेतृत्वको शान्ति वार्ता रोकिएको ट्रम्पको गम्भीर आँकलन आएको हो । ‘हामी (पुटिन र अमेरिकी राष्ट्रपति ट्रम्प) ले धेरै ...
। दक्षिणपूर्वी राज्यमा भइरहेको आप्रवासन प्रवर्तन छापाहरूका लागि प्रशासनिक र सामग्रीगत सहयोग प्रदान गर्न बिहीबार करिब दुई सय मरिनलाई फ्लोरिडामा परिचालन गरिएको छ । यो परिचालन अमेरिकी गृह सुरक्षा विभागले आफ्नो अध्यागमन तथा भन्सार प्रवर्तन (आइसीई) एजेन्सीलाई राष्ट्रपति डोनाल्ड ट्रम्पको आप्रवासी दमन कार्यमा सहयोग गर्न अनुरोध गरेको पहिलो चरण हो । यो ट्रम्पको दोस्रो कार्यकालको मुख्य ...
। रूस अफगानिस्तानमा तालिबान शासनलाई औपचारिक रूपमा मान्यता दिने पहिलो देश बनेको छ। बीबीसीका अनुसार अफगानिस्तानका विदेशमन्त्री आमिर खान मुत्ताकीले यसलाई ‘साहसिक निर्णय’ भनेका छन्। बिहीबार काबुलमा अफगानिस्तानस्थित रूसी राजदूत दिमित्री जिरनोभसँगको भेटमा मुत्ताकीलाई रूस सरकारले अफगानिस्तानको इस्लामी अमीरात अर्थात् इस्लामको कानुनी शासनमा आधारित राज्यलाई मान्यता दिने निर्णयको औपचारिक जानकारी दिएको हो। मुत्ताकीले यो कदमलाई ‘सकारात्मक सम्बन्ध, आपसी ...
। शुक्रबार इरानले इजरायलसँगको युद्धका कारण जुन १३ मा बन्द गरिएको आफ्नो हवाई क्षेत्र पुनः खोलेको घोषणा गरेको सरकारी मिडियाले जनाएको छ । ‘मेहराबाद र इमाम खोमेनी विमानस्थलहरूका साथै देशको उत्तर, पूर्व, पश्चिम र दक्षिणका विमानस्थलहरू पुनः सञ्चालनमा ल्याइएको छ र उडान सेवाहरू प्रदान गर्न तयार छ’, आधिकारिक इरना समाचार एजेन्सीले भनेको छ । इस्फहान र तब्रिज ...