। एकजना महिलाले २२ दिनको फरकमा जुम्ल्याहा बच्चा जन्माएकी छिन् । ती दुई बच्चाको जन्म पनि दुई फरक अस्पतालमा भएको छ।
डाक्टरहरुलाई समेत अचम्ममा पारेको यो घटना बेलायतमा भएको हो । कायले डायल नामकी महिलाले ती जुम्ल्याहालाई जन्म दिएकी हुन् । उनले भनेकी छिन् : अहिलेसम्म मैले बेलायतमा एउटा पनि यस्ती महिला भेटेकी छैन जो २२ दिनसम्म लड्न सकून् ।
मेट्रो डट को डट युकेका अनुसार सन् २०२० मा डायल गर्भवती भएकी थिइन् । उनी पूर्णरुपमा स्वस्थ थिइन् । तर त्यसपछि उनमा स्वास्थ्य समस्या देखियो । तत् पश्चात् उनले एक अस्पतालमा पहिलो बच्चा जन्माइन् सामान्य प्रसूतिबाट । त्यसबेला डाक्टरहरुले उनको पेटमा रहेको दोश्रो बच्चा बाँच्ने सम्भावना निकै कम रहेको बताएका थिए ।
उनले केही घण्टामै अर्को बच्चालाई जन्म दिने बताइएको थियो । तर उनको स्वास्थ्यमा सुधार आयो । त्यसैले २२ दिनपछि मात्रै एक अर्को अस्पतालमा शल्यक्रियाबाट दोश्रो बच्चा जन्माइन् । ती जुम्ल्याहा बीचको जन्मदिनको अन्तरलाई लिएर डाक्टरहरु पनि तिनछक परे ।
डायल भन्छिन्, ‘आफ्नो पहिलो बच्चालाई जन्म दिएपछि डाक्टरहरुले मलाई तपाइँ घर जानसक्नुहुन्छ भन्दा म अचम्ममा परेँ । आजसम्म मैले बेलायतमा यस्तो कुनै महिला भेटेकी छैन जो २२ दिनको अन्तरालई झेल्न पाए । मलाई एउटा फरक अस्पतालमा अर्कै डाक्टरकोमा पठाइयो ।
दुई बच्चाको जन्मको बीचको समयमा मेरो दैनिक स्वास्थ्य जाँच भैरहन्थ्यो । ती हरेक दिनहरु इसरी बितिरहेका थिए कि मलाई वास्तवमा ती क्षणहरु सपना जस्तै लाग्दथे । जब दोश्रो बच्चा एस्ट्रो जन्मियो तब मलाई विश्वास नै भैरहेको थिएन कि ऊ त्यति लामो समयसम्म कसरी जिवित रहन सक्यो ।’
अहिले दोश्रो बच्चा २ वर्षको भैसकेको छ । उसको मुटुमा प्वाल छ र आँखामा पनि समस्या छ । तर दुःखको कुरा, दोश्रो बच्चा जन्मिएको दुई हप्तापछि पहिलो बच्चा आर्लोको मृत्यु भएको थियो । एजेन्सीको सहयोगमा
