— भिनिसियस जुनियरको दुई गोलको मद्दतले स्पेनी ला लिगामा रियल म्याड्रिडले शनिबार ओसासुनालाई ४–२ ले हराएको छ । यो जितपछि कार्लो एन्सेलोटीको टिमले शीर्षमा १० अंकको अग्रता खोलेको छ ।
रियलको उपाधि यात्रा सजिलो देखिएको छ । अर्को खेलमा दास्रो स्थानको जिरोना गेटाफेसँग १–० ले पराजित भएपछि रियललाई अझ फाइदा पुगेको हो । रियलको ७२ अंक छ भने जिरोना ६२ अंकमै सीमित रह्यो ।
शनिबारका अन्य खेलमा एथलेटिको बिलबाओले एलाभेसलाई २–० र रियल मार्लोकाले ग्रेनेडालाई १–० ले पराजित गर्यो ।
