मुख्य समाचार
एडम स्यान्डलर बने सर्वाधिक कमाउने हलिउड अभिनेता, यस्तो छ शीर्ष १० को सूची
एडम स्यान्डलर बने सर्वाधिक कमाउने हलिउड अभिनेता, यस्तो छ शीर्ष १० को सूची

। एडम स्यान्डलर हलिउडमा सबैभन्दा धेरै कमाउने अभिनेता घोषित भएका छन् । फोर्ब्स म्यागजिनले सार्वजनिक गरेको नयाँ सूचीमा उनी शीर्षस्थानमा छन् ।

नेटफ्लिक्सको रोमान्टिक-कमेडी-थ्रिलर सिरिज ‘मर्डर मिस्ट्री २’ ले उनलाई यो उपलब्धिका लागि मद्दत गरेको हो । फोर्ब्सका अनुसार उक्त सिरिजबाहेक अन्य तीन फिल्ममा समेत गरेर उनले सन् २०२३ मा ७३ मिलियन डलर कमाइ गरे ।


‘बार्बी’ स्टार मार्गोट रोबी सूचीको दोस्रो स्थानमा छिन् । ३३ वर्षीया अभिनेत्रीले गतवर्ष ५९ मिलियन डलर कमाइ गरेको उल्लेख छ । धेरै कमाउने उत्कृष्ट १० को सूचीमा अभिनेत्री रोबी सबैभन्दा कम उमेरकी हुन् ।

गत वर्ष रोबीले निर्माण गरेको फिल्म ‘बार्बी’ विश्व बक्स अफिसमा ब्लकबस्टर घोषित भएको थियो । यसले उनको लोकप्रियता र आम्दानीमा उछाल ल्यायो ।

फोर्ब्सको उक्त सूचीमा अभिनेता टम क्रुज तेस्रो, रोबीका ‘बार्बी’ सहकलाकार रायन गोस्लिङ र अभिनेता म्याट डेमोन संयुक्त रुपमा चौथो र स्यान्डलरको मर्डर मिस्ट्रिकी सहकलाकार जेनिफर एनिस्टन छैटौंमा छन् । उक्त सिरिजमा स्यान्डलर र जेनिफरले जासूस पति पत्नीको भूमिका निर्वाह गरेका छन् ।

‘मर्डर मिस्ट्री २’ गत वर्ष नेटफ्लिक्समा धेरै हेरिन पाँचौं सिरिज बनेको थियो, जसलाई १७३ मिलियन घण्टा हेरिएको थियो ।

यस्तो छ सूची


१. एडम स्यान्डलर – ७३ मिलियन डलर

२. मार्गोट रोबी – ५९ मिलियन डलर

३. टम क्रुज – ४५ मिलियन डलर

४. रायन गसलिङ – ४३ मिलियन डलर

५. म्याट डेमोन – ४३ मिलियन डलर

६. जेनिफर एनिस्टन – ४२ मिलियन डलर

७. लियोनार्दो डिकाप्रियो – ४१ मिलियन डलर

८. जेसन स्थाथम – ४१ मिलियन डलर

९. बेन एफलेक – ३८ मिलियन डलर

१०. डेन्जल वासिङ्टन – २४ मिलियन डलर

प्रतिक्रिया दिनुहोस्
अन्य समाचारहरु
। कलाकार प्रकाश सपुतले यहाँस्थित नेपाली राजदूत शंकर शर्मा र दूतावासका सांस्कृतिक विभाग हेर्ने अधिकारी गोकुल बस्नेतसँग भेट गरेका छन् । राजदूत शर्मासँगको भेटमा सपुतले नेपाली फिल्मलाई स्वदेशसँगै भारतमा पनि एकसाथ प्रदर्शनमा ल्याउने व्यवस्थामा सहजीकरण गर्न आग्रह गरेका थिए । ‘भारतमा नेपालीको संख्या ठूलो छ, यहाँ आएर कार्यक्रम गर्दा हजारौं नेपाली दर्शकको अपार सहभागिता र माया पाएँ, ...
। विश्वकै सबैभन्दा जेठो मानिने प्रसिद्ध भेनिस फिल्म फेस्टिभलको ८२ औं संस्करण सुरु भएको छ । महोत्सव दुई सातासम्म चल्नेछ । महोत्सवको ओपनिङ फिल्मको रुपमा इटालीका पाओलो सोरेन्टिनोद्वारा निर्देशित ‘ला ग्राजिया’ थियो जसले उत्साहजनक प्रशंसा पायो । टोनी सर्भिल्लो अभिनित यो फिल्मले इच्छामृत्यु र विवादास्पद माफीसहित नैतिक र राजनीतिकरुपमा दुविधाग्रस्त विचार व्यक्त गर्ने इटालियन राष्ट्रपतिको कथा ...
। अन्तरिक्षमा छायांकन गरिएको चिनियाँ फिल्म ‘विन्डो टु द ब्लू प्लानेट’को ट्रेलर सार्वजनिक भएको छ । (ट्रेलर हेर्न यो लिंकमा क्लिक गर्नूस ) यो फिल्म सेप्टेम्बर ५, २०२५ मा चीनमा प्रदर्शनमा आउँदैछ । यो फिल्मलाई एट्के- रिजोलुसनमा खिचिएको चीनको पहिलो लाइभ एक्सन फिल्म बताइएको छ । ६ महिनासम्म पृथ्वीको कक्षमा रहेको शेन्झाउ–१३ मिसनको कथामा आधारित यस फिल्ममा ...
। गोल्डेन ग्लोब अवार्ड विजेता हलिउड अभिनेता टेरेन्स स्ट्याम्पको ८७ वर्षको उमेरमा आइतबार निधन भएको छ । टेरेन्स ‘सुपरम्यान’ फ्रान्चाइजीको खलपात्र जनरल डजको भूमिकामा परिचित छन् । यसबाहेक, उनी द हन्टेड मेन्सन र मर्डर मिस्ट्रीजस्ता लोकप्रिय फिल्ममा देखा परे । स्ट्याम्पको परिवारले मृत्युको बारेमा आधिकारिक नोट जारी गरेको छ । त्यसमा लेखिएको छ, ‘टेरेन्स स्ट्याम्प एक अभिनेता ...
— सुपरस्टार म्याडोनाले पोप लियो चौधौंलाई तत्काल गाजाको यात्रा गर्न र त्यहाँका बालबालिकाको जीवनरक्षा गर्न आग्रह गरेकी छन् । सोमबार सामाजिक सञ्जालमा अपिल पोस्ट गर्दै उनले पोपलाई त्यस्तो आग्रह गरेकी हुन् । छोरा रोक्कोको जन्मदिनले उनलाई त्यो पोस्ट गर्न प्रेरित गरेको समेत म्याडोनाले उल्लेख गरेकी छन् । रोक्को सोमबार २५ वर्षका लागेका छन् । ‘परम आदरणीय फादर, कृपया गाजामा जानुहोस् ...