— इन्टर मिलानले इटालीको सिरी ए को शीर्षमा आफ्नो अग्रतालाई शनिबार १८ अंक पुर्याएको छ । यसका लागि उसले बोलोग्नामाथि १–० को जित निकाल्यो । उसका लागि जर्मन सेन्टर ब्याक यान बिसेकले एक मात्र गोल गरे । इन्टरको ७५ अंक भएको छ ।
सबैखाले प्रतियोगितामा इन्टरको यो लगातार १२ औं जित हो । लिगमा भने इन्टरको यो लगातार दसौं जित हो ।
क्लबकै इतिहासमा लगातार दस खेल जितेको यो तेस्रो अवसर मात्रै हो र टिम २० औं लिग उपाधितर्फ अग्रसर रहेको छ । दोस्रो स्थानमा रहेको युभेन्ट्सको ५७ अंक छ । शनिबारका अन्य खेलमा कागलिरीले सालेरनटानालाई ४–२, ससुलोले फ्रोसिनालाई १–० र मोन्जाले जेनोआलाई ३–२ ले हरायो ।
