मुख्य समाचार
क्यानले ग्रेड 'ए' का पुरुष खेलाडीलाई मासिक १ लाख तलब दिने, महिलालाई भने ५० हजार
क्यानले ग्रेड 'ए' का पुरुष खेलाडीलाई मासिक १ लाख तलब दिने, महिलालाई भने ५० हजार

— नेपाल क्रिकेट संघ(क्यान) ले महिला तथा पुरुष खेलाडीको वर्गीकरण र मासिक तलब वृद्धि गरेको छ । क्यानको फागुन शनिबार र सोमबार बसेको केन्द्रीय कार्यसमितिको बैठकले खेलाडीहरूको वर्गीकरण र तलबवृद्धिको निर्णय गरेको हो ।

क्यानले पुरुषतर्फ ३० जना र महिला टिमतर्फ १९ जना खेलाडीको वर्गीकरण गरेको छ । पुरुषतर्फ ग्रेड 'ए' मा कप्तान रोहित पौडेल, सोमपाल कामी, करण केसी, दीपेन्द्रसिंह ऐरी, आसिफ सेख र कुशल भुर्तेल रहेका छन् । ग्रेड 'ए' मा परेका खेलाडीलाई मासिक १ लाख तलब उपलब्ध गराउने निर्णय भएको पनि क्यानले जनाएको छ ।



यसअघि ग्रेड 'ए' खेलाडीलाई क्यानले मासिक रूपमा ६० हजार रुपैयाँ उपलब्ध गराउँदै आएको थियो । त्यस्तै मासिक ७० हजार पाउने ग्रेड 'बी' मा कुशल मल्ल, गुलशन झा, भीम सार्की, ललितनारायण राजवंशी, आरिफ सेख र कुशल भुर्तेल रहेका छन् । त्यसैगरी ग्रेड सीमा परेका खेलाडी मासिक ५५ हजार रुपैयाँ पाउँछन् । ग्रेड सीमा विनोद भण्डारी, अर्जुन साउद, सन्दीप जोरा र प्रतिश जीसी रहेका छन् ।

त्यस्तै मासिक ३५ हजार पाउने ग्रेड 'डी' मा पवन सर्राफ, सागर ढकाल, अनिल साह, विवेककुमार यादव, आकाश चन्द, बसिर अहमद र सूर्य तामाङ रहेका छन् । त्यस्तै इमर्जिङ क्याटेगोरीमा दिपेश कँडेल, रुपेश सिंह, रिजन ढकाल, विपिन खत्री, देव खनाल, अर्जुन घर्ती र हेमन्त धामी रहेका छ । यस वर्गमा पर्ने खेलाडीले मासिक २५ हजार रुपैयाँ पाउने क्यानले जनाएको छ ।

पुरुष खेलाडी र महिला खेलाडीले पाउने पारिश्रमिकमा भने धेरै नै अन्तर रहेको छ । ग्रेड 'ए' का पुरुष खेलाडीले मासिक १ लाख पारिश्रमिक पाउँदा उही वर्गमा परेका महिला खेलाडीले भने ५० हजार पाउने क्यानले जनाएको छ । महिलातर्फ ग्रेड 'ए' मा कप्तान इन्दु बर्मा, रुबिना क्षेत्री र सीता राना मगर रहेका छन् । त्यस्तै ग्रेड 'बी'मा कविता कुँवर परेकी छिन् ।


ग्रेड 'बी' मा पर्ने महिला खेलाडीले मासिक ३५ हजार रुपैयाँ पाउनेछन् । त्यस्तै ग्रेड 'सी' मा पूजा महतो र अश्मिना कर्माचार्य छन् भने ग्रेड 'डी' मा अप्सरी बेगम, कविता जोशी, संगीता राई, काजोल श्रेष्ठ र बिन्दु रावल रहेका छन् । ग्रेड 'सी' र 'डी' का खेलाडीले क्रमश: ३० र २५ हजार रुपैयाँ पाउनेछन् । त्यस्तै महिलातर्फ इमर्जिङ वर्गमा सोनी पाख्रिन, खुसी डंगोल, ज्योत्सनिका मरासिनी, कन्चन श्रेष्ठ, सृष्टि जैसी, सम्झना कुमारी खड्का र सना प्रविन रहेका छन् । उनीहरूले मासिक २० हजार रुपैयाँ पाउनेछन् ।

त्यस्तै बैठकले नेपाल 'ए' टिमको मुख्य प्रशिक्षकमा पूर्वकप्तान ज्ञानेन्द्र मल्ल र प्रशिक्षकमा पूर्वखेलाडी कलाम अलीलाई नियुक्त गर्ने निर्णय गरेको छ । त्यस्तै यू-१९ महिला टिमको प्रशिक्षकमा महेशप्रसाद रिजाललाई दिनेसमेत बैठकको निर्णय छ ।

प्रतिक्रिया दिनुहोस्
अन्य समाचारहरु
: नेपाली महिला फुटबल टिमकी कप्तान सावित्रा भण्डारीले एएफसी एसियन कप छनोटको फाइनल खेलमा उज्वेकिस्तानसँग दुर्भाग्यवश हार बेहोर्नुपरेको बताएकी छन्। एएफसी एसियन कप छनोट खेलेर स्वदेश फर्किएपछि त्रिभुवन अन्तर्राष्ट्रिय विमानस्थलमा बोल्दै उनले नेपाली महिला फुटबल टिमले आफूभन्दा बलियो प्रतिस्पर्धी उज्वेकिस्तानसँग राम्रो प्रदर्शन गरेको बताएकी हुन्। उनले भनिन्,‘हामीले ३–१ ले पछि पर्दा जुन हिसाबले कमब्याक ...
— नेपाली राष्ट्रिय महिला फुटबल टोलीकी कप्तान सावित्रा भण्डारी ‘साम्बा’ ले उज्वेकिस्तानमा भएको एएफसी महिला एसियन कप छनोटमा सफल नभए पनि धेरै सकारात्मक ऊर्जा लिएर फर्किएको बताएकी छन्। छनोटको समूह ‘एफ’ को निर्णायक तथा अन्तिम खेलमा घरेलु टोली उज्वेकिस्तानसँग पेनाल्टी सुटआउटमा ४–२ ले पराजित हुँदा नेपाली टोली सन् १९९९ पछि एसियन कप खेल्ने अवसरबाट वञ्चित भएको ...
— मेक्सिकोले अमेरिकालाई सोमबार २–१ ले पराजित गर्दै कनकाकेफ गोल्डकपको उपाधि जितेको छ । मेक्सिकोले एक गोलले पछाडि रहेको स्थिति उल्टाएर कीर्तिमान १० औं पल्ट उत्तर र केन्द्रीय अमेरिका तथा क्यारिबियन क्षेत्रको सबैभन्दा ठूलो फुटबल प्रतियोगिता जितेको हो । ह्युस्टन टेक्सासमा भएको खेलमा अमेरिकाले क्रिस रिचडर्सको गोलले चौथो मिनेटमा अग्रता लिएको थियो । पहिलो हाफको २७ ...
। अस्ट्रेलियाले ग्रेनेडामा भएको दोस्रो टेस्टमा वेस्ट इन्डिजमाथि १३३ रनको प्रभावशाली जित हासिल गर्दै ३ खेलको शृंखलामा २–० को अग्रता बनाएको छ । यो जितसँगै अस्ट्रेलियाले सन् १९९५ देखि आफ्नो कब्जामा रहेको फ्र्यांक वोरेल ट्रफी फेरि एकपटक रक्षा गरेको छ। वेस्ट इन्डिजलाई जितका लागि २७७ रनको लक्ष्य दिएको अस्ट्रेलियाले चौथो दिनको दोस्रो सेसनमै घरेलु टोलीलाई १४३ रनमा ...
। एसीसी यू-१६ इस्ट जोन कपको उपाधि विजेता नेपाली टोली स्वदेश फर्किएको छ । टोली आइतबार बेलुकी काठमाडौं आइपुगेको हो । टोलीलाई नेपाल क्रिकेट संघ (क्यान)का सचिव पारस खड्का, यू-१९ टोलीका प्रशिक्षक शक्ति गौचन लगायतले त्रिभुवन अन्तर्राष्ट्रिय विमानस्थलमा स्वागत गरे । शनिबार भएको फाइनलमा सिंगापुरलाई २ विकेटले हराउँदै नेपालले उपाधि जितेको थियो । नेपाल यस प्रतियोगितामा अपराजित ...