मुख्य समाचार
दाङमा दुर्घटना न्यूनीकरणका लागि टाइमकार्ड
दाङमा दुर्घटना न्यूनीकरणका लागि टाइमकार्ड

— घोराही–तुलसीपुर सडक खण्डमा दुर्घटना न्यूनीकरणका लागि सोमबारदेखि टाइमकार्ड लागू गरिएको छ । घोराही-तुलसीपुर २३ किलोमिटरको दुरीमा ७० मिनेटको समय दिइएको छ । आइतबार जिल्ला प्रशासन कार्यालयमा बसेको सर्बपक्षीय बैठकले पहिलो चरणमा घोराही–तुलसीपुर सडकमा टाइम कार्ड लागू गर्ने निर्णय गरेको हो ।

घोराहीदेखि नारायणपुरसम्म ३० मिनेट र नारायणपुरदेखि तुलसीपुरसम्म ४० मिनेटको समय निर्धारण गरिएको छ । यसका साथै नियमितरुपमा सवारी साधनको गति र मेकानिकल परीक्षण गरिने भएको छ ।



बढ्दो सवारी दुर्घटनालाई न्यूनीकरण गर्दै सडकलाई सुरक्षित, भरपर्दो र मर्यादित बनाउने उद्देश्यले बिभिन्न सुधारका योजनाहरु लागू गर्न थालिएको प्रमुख जिल्ला अधिकारी रामबन्धु सुवेदीले बताए । ट्राफिक प्रहरी कार्यालयको नेतृत्वमा नियमित रुपमा सडकमा लेजर गन प्रयोग गरी सवारी साधनको गति परीक्षण गर्ने, यान्त्रिक कार्यालय र यातायात व्यवस्था कार्यालयको समन्वयमा सवारी साधनको मेकानिकल परीक्षण गरी कार्ड उपलब्ध गराउने तयारी पनि भएको उनले बताए ।

वार्षिकरुपमा सवारी चालकहरुले स्वास्थ्य परीक्षण गरी कार्ड प्राप्त गर्ने र यसको अनुगमन जिल्ला ट्राफिक प्रहरी कार्यालयले गर्ने निर्णय यसअघि नै भएको छ । चालकलाई ट्राफिक प्रहरी, यातायात कार्यालय, यातायात व्यवसायी महासंघ र स्थानीय तहको समन्वयमा सुरक्षित सवारी सञ्चालन सम्बन्धी प्रशिक्षण दिने निर्णय भएको छ ।

तुलसीपुर–घोराही–लमही–भालुबाङ सडक खण्डमा तिब्र गतिका कारण सवारी दुर्घटना हुने गरेकाले उक्त रुटमा सञ्चालन हुने सार्वजनिक यात्रुवाहक र ढुवानीका सवारी साधनहरुमा बिस्तारै पालो प्रतिस्थापन (क्यू) प्रणाली र टाइम कार्ड लागू गर्ने निर्णय भएको छ ।


यसैगरी सबै बिद्यालयमा सडक सुरक्षा सम्बन्धी चेतनामुलक कार्यक्रम सञ्चालन गर्ने र त्यसका लागि शिक्षा समन्वय इकाईले सबैलाई पत्राचार गर्ने निर्णय भएको छ । स्थानीय तहले नागरिकलाई सडक सुरक्षा सम्बन्धी सचेतना गर्ने तथा सडक डिभिजन कार्यालयले बिद्यालय, अस्पताल र मन्दिर क्षेत्रमा साइनबोर्ड र जेब्रा क्रसिङ राख्ने निर्णय भएको छ । यस्तै बिद्यालय, अस्पताल र मन्दिर क्षेत्रमा जरुरी बाहेक हर्न निषेध गर्ने निर्णय गरिएको छ ।

सार्वजनीक सवारी साधनलाई अपांगमैत्री, ज्येष्ठ नागरिकमैत्री, बालमैत्री र लैंगिकमैत्री बनाउन यातायात व्यवसायी महासंघले तत्काल काम थाल्ने र ट्राफिक प्रहरीले त्यसको अनुगमन गर्ने निर्णय भएको जिल्ला ट्राफिक प्रहरी कार्यालय प्रमुख किरणप्रकाश मल्लले बताए ।

प्रतिक्रिया दिनुहोस्
अन्य समाचारहरु
— यूएईलगायत खाडी क्षेत्रमा सोमबार राति भएको भीषण वर्षाका कारण उडान रोकिँदा त्रिभुवन अन्तर्राष्ट्रिय विमानस्थलमा सयौं यात्रु अलपत्र परेका छन् । पोखराका चिरञ्जीवी धिताल, सुनसरीका आजाद अन्सारी लगायतका यात्रु मंगलबार राति १ बजे एफजेट–५७४ नम्बरको उडानबाट दुबई पुग्नुपर्ने थियो । तर, मंगलबार फ्लाई दुबईले राखेका तीनमध्ये दुबई–काठमाडौं–दुबईका दुइटा उडान भएन । ‘मौसमको कारण देखाउँदै उडान रद्द ...
— अवैध रुपमा बाँकेको जमुनाह नाका हुँदै भारततर्फ लैजाँदै गरेको ठुलो परिमाणको खुकुरी चुरोट बाँके प्रहरीले बरामद गरेको छ । प्रहरीले नेपालगन्ज उपमहानगरपालिका–१५ जमुनाहबाट १२ सय ८० प्याकेट खुकुरी चुरोट (करिब एक लाख ५८ हजार ७२० मूल्य बराबरको) बरामद गरेको हो । अवैध रुपमा नेपालबाट भारततर्फ निकासी गर्दै गरेको अवस्थामा इलाका प्रहरी कार्यालय जमुनाहबाट खटिएको प्रहरी टोलीले ...
— जनता समाजवादी पार्टी, नेपालबाट समानुपातिक सांसद बनेकी हसिना खानले पद तथा गोपनीयताको शपथग्रहण गरेकी छिन् । शुक्रबार सिंहदरबारमा खानलाई सभामुख देवराज घिमिरेले प्रतिनिधिसभा सदस्यको शपथ ग्रहण गराएका हुन्। मञ्जु शर्मा अन्सारीको निधन भएपछि जसपाले रिक्त स्थानमा २७ वर्षीया खानको नाम सिफारिस गरेको थियो । जसपाबाट समानुपातिक सांसद बनेकी शहनाज रहमानको २०७९ फागुन १३ गते ...
— उद्योग, वाणिज्य तथा आपूर्तिमन्त्री दामोदर भण्डारीले विभिन्न कारणले बन्द हुन पुगेका र रुग्ण अवस्थाका उद्योग सञ्चालनका लागि सरकारले चाँडै नयाँ नीति ल्याउने बताएका छन् । उद्योग वाणिज्य सङ्घ र कम्प्युटर एशोसिएशन नेपाल महासङ्घ, चितवनले भरतपुर महानगरपालिका–१० मा गरेको पाँच दिने औद्योगिक प्रदर्शनी तथा सूचना प्रविधि मेलाको उद्घाटन कार्यक्रममा उनले विभिन्न समयमा बन्द भएका र ...
— बंगलादेशका विदेश सचिव मसुद बिन मोमेनले बुधबार उपप्रधान तथा परराष्ट्रमन्त्री नारायणकाजी श्रेष्ठसँग शिष्टाचार भेट गरेका छन् । तेस्रो नेपाल–बंगलादेश परराष्ट्र सचिवस्तरीय संयुक्त परामर्श समितिको बैठक बस्न आएका सचिव मोमेनले सिंहदरबारस्थित परराष्ट्र मन्त्रालयमा पुगेर उपप्रधानमन्त्री श्रेष्ठसँग भेटवार्ता गरेका हुन् । उक्त अवसरमा दुई पक्षीय व्यापार र वाणिज्यमा सहकार्य, कनेक्टिभिटी, उर्जा र विद्युत्, पर्यटन, संस्कृति र शिक्षाको ...