मुख्य समाचार
संसद् परिसरकै सुरक्षामा गम्भीर लापरबाही
संसद् परिसरकै सुरक्षामा गम्भीर लापरबाही

— सरकारले सिंहदरबार, संसद् भवन, प्रधानमन्त्री निवास, राष्ट्रपति भवन लगायतका महत्त्वपूर्ण क्षेत्रको सुरक्षा संवेदनशीलतालाई कारण देखाएर त्यस वरपर निषेधित क्षेत्र घोषणा गरेको छ । तर त्यही निषेधित क्षेत्रभित्र पर्ने संघीय संसद् भवन परिसरमा सोमबार नाराबाजीसहित एउटा समूह छिरेर प्रदर्शन गर्‍यो । लघुवित्तपीडित सहितका व्यक्तिहरू संसद् बैठक चलेकै दिन संसद् भवनको गेटभित्र छिरेर प्रदर्शन गरे । उच्च सुरक्षा हुनुपर्ने स्थानमै भएको उक्त घटनाले गम्भीर सुरक्षा लापरबाही देखाएको छ ।

प्रधानमन्त्री, सभामुख, राष्ट्रिय सभा अध्यक्ष, मन्त्री, सांसदहरू सबै उपस्थित रहेका बेला संसद् भवनभित्र बाहिरको समूह प्रवेश गरेर प्रदर्शन गर्नुले त्यहाँको सुरक्षाको दुरावस्था छर्लङ पारेको छ । जबकी माइतीघरदेखि बानेश्वरसम्मकै क्षेत्रलाई काठमाडौं प्रशासनले निषेधित घोषणा गरेको छ । निषेधित क्षेत्रमा समूह बनाएर हिँड्न र प्रदर्शन गर्न रोक लगाइएको छ । तर सोमबार अतिसंवेदनशिल निषेधित क्षेत्र तोडेर प्रदर्शनकारी संसद् भवनभित्र छिरे ।



काठमाडौं उपत्यका प्रहरी कार्यालय प्रमुख एआईजी दीपक थापाका अनुसार काठमाडौंका विभिन्न ठाँउबाट सोमबार दिउँसो ५/६ जना भेला भएर बानेश्वरको पानीट्यांकी नजिक गएको देखिन्छ । 'आज कार्यक्रम छैन यसो घुम्न आएको भन्दै' संसद् भवनको ३ नम्बर गेट अघि भेला हुने क्रम बढ्यो । उनीहरु अलि अलि गर्दै त्यस क्षेत्रमा आइपुगेर छरिएर गेटको वरपरी बसेका थिए ।

पानीट्यांकी नजिकै प्रहरीको सिआरभी भ्यान पनि बस्छ । प्रहरीको अरू टोली पनि बाहिर बस्छ । तर त्यहाँ को आइरहेको छ र के गर्न चाहिरहेको छ भन्ने प्रहरीले भेउ पाएन ।

पानीट्यांकी तर्फको गेटमाथि दुई जना सेन्ट्री बसेका थिए । गेटमा दुईजना तैनाथ छन् । त्यही बेला एकजना प्रहरी काम विशेषले संसद् परिसर भित्र छिरेका बेला गेटको सुरक्षामा एक जना मात्र प्रहरी हुनपुगे । त्यही बेलामा यताउता छरिएर रहेका मानिसहरू एकत्रित भई गेटबाट सुरक्षाकर्मीलाई धकेलेर प्रवेश गरे । उनीहरु संसद्को मुख्य भवन बाहिरको खुल्ला स्थानमा नाराबाजीसहित प्रदर्शन गरे ।


संसद् भवन परिसरको सम्पूर्ण सुरक्षा कमाण्ड नेपाल प्रहरीको हुन्छ । संसद्को हलभित्र सांसदको सुरक्षा भने संसद् सचिवालय मातहत रहने मर्यादापालकले गर्छन् । संसद् परिसर क्षेत्रको सुरक्षाका लागि त्यहाँ इन्सपेक्टरको नेतृत्वमा विशेष कार्यादलको एउटा टुकडी नै तैनाथ छ । त्यसलाई समेत छलेर प्रदर्शनकारी भित्र प्रवेश गर्नुले सुरक्षा अवस्था नाजुक रहेको देखाएको छ ।

संसद् भवनभित्र आन्दोलनकारी प्रवेश गरेको घटना गम्भीर भएको भन्दै सभामुख देवराज घिमिरेले लघुवित्त ऋणीहरूको समूह हुलहुज्जतसहित प्रवेश गरेको र नाराबाजी गरेको विषयमा नेपाल प्रहरीका महानिरीक्षक बसन्तबहादुर कुँवरसँग जानकारी लिएका छन् ।

सभामुख घिमिरेको सचिवालयले दिएको जानकारीअनुसार उक्त घटनालाई गम्भीर रूपमा लिइएको छ । 'संसद् परिसरमा लघुवित्त ऋणीहरू प्रवेश गरेको विषयमा सभामुखले गम्भीर चासो लिनुभएको छ । सभामुखले आजै प्रहरी महानिरीक्षक बसन्तबहादुर कुँवरबाट घटनाबारे जानकारी लिनुभएको छ,' सभामुखका प्रेस विज्ञ शेखर अधिकारीले भने, 'उहाँले सुरक्षा व्यवस्थापनबारे आफू गम्भीर र चिन्तित भएको बताउनुभयो ।'

उक्त घटनाको छानबिनका लागि प्रहरीले तीन सदस्यीय समिति गठन गरेको छ । एसएसपी दिनेशराज मैनाली संयोजकत्वमा एसपी नवराज अधिकारी र डीएसपी दिनेश घिमिरे रहेको समिति बनाइएको हो ।

प्रतिक्रिया दिनुहोस्
अन्य समाचारहरु
— यूएईलगायत खाडी क्षेत्रमा सोमबार राति भएको भीषण वर्षाका कारण उडान रोकिँदा त्रिभुवन अन्तर्राष्ट्रिय विमानस्थलमा सयौं यात्रु अलपत्र परेका छन् । पोखराका चिरञ्जीवी धिताल, सुनसरीका आजाद अन्सारी लगायतका यात्रु मंगलबार राति १ बजे एफजेट–५७४ नम्बरको उडानबाट दुबई पुग्नुपर्ने थियो । तर, मंगलबार फ्लाई दुबईले राखेका तीनमध्ये दुबई–काठमाडौं–दुबईका दुइटा उडान भएन । ‘मौसमको कारण देखाउँदै उडान रद्द ...
— अवैध रुपमा बाँकेको जमुनाह नाका हुँदै भारततर्फ लैजाँदै गरेको ठुलो परिमाणको खुकुरी चुरोट बाँके प्रहरीले बरामद गरेको छ । प्रहरीले नेपालगन्ज उपमहानगरपालिका–१५ जमुनाहबाट १२ सय ८० प्याकेट खुकुरी चुरोट (करिब एक लाख ५८ हजार ७२० मूल्य बराबरको) बरामद गरेको हो । अवैध रुपमा नेपालबाट भारततर्फ निकासी गर्दै गरेको अवस्थामा इलाका प्रहरी कार्यालय जमुनाहबाट खटिएको प्रहरी टोलीले ...
— जनता समाजवादी पार्टी, नेपालबाट समानुपातिक सांसद बनेकी हसिना खानले पद तथा गोपनीयताको शपथग्रहण गरेकी छिन् । शुक्रबार सिंहदरबारमा खानलाई सभामुख देवराज घिमिरेले प्रतिनिधिसभा सदस्यको शपथ ग्रहण गराएका हुन्। मञ्जु शर्मा अन्सारीको निधन भएपछि जसपाले रिक्त स्थानमा २७ वर्षीया खानको नाम सिफारिस गरेको थियो । जसपाबाट समानुपातिक सांसद बनेकी शहनाज रहमानको २०७९ फागुन १३ गते ...
— उद्योग, वाणिज्य तथा आपूर्तिमन्त्री दामोदर भण्डारीले विभिन्न कारणले बन्द हुन पुगेका र रुग्ण अवस्थाका उद्योग सञ्चालनका लागि सरकारले चाँडै नयाँ नीति ल्याउने बताएका छन् । उद्योग वाणिज्य सङ्घ र कम्प्युटर एशोसिएशन नेपाल महासङ्घ, चितवनले भरतपुर महानगरपालिका–१० मा गरेको पाँच दिने औद्योगिक प्रदर्शनी तथा सूचना प्रविधि मेलाको उद्घाटन कार्यक्रममा उनले विभिन्न समयमा बन्द भएका र ...
— बंगलादेशका विदेश सचिव मसुद बिन मोमेनले बुधबार उपप्रधान तथा परराष्ट्रमन्त्री नारायणकाजी श्रेष्ठसँग शिष्टाचार भेट गरेका छन् । तेस्रो नेपाल–बंगलादेश परराष्ट्र सचिवस्तरीय संयुक्त परामर्श समितिको बैठक बस्न आएका सचिव मोमेनले सिंहदरबारस्थित परराष्ट्र मन्त्रालयमा पुगेर उपप्रधानमन्त्री श्रेष्ठसँग भेटवार्ता गरेका हुन् । उक्त अवसरमा दुई पक्षीय व्यापार र वाणिज्यमा सहकार्य, कनेक्टिभिटी, उर्जा र विद्युत्, पर्यटन, संस्कृति र शिक्षाको ...