मुख्य समाचार
‘वाफमा जित यात्रा जारी राख्नुपर्छ’
‘वाफमा जित यात्रा जारी राख्नुपर्छ’

— वाफ वुमन्स च्याम्पियनसिपमा नेपालका लागि मिडफिल्डमा उत्कृष्ट प्रदर्शन गरिरहेकी प्रीति राईले टिमको उद्देश्य जितको यात्रालाई जारी राख्ने बताएकी छन् । साउदी अरेबियाको जेद्दामा भइरहेको प्रतियोगिताको शनिबार सेमिफाइनल समीकरण पूरा भएको छ । त्यसमा नेपालले लेवनानको सामना गर्ने भएको छ ।

अर्को सेमिफाइनलमा तीनपल्टको डिफेन्डिङ च्याम्पियन जोर्डनको भेट प्यालेस्टाइनसँग हुनेछ । प्रतियोगिताको समूह ‘बी’ को अन्तिम लिग खेलमा नेपालले प्यालेस्टाइनलाई ४–० ले हराएर समूहको शीर्षस्थानमा रह्यो । नेपालको तीन खेलबाट ९ अंक भएको छ । प्यालेस्टाइन भने समूह उपविजेता रह्यो । ‘हामीले लगातार तीन जित निकालेका छौं र यो लयलाई अन्त्यसम्म कायम राख्नुपर्छ,’ प्रीतिले खेलपछिको अन्तर्वार्तामा भनेकी छन्, ‘जति पनि गोल भए, सबै टिमले बनाएको गोल रह्यो । यो निकै राम्रो प्रदर्शन हो ।’

प्यालेस्टाइनविरुद्ध नेपालबाट सावित्रा भण्डारीले दुई, रेखा पौडेल र गीता राना एक–एक गोल गरेका थिए । सावित्राले ४० औं मिनेटमा पहिलो गोल गरेपछि ५९ औं मिनेटमा रेखाले दोस्रो गोल थपिन् । सावित्राले ७८ औं मिनेटमा तेस्रो गोल गरिन् । चौथो गोल भने गीताले पेनाल्टीबाट दोस्रो हाफको इन्ज्युरी समयको छैटौं मिनेटमा गरेकी हुन् । दुवै सेमिफाइनल मंगलबार हुनेछ । सावित्राले पनि

नेपालको प्रदर्शन उच्च रहेको बताउँदै भनिन्, ‘अब लेवनानविरुद्ध खेल छ, यो सजिलो हुने छैन ।’

प्रतिक्रिया दिनुहोस्
अन्य समाचारहरु
— नेपालको एसीसी ट्वान्टी–२० प्रिमियर कप क्रिकेटको यात्रा सेमिफाइनलमा रोकिएको छ । निकै खराब ब्याटिङ गरेको नेपाललाई शुक्रबार ओमानमा भइरहेको प्रतियोगिताको सेमिफाइनलमा यूएईले ६ विकेटले पराजित गरेको हो । योसँगै नेपालको लगातार दोस्रो पटक एसिया कप खेल्ने समाप्त भएको छ । प्रिमियर कपको विजेताले अर्को वर्ष एसिया कपमा खेल्न पाउने प्रावधान छ । गत वर्ष नेपालले ...
— लयमा फर्कने प्रयासमा रहेको मुम्बईले बिहीबार आईपीएल २०२४ मा पञ्जाव किंग्सलाई नौ रनले पराजित गरेको छ । यो जितपछि मुम्बईको सात खेलबाट छ अंक भएको छ र सातौं स्थानमा उक्लेको छ । अब उसले शीर्ष चारका लागि प्रयास गर्न सक्नेछ । पञ्जाव भने चार अंकमा नवौं स्थानमा छ । मुम्बईले पहिले ब्याटिङ गर्दै सात विकेटमा ...
— लिभरपुलले क्वाटरफाइनल दोस्रो लेगमा बिहीबार एटलान्टालाई १–० ले हराए पनि युरोपा लिगमा उसको चुनौती समाप्त भएको छ । लिभरपुलका लागि मोहमद सलाहले सातौं मिनेटमा पेनाल्टीबाट गोल गरे । यस जितका बाबजुद लिभरपुल समग्रमा ३–१ ले पछाडि पर्‍यो र एटलान्टा सेमिफाइनल पुग्यो । मार्से, रोमा र लेभरकुजन पनि अन्तिम चारमा पुग्न सफल रहे । मार्सेले बेनफिकालाई ...
: नेपाली राष्ट्रिय क्रिकेट टोलीका सदस्य दीपेन्द्रसिंह ऐरी आइसीसी टी-२० वरियताको अलराउन्डरतर्फ ११औं स्थानमा उक्लिएका छन्। अन्तर्राष्टिय क्रिकेट काउन्सिल (आइसिसी)ले जारी गरेको नयाँ वरियतामा दीपेन्द्र १४औं स्थान सुधार गर्दै ११औं स्थानमा पुग्न सफल भएका हुन्। त्यसैगरी ब्याटिङतर्फको विश्व वरियतामा १६ स्थान सुधार गर्दै ऐरी ६२औं स्थानमा उक्लिएका छन्। ऐरी हालः ओमानमा जारी एसिसी प्रिमियर कप क्रिकेट ...
: एसीसी प्रिमियर कपको सेमिफाइनलमा नेपालको प्रतिद्वन्द्वी युएई हुने भएको छ। समूह बीअन्तर्गतको खेलमा युएईले कम्बोडिया र ओमानले कुवेतलाई हराएपछि सेमिफाइनल समीकरण पूरा भएको हो। ओमान अपराजित रहँदै समूह विजेता बनेको छ भने युएई तीन जित र एक हारसँगै उपविजेता बनेको छ। समूह एमा नेपाल अपराजित रहँदै विजेता र हङकङ उपविजेता बनेको हो। यससँगै सेमिफाइनलमा नेपालले ...