मुख्य समाचार
लिभरपुल कीर्तिमान : दसौं पल्ट च्याम्पियन
लिभरपुल कीर्तिमान : दसौं पल्ट च्याम्पियन

— भर्जिल भान डाइकले अतिरिक्त समयको अन्त्यतिर हेडबाट गरेको गोलको मद्दतले लिभरपुलले आइतबार वेम्बलीमा चेल्सीलाई १–० ले पराजित गर्दै नाटकीय रूपमा काराबाओ कपको उपाधि जितेको छ । चोटग्रस्त खेलाडीको समस्याबाट गुज्रिरहेको लिभरपुलले मैदानमा नयाँ र युवा खेलाडीले बाहुल्यता रहेको टिम उतारेको थियो ।

तर फाइनलको एक मात्र गोल भने अनुभवी कप्तान भान डाइकको नाममा रह्यो र यससँगै लिभरपुलले कीर्तिमान दसौं पल्ट लिग कप जितेको छ । यसअघि पनि डच खेलाडी गोल गरे पनि त्यसलाई ‘भार’ ले अमान्य घोषणा गरेको थियो । तर खेल सकिन दुई मिनेट अगाडिको गोल भने अन्ततः निर्णायक सावित भयो ।



व्यवस्थापक योर्गन क्लोपले सिजनको अन्त्यमा क्लब छाड्ने निर्णय यता लिभरपुलले जितेको यो पहिलो उपाधि हो । क्लोपले एनफिल्डमा बिताएका नौ वर्षमा जितेको यो सातौं ठूलो उपाधि हो । लिभरपुलले यस सिजन अझै तीन उपाधि जित्ने सम्भावना कायम छ । उसको चुनौती इंग्लिस प्रिमियर लिग, एफए कप र युरोपा लिगमा कायम छ ।

प्रतिक्रिया दिनुहोस्
अन्य समाचारहरु
— नेपालको एसीसी ट्वान्टी–२० प्रिमियर कप क्रिकेटको यात्रा सेमिफाइनलमा रोकिएको छ । निकै खराब ब्याटिङ गरेको नेपाललाई शुक्रबार ओमानमा भइरहेको प्रतियोगिताको सेमिफाइनलमा यूएईले ६ विकेटले पराजित गरेको हो । योसँगै नेपालको लगातार दोस्रो पटक एसिया कप खेल्ने समाप्त भएको छ । प्रिमियर कपको विजेताले अर्को वर्ष एसिया कपमा खेल्न पाउने प्रावधान छ । गत वर्ष नेपालले ...
— लयमा फर्कने प्रयासमा रहेको मुम्बईले बिहीबार आईपीएल २०२४ मा पञ्जाव किंग्सलाई नौ रनले पराजित गरेको छ । यो जितपछि मुम्बईको सात खेलबाट छ अंक भएको छ र सातौं स्थानमा उक्लेको छ । अब उसले शीर्ष चारका लागि प्रयास गर्न सक्नेछ । पञ्जाव भने चार अंकमा नवौं स्थानमा छ । मुम्बईले पहिले ब्याटिङ गर्दै सात विकेटमा ...
— लिभरपुलले क्वाटरफाइनल दोस्रो लेगमा बिहीबार एटलान्टालाई १–० ले हराए पनि युरोपा लिगमा उसको चुनौती समाप्त भएको छ । लिभरपुलका लागि मोहमद सलाहले सातौं मिनेटमा पेनाल्टीबाट गोल गरे । यस जितका बाबजुद लिभरपुल समग्रमा ३–१ ले पछाडि पर्‍यो र एटलान्टा सेमिफाइनल पुग्यो । मार्से, रोमा र लेभरकुजन पनि अन्तिम चारमा पुग्न सफल रहे । मार्सेले बेनफिकालाई ...
: नेपाली राष्ट्रिय क्रिकेट टोलीका सदस्य दीपेन्द्रसिंह ऐरी आइसीसी टी-२० वरियताको अलराउन्डरतर्फ ११औं स्थानमा उक्लिएका छन्। अन्तर्राष्टिय क्रिकेट काउन्सिल (आइसिसी)ले जारी गरेको नयाँ वरियतामा दीपेन्द्र १४औं स्थान सुधार गर्दै ११औं स्थानमा पुग्न सफल भएका हुन्। त्यसैगरी ब्याटिङतर्फको विश्व वरियतामा १६ स्थान सुधार गर्दै ऐरी ६२औं स्थानमा उक्लिएका छन्। ऐरी हालः ओमानमा जारी एसिसी प्रिमियर कप क्रिकेट ...
: एसीसी प्रिमियर कपको सेमिफाइनलमा नेपालको प्रतिद्वन्द्वी युएई हुने भएको छ। समूह बीअन्तर्गतको खेलमा युएईले कम्बोडिया र ओमानले कुवेतलाई हराएपछि सेमिफाइनल समीकरण पूरा भएको हो। ओमान अपराजित रहँदै समूह विजेता बनेको छ भने युएई तीन जित र एक हारसँगै उपविजेता बनेको छ। समूह एमा नेपाल अपराजित रहँदै विजेता र हङकङ उपविजेता बनेको हो। यससँगै सेमिफाइनलमा नेपालले ...